لمبتعثين كندا....واهمهم الدراسات العليا
السلام عليكم ورحمة الله وبركاته
انا دوبي مقفلة محاضرات الدكتور نزار باهبري بعنوان (قبل السفر الى كندا ) وطبعن استفدت حاجات مررة كتيرة
وزعلت على الوقت الي ضيعته في انتظار القبول من غير ما اتحرك واسوي شي بس اهو راح اشغل همتي
من اهم الاشياء الي المفروض تنعمل واحنا هنا او الين مايجي قبولنا ...خصوصا الي لسا قبولهم ماجا
اننا نطلع نسخ اصلية ن السجل الاكاديمي على الاقل (5) عشان نراسل بيها الجامعات
ايضا بالاضافة للوثيقة نفس الشي
نوضع كل نسخة من السجل مع نسخة من الوثيقة في مغلف رسمي للجامعة ينختم (موضع اغلاق الظرف)
بالنسبة للتوصيات كل توصية في ظرف لحال مختومة موضع الاغلاق طبعا الظروف لازم تكون تابعة للجامعة
هادا غير اننا لازم نسوي سيرة ذاتية
ونعد صفحة والافضل صفحتين من الهدف من الدراسة
وفي مقاطع توريك كيف تكتب وايش المعاومات الي المفروض تكتبها في الهدف من الدراسه
يعني من جد اجراءات كان المفروض بدينا فيها من اول اشياء لازم تكون معانا من هنا قبل كندا ...وبيقول الدكتور في المحاضرة بالنسبة للاشخاص الي المفروض انو جاهم قبول وعرفو لايتهم يتواصلو مع نادي الطلبه السعوديين في كندا ويختار ولايتو
لانو الاندية بتوفر معلومات مفصلة ومفيدة من المطار الي في السعودية اليييييييين بداية دراستك في كندا من غير ما يعطيك احد ردود او اجابات غير مفيدة ...والله بينفعو في كل شي من (المبلغ الي المفروض يكون معاك سواء فرد او عائلة - بطاقة التعريف - تصريح الدراسة - الجمارك - ملف الملحقية - التامين الطبي -حساب البنك- السسسسسسسكن ) جزاهم الله خير والله وصلت معاهم الين يقولولك افضل شركة جوال وليش؟ وهذا كلو من غير مقابل
يعني مجهود جبار
انا عن نفسي من بكرة حبدا مشوار الجامعة مع التوصيات والسجل والوثيقة ....والله يعيني على المرمطات ..الين يجي قبولنا ..يعني الواحد مايزنق نفسه والمفروض يخلص اموره من هنا قبل اي عطلة هناك وقبل صدور الابتعاث كمان
وعلى فكرة في بروشور ادونا ياه وقت الملتقى عبارة عن مطوية بيضة اسمها نشرة ارشادية للمبتعثين ومرافقيهم
جدا مفيدة انا انتبهت لها دحين
واهو راح ابدأ همتي وابدو انتو كمان ....وخلونا نتفاعل ونتناقش افضل من انتظارنا للقبول
رد: لمبتعثين كندا....واهمهم الدراسات العليا
شكرا جزاكي الله خيرا بس التوصيات هادي العاديه ابو جدول بالانجليزي ؟
انا قالولي لاتقفلي الظرف وتختميه لانو ممكن تضيفي اشياء
رد: لمبتعثين كندا....واهمهم الدراسات العليا
لازم ينختم كندا ماتقبل الا المختوم خصوصا التوصيات لو راح تضيفي اشياء ترفقيها اما التوصية لازم لحالها مختومة
رد: لمبتعثين كندا....واهمهم الدراسات العليا
هلا اختي
من فين حصلتي هاذي المحاضرات ؟؟ هل ممكن الحصول على نسخة منها ؟؟؟
في عندك ملفات على موقع الوزارة مرررة مهمة في هالملتقي كان المفروض يحطونها
انا من زمان سويت التوصيات وطبعت اشياء بس كنت انتظر التقفيل ما قفلت عليهم وطبعا بما انو جامعتي في منطقة ثانية فلازم اسافر الرياض عشان اختم واقفل ربي يعين
في الملف اللي موجود علي موقع الوزارة مكتوب ان كل مستند يتقفل في مستند لوحده
الله يعين
لي عودة
رد: لمبتعثين كندا....واهمهم الدراسات العليا
هيا موجودة المحاضرات في المنتدى بس دخلت على موقع اليوتيوب وكتبت نزار باهبري قبل السفر الى كندا وجات كل المحاضرات
ترى مو محاضرة بمعنى محاضرة ملل ومعرف ايش ....لالا كلها عبارة عن نقاط وشي سهل ومفهوم
رد: لمبتعثين كندا....واهمهم الدراسات العليا
يعطيكي العافية sooomy
لكن انا عندي التوصيات بدون ظرف يعني لازم ظرف
رد: لمبتعثين كندا....واهمهم الدراسات العليا
يب لازم زي ماقلتلكم هنا في بروشويوضح دي الامور وكمان موقع الوزارة محل مو مكتوب اعتقد الاجراءات الاكاديمية والاجراءات القانونية
لما تدخل ع الاكاديمة موضحين دا الكلام
رد: لمبتعثين كندا....واهمهم الدراسات العليا
هل نقوم بمراسلة الجامعات بمهذه التوصيات او لازم نراسلهم بالفورم الخاص بتوصيات الجامعة <<< لان كندا كل جامعة لها فورم توصيات لازم يعبيها الدكتور
فهل هم بعدين يرسلون للدكتور ويخلوه يعبي الفورم او لازم نراسل بتوصيتهم ؟؟
الله يعين
رد: لمبتعثين كندا....واهمهم الدراسات العليا
اول احييك هلى الموضوع بصراحه مهم بالنسبه لموضوع التوصيات الافضل انها تكون مقاليه مو جداول ودمتم بخير
رد: لمبتعثين كندا....واهمهم الدراسات العليا
في جامعات تقبل نوع توصياتنا الفورما حقتنا لان اهم شي الكلام مو النموذج
بس في جامعات لازم فورمتها ....انت عشان تريح /ي نفسك لازم تحطي في كل توصية وسيلة اتصال بالدكتور الي هيا غالبا ايميله
وبعد كدا مالنا غير الدعاء
شوكرن اخوي ع المداخلة