المشاركة الأصلية كتبت بواسطة ألحايره
السلام عليكم ورحمة الله وبركاته
انا مبتعثه على برنامج خادم الحرمين الشريفين وزوجي مرافق لي
اتمنى تفيدوني يارب يجزاكم الجنه ..
- راتب المبتعثه ومرافقها زوجها وثلاثه اطفال كم يكون !!
المبتعثه بحدود 1800 وكسور , المرافق يـ 900 او 1200
وهل يكفي حيث الابتعاث لأمريكا ( سان دييغو ) San Diego
- وبخصوص زوجي قالو له لابد ضمان بنكي كيف طريقته وبعضهم قالو المبلغ ينحجز عليك
بحط بحسابه مبلغ يعني من 50 الف ريال الى 75 الف ريال , ويطلب شهاده بنكيه موجه الى من يهمه الامر او السفاره الامريكيه وتكون بالانقلش وبالدولار (انا سويتها بالبنك الامريكي لان الراجحي والرياض رفضو بالدولار)
تكون الفلوس بالحساب بس 24 ساعه ويقدر يسحبهآ
هل لابد يستخرج ضمان بنكي ام ان الملحقيه تتكفل فيه بخصوص المرافق !!
الملحقيه تتكفل بدراسه المرافق بس الشهاده البنكيه اجراء روتيني عشان يجيب قبول وتطلع له فيزا اف ون للدراسه
دوام كاامل ,, واول مايروح بلد الابتعاث يصير على حساب الدوله
اتمنى افادتي والله لن انساكم من الدعاء ..
