معلومه من تجسير الفكر وابي اتاكد منها
مساكم الله بالخير
اول شي بشرح اللي صار معي بالضبط زوجتي جاها قبول بعثه ثم لما جيت اسجل طلب موعد مقابله في السفاره برقم الطلب حق الابتعاث كان يعطيني ايرور وبعدها نصحوني الشباب اجرب اسم مستخدم جديد يعني ادفع من جديد وبعدها سويت طلب جديد ولكن نفس الوضع يعطيني ايرور بعد صفحه السيفس لاني ماسددت حتى الحين لانها طلبت تغيير المعهد المهم رحت لمكتب تجسير الفكر
وسالتهم عن حل للمشكله قالو لي ان المشكله في النظام حق السفاره الامريكيه ان بعض ارقام البعثه مابعد حدثوها وفيها مشكله وعلى اساس كذا قالو لي ادخل اسم مستخدم جديد بدون ماتحط رقم الطلب تبع زوجتي واختر موعد ثاني غير اللي محددته وزاره التعليم العالي وقلت لهم مايصير قالو لي انهم سالو دكتور في التعليم العالي وقال لهم مافيه مشكله بامكان اي شخص يسوي المقابله في وقت غير المحدد بس مايكون بعيد وانا ودي اسوي طلب جديد بس اخاف اني لو حطيت موعد غير المحدده اطيح لي في مشكله جديده وحتى لتاكيد الموضوع اتصلت على الشخص المسؤول في مكتب تجسير وقالي انه مسؤول عن كل كلمه قالها لي بس اني خايف
وعلى اساس كذا اللي عنده خلفيه عن الموضوع ياليت يفزع لي
رد: معلومه من تجسير الفكر وابي اتاكد منها
فيه طلاب وطالبات هنا طرحو مشكلتهم وحلوها مع السفارة اتصل بالسفارة وقللهم
انو صفحة السيفيس فيها ايرور
وعطهم رقم المستخدم وكلمة المرور
ويعملون لك الموعد ويرسلون لك عالايميل الرد
رد: معلومه من تجسير الفكر وابي اتاكد منها
اول حاجه الله يعطيك العافيه
انا خشيت على موقعه السفاره ولقيت ايميل وارسلت عليه بس ماني متاكد من الايميل اذا تعرفينه بكون شاكر
واذا كان نفس الايميل بقولك اني لازلت انتظر ومابعد ردو علي يعني طناش
وش الحل لاني ناوي ياسجل من جديد واحاول بدون رقم الطلب على حسب معلومه مكتب تجسير
رد: معلومه من تجسير الفكر وابي اتاكد منها
احجز بغير الايام المحدده لمبتعثين المرحله السادسه احجز وانت متطمن....اهم شيء تجيب معاك بطاقة الملتقى حقت زوجتك اثبات انها مبتعثه
انا عن نفسي بحجز في غير يوم الاثنين
بس دعواتك يوصلني القبول
على فكرة في شخص حجز بغير الموعد ومشيت امووره بس انو جاب معاه شي يثبت انه مبتعث
دعواااتك
رد: معلومه من تجسير الفكر وابي اتاكد منها
نـعـم صـحيح. ليس أن شرطاً أن يحجز الطالب موعداً للمقابلة الشخصية في الأيام المخصّصة لطلاب برنامج KASP . يستطيع حجز أي موعد متى شاء وأين شاء (الرياض-الظهران-جدة).
رد: معلومه من تجسير الفكر وابي اتاكد منها
كلاااااااااااااااام الاخوان صحيح
وهذا كلامهم بالملتقى بعد
رد: معلومه من تجسير الفكر وابي اتاكد منها
لا تخاف اخوي تطمن انا سويت فيزتي بالقنصليه في الظهران و غير المواعيد المخصصه لطلاب الابتعاث و بعد 3 ايام استلمت جوازي
^_^ توكل على الله
رد: معلومه من تجسير الفكر وابي اتاكد منها
الله يعافيك
المقصد انك تتصل فيهم تلفون بأوقاتهم
مش ايميل
الايميل يمكن مايردون عليك ويطنشون
يهتمون بإيميلات الرعايا الأمريكان في الغالب
الافضل انك تتصل تلفون وتعمل اللي قلت لك عليه
رد: معلومه من تجسير الفكر وابي اتاكد منها
لا تحط رقم الإبتعاث واحجز في اي يوم غير الأيام المحددة لطلاب خادم الحرمين
وما في اي مشكلة انا حاجز في يوم غير الأيام المخصصة وفي طلاب كثيرين حاجزين في غير الأيام المخصصة ومشت امورهم
وخلصت امورهم بدون اي مشاكل
وانت لما تروح المقابلة خبرهم انك تبع برنامج خادم الحرمين ووريهم البطاقة حقت الملتقى
رد: معلومه من تجسير الفكر وابي اتاكد منها
الله يعطيكم مليون عافيه بحجز موعد بدون رقم الطلب
بس المشكله الثانيه ان زوجتي ماحضرت الملتقى لاني كنت برا السعوديه وكلمت التعليم العالي وبيسوون لها اختبار
هل تتوقعون لو اطبع القبول اللي جاني يكفي عن بطاقه الملتقى