سؤال بخصوص تقديم موعد بداية الدراسة ؟

السلام عليكم

يا اخوان بداية دراستي وانتم طيبين ان شالله بتاريخ 4/4/2011
والحمدلله انتهيت من مقابلة السفارة وانتظر الجواز يوصلني مع الفيزا
سؤالي .. هل تقديم موعد بداية الدراسة شهر فقط فيه شي خصوصا بعد تقديم القبول القديم للسفارة وقت المقابلة ؟
واللي شغلني اكثر اني كتبت تاريخ توقع وصولي للأراضي الأمريكية في الابلكيشن
واكيد الحين راح يختلف اذا وصل القبول الجديد بالموعد الجديد !!
وهل القبول القديم يلغى بمجرد صدور القبول الجديد ؟

انا طبعا راسلت المدعو تجسير بطلب تقديم الموعد بس للحين ما رد علي ..

في انتظآآركم حبايبي ..

نصيحتي أملأ أيميلاتهم برسايل ( كل يوم 100 رسالة على الاقل ) عشان يردون
انا الحمدلله مثلك كان موعد دراستي في 4 ابريل والحمدلله قدموه إلى 10 يناير
طبعا ماطلبت التقديم إلا لمن استلمت الفيزا
وكلمت القنصل الامريكي (عن طريق الايميل) بخصوص "الوقت المتوقع للدخول الاراضي الامريكية"
قالي مافيه مشكلة اهم شيء ان يكون رقم السيفس (SEVIS ID) نفسه

انا ان شاء الله بسافر في 04 يناير 2011
( مبتعث بكالريوس أمريكا )

اخوي طول ما رقم السيفس ما يتغير وعندك قبول وداخل في مدة شهر قبل قبولك او اقل لا تشيل هم !!
يعني طلعت الفيزا على المعهد الفلاني .. حلو .. لك الحق تسافر قبل مدة دراستك بشهر .. السفارة مالها دخل .. اهم شي ان الاي توني الجديد يكون معاك في المطار بحكم ان الفيزا حقتك طالب .. يعني مافي وقت مكتوب على الفيزا متى بتوصل او متى معهدك .. بس اسمه .. فااا لما تعجل دراستك ما تكون اشكالية ابد طول ما هو نفس المعهد نفس السيفس .. اذا تغيرت وحدة فيهم لازم ترجع تطلع فيزا جديدة
فلا تشيل هم الامور سهلة الحمدالله

اخوي انا نفس حالتك بالضبط ، جاني الايتوني و كان بدأ الدراسة في ٢٨/٣/٢٠١١ و قدمت فيه على السفارة و عطوني الفيزا و بعدها قدمت الدراسة الى ٣ يناير ، و انا الان في امريكا ، يعني ما صارت معي اي مشكله لا في المطار و لا في غيره ،
اهم شي يكون تقديم الدراسة على نفس المعهد لان اسم المعهد مكتوب في الفيزا ، و اذا غيرت المعهد لازم ترجع لهم عشان يغيرون الفيزا ،

بيض الله وجيهكم حبايبي ما قصرتم