قبول معهد اللغة للمرافق والضمان المالي ماهو الحل

هلا اخوي
شوف حسب ماهو معروف ان المرافق لو بيدرس دوام كامل هناك لازم
يطلع فيزا F1 يعني فيزة طالب لو تبغى تكمل بكالوريوس او ماجستر
اما لو تبغى تاخذ لغه بس فتقدر تسافر لامريكا بفيزة F2 وتقدم اوراقك للملحقية
ومن هناك تجيب القبول وتدرس وهذا الافضل
اما بالنسبه للضمان المالي للمرافق من تجربتي لزوجي راسلت مكتب تجسير الفكر بجدة وقلت لهم
ان زوجي يبغى يدرس لغه بنفس المعهد اللي جاني منه القبول وارسلت لهم صورة من شهادته مترجمة ومن جوازه
اليوم ارسلوا لي ايميل يقولوا لازم اجيب ضمان مالي فيه ما لايقل عن 15000 دولار حتى نكمل لك اجراءات طلب القبول
هذا كل اللي اعرفه اتمنى اني افدتك
وموفق باذن الله

شكرا ربي يسعدك في الدنيا والآخرة

أي ايميل إلي راسلتي به مكتب تجسير؟

أنا من زمان اراسلهم ومحد عاطيني وجه . تقول جاي اطر منهم

معقوله لازم 15000 دولار
طيب انا مو متوفر عندي هذا الحساب ومرافقي بيكمل معي ماستر طبعا في كندا ايش اسوي الحين؟؟

F2
بس تطلع للزوج والاولاد .. الاب و الاخ مو مسموح لهم بفيزا اف 2

طيب مو مسموح لهم بفيزا اف2 ليه ؟؟؟
واذا هم ما بيدر سوون ومرافقين بس ما يقدرون يطلعون اف1 بعد؟؟
والفيزا السياحيه الوزارة ما تقبل فيها وما تعطي امر اركاب وش نسوي نسافر بدون مرافق مثلا ؟؟

أنا على ما سمعته اليوم في وزارة التعليم العالي أنوا الي عنده فيزا F2 ما يسوا له قرار الابتعاث ... ما أدري ليش ؟
بس بكل تأكيد أنوا المرافق إلي عنده فيزا F1 حيطبعوا له قرار الإبتعاث .... هذا إلي فهمته من الرجال إلي في الشباك
وشكرا

طلاب كندا مالظاهر يحتاجلهم ! غير امريكا
موفقة بإذن الله '

فيزة F2: تمنح فقط للزوج المرافق (أو الزوجة المرافقة ) والأبناء من هم أقل من 21 سنة ..
أما الأخ : المسموح له يطلع فيزا B1 or B2 ، أما إذا كان ناوي يدرس فلازم يقدم على فيزا F1
والمطلوب منه :
1. ضمان مالي (مرافقي قدم على ضمان مالي بـ 8000 دولار وقبله تجسير)
2. صورة من جواز السفر
وبعد ما يجيب قبول لغة من نفس معهدك راح يوصله الآي تونتي ويكمل الإجراءات زيك عادي ..
ومن ناحية الملحقية : فهي راح تبتعث أخوكي عادي .. وراح تتكفل بدفع مصاريف المعهد وكل شي..
الضمان المالي مجرد خطوة للحصول على التأشيرة لا أكثر ولا أقل..
بالتوفيق