انقذوني تكفون ...الفيزه الكنديه..؟
طبعاً من تحويل لتحويل ومن سالفه لسالفه رست فينا الامور الي كندا..
الحمد لله امس رحت للوزاره عطوني خطاب للسفاره..قال لي واحد روح سوي تحاليل بمستشفى.....
عشان تخلص امورك دامك بالرياض رحت المستشفى قالوا لي لا...تجيب لنا ورقه من السفاره بعد ماتقدم..
كويس..
الحين رجاء ايش اسوي ..
معاي ..
الجواز
والقبول
وخطاب السفاره
هل ادفع الرسوم اللي يقولوا..؟؟
ببنك ساب واحد يقول الاهلي ماني عارف صراحه..
المراد ايش المفترض اني اسوي..؟؟
والفوشك
رد: انقذوني تكفون ...الفيزه الكنديه..؟
ما الك الا تسال في السفارة لان هم عندهم الخبر اليقين او انك تسال مكتب اراميكس عن طريقة الفيزا لانهم عندهم خبرة اكثر
وبعدين هذا اللي تبع الوزارة ما يدري ان الكشف الطبي الغوه الحين وهذا الكلام قبل ثلاثة اشهر
والله حوسه حنا وهالفيزا
ما دامك عندك كل شي لازم تعبي الابليكيشينز تبع تصريح الدراسة والفيزا
وبعدها تروح البنك والغالبية يقولون البنك الاهلي وتطلب منهم يكتبو لك شيك
هاذي مواضيع فيها الشرح لذلك
http://www.mbt3th.us/vb/forum134/thread229113.html
http://www.mbt3th.us/vb/forum108/thread229207.html
بالتوفيق
رد: انقذوني تكفون ...الفيزه الكنديه..؟
الف الف شكر وربي افدتيني كثير الله يوفقك..
الابلكيشنز هاذي سالت مكتب قال لي جيب الاوراق وانا اعبيها لك..
يقول لو تخطي فيها بشي بسيط رجعوا لك اوراقك ورفضوها..؟
بروح اشوف اراميكس..والله يعين والله تعبت نفسياً
الله يسهل الامور ان شاء الله بروح واوافيكم بالامور لما ارجع...
رد: انقذوني تكفون ...الفيزه الكنديه..؟
بالتوفيق اخووي......
الله يسهل امرك ........
تكفى اذا عبيت الابلكيشن عطنا خبر خاصه بحكايه تاريخ دخول كندا
وتاريخ الخروج الله لايهنك.............
ماعندي مكتب يعبي اوراقي >>الله يسهل الامور
لازم انا اعبيها وارمكس بس يرسلها
رد: انقذوني تكفون ...الفيزه الكنديه..؟
انا قدمت طلب التاشيرة عن طريق مكتب فيفا للخدمات العامة
تقديم الطلب عن طريق المكتب 250 ريال
تقديم الطلب عن طريق المكتب مع تعبئة الابليكيشن 300 ريال
الكشف الطبي تم الغائة لطلاب المملكة العربية السعودية تيسيرا للاجراءات
بالنسبة لرسوم التاشيرة تقدر تاخذ شيك من البنك الاهلي او من بنك ساب باسم امين الخزانة الكندية مدفوع على بنك كندي لازم يكون حرفيا كذا (the receiver general for Canada)بقيمة 125 دولاركندي
او تروح لمكتب فيفا هو يسوي لك كل شيءبدون الشيك يتم الدفع من عنده
بالنسبة لموعد الدراسة, السفارة لاتسمح بدخول كندا الا قبل الدراسة باسبوعين (اكتب تاريخ الدخول لكندا في الابليكيشن وقت الدخول ووقت الخروج)وقت الخروج هو وقت موعد نهاية دراسة المعهد
الابليكيشن الجديد موجودفي موقع السفارة اللي موجود بموقع مبتعث جميعها قديمة وانا توهقت عشانها اطريت اني اخلي المكتب يعبيها لي .
بالنسبة للعائلة يجب ذكر جميع افراد العائلة الذين لن يرافقوك مع تواريخ ميلادهم بالميلادي اذا كان عدد الافراد كبير يجب كتابتهم في ورقة خارجية والاشارة الى ذلك في الابليكيشن
هذا اكثر الامور اللي يتم السؤال عنها