سويت اليوم المقابلة بدون I20 وعدت على خير
صباح الخير
اليوم بتاريخ 28 ديسمبر سويت المقابلة في السفارة الامريكية في الرياض انا والمرافق
بالبداية موعدي كان الساعة 9 ص وصلت الساعة 8 ونص الا وش القى الزحمة شيء ثاني طابور خيالي ومسكنا دور الين الساعة 9:40 دقيقة وجاء دورنا وصلنا الشباك كان نفس الرجال اللي بالصورة حقت 5*5 دخلنا التفتيش الامني وكنت حريصة مايكون معنا ولاشيء حتى بوكي خليته بالسيارة وبالرغم من كذا قالولنا فسخوا الجزمة الله يعزكم ومرت لى التفتيش
المهم دخلنا من البوابة واخذنا رقم وجلسنا عند الشباك حوالي ربع ساعة ونادوا علينا بعدها ودعتنا الهندية وقالت روحوا المقابلة جلسنا من عشرة الاربع الين الساعة 12 وحنا نتظر ينادو علينا والحمد لله فرجت سوينا المقابلة وكنت فرحانة كثير وبنفس الوقت بطني يعوورني من القنصل اسئلته كانت دقيقة شوي مع مرافقي
لانه راح لسوريا قبل 13 سنة وسئلوه ليش رحت ووين بسوريا وكم جلست هناك ومن راح معاك
2 وين عائلتك ساكنين ؟
3 عام كم متخرج من الجامعة؟ توظفت بعدها على طول؟ اعطيني مايثبت انك موظف حكومي؟
4 وين سافرت اذكرلي كل السفرات اللي بحياتك كلها ؟
والتفت لي بعدها قال نفس الاسئلة وبعدها قال لازم اتاكد من هويتك افتحي وجهك ساعته انا :tongue4: قلت خير وزوجي يناظر وطايرة عيونا قال معليش هذا القانون قلت طيب ماعندكم موظفات وين البنات القدعات اللي يوم الملتقى ناظرني يعني اخلصي علي قلت سم واستاذنت زوجي وفتشت بسم الله بسرعة ماامداني ارفع غطاي قال خلاص ماشي تعالي للسماعة
وبقلبي اقول الله يعين عليك
بدا ينكت عيالكم نايمين الان بالبيت وين بامريكا بتروحين قلت ماادري قال بتروحين تبع البعثة قلتله نعم قال اعطيني بطاقتك
بعدها سالني وين سافرتي خارج السعودية وين عائلتك تسكن من وين شهادتك من اي جامعة اتوظفتي بعدها ولا لا طيب وش بتدرسين بامريكا؟ وش تخصصك؟ اي درجة ببتوظفين بعدها ؟ سكت شوي قال وين الاي تونتي قلت ماجاني لسى قال مبروووووك انقبل طلبكم واول مايوصل الاي توني ارسليه لنا نسخة على الايميل
بغينا نحب راسه ودعنا وهو مبتسم ورحنا بعدها للفديكس قال خلال 3 اسابيع الى شهر يوصلكم الجواز والفيزا واخذ علينا 85 ريال يقول لانكم 5 جوزات وسلامتكم ودعنا حي السفارات ورجعت البيت وانا اشوف الدنيا اربعة من الصداع
حبيت اشكر كل من ساعدني في هالمنتدى ويعلم الله اني ادعيلهم في الثلث الاخير من الليل من قبل من انقبل بالبعثة الين لحظة كتابتي لهالموضوع صراحة كثير كنت اطلب استشارة والموضوع مايرد عليه الا اثنين واحيانا حتى يشوفون الموضوع حتى دعوة ماتنقال لكن الله يسامحهم
اخير شيء بقوله يارب يسر لي الاي توني على خير ويكون صبرنا كل هالفترة خيرة لنا ومابعد الصبر الا الفرج
اذا في استفسار حابين تقولونه اتفضلوا
دمتم بخير
اختكم ام عبدالله
رد: سويت اليوم المقابلة بدون I20 وعدت على خير
مبرووووووووووووووووووك
عندي سؤال ؟
وش اخذتو معاكم في المقابلة ؟
جواز ؟ اثبات ؟ شي ثاني ؟
رد: سويت اليوم المقابلة بدون I20 وعدت على خير
والله ماخلينا شيء من اللي قالوه ماجبناه لكن ماطلبوا الا الجواز وايصال سامبا والاليكيشن وورقة حجز الموعد وبطاقة الملتقى
والباقي ماسالو عنه لاصورة ولا شهادات ولاشي غير انه زوجي طلبوه بطاقة عمله بس
رد: سويت اليوم المقابلة بدون I20 وعدت على خير
مبروك اختي تستاهلي كل خير
بس عندي استفساري زوج شنو نوع الفيزه الى طلبها هل اهي f1 اوb2 ?
لاني انا مرافق وابي اطلع f1 ولا عارف كيف الطريقه ادا باروح اطلعها بدون اي توني
رد: سويت اليوم المقابلة بدون I20 وعدت على خير
اقتباس:
المشاركة الأصلية كتبت بواسطة الفلوجة
والله ماخلينا شيء من اللي قالوه ماجبناه لكن ماطلبوا الا الجواز وايصال سامبا والاليكيشن وورقة حجز الموعد وبطاقة الملتقى
والباقي ماسالو عنه لاصورة ولا شهادات ولاشي غير انه زوجي طلبوه بطاقة عمله بس
يعطيك الف عافية اختي
والله يوفقك انتي وزوجك ...
رد: سويت اليوم المقابلة بدون I20 وعدت على خير
اقتباس:
المشاركة الأصلية كتبت بواسطة سهم الروح
مبروك اختي تستاهلي كل خير
بس عندي استفساري زوج شنو نوع الفيزه الى طلبها هل اهي f1 اوb2 ?
لاني انا مرافق وابي اطلع f1 ولا عارف كيف الطريقه ادا باروح اطلعها بدون اي توني
الله يبارك فيك
زوجي فيزته f2
رد: سويت اليوم المقابلة بدون I20 وعدت على خير
اقتباس:
المشاركة الأصلية كتبت بواسطة رعد الشريف
يعطيك الف عافية اختي
والله يوفقك انتي وزوجك ...
امين يارب واياك
موفق
رد: سويت اليوم المقابلة بدون I20 وعدت على خير
انا سويت المقاابله بدون ا تونتي والحمدلله قالت لي مقبول بس ماخذو الجواز بالفيدكس ايش الموظوع عقلي طااار
رد: سويت اليوم المقابلة بدون I20 وعدت على خير
ليش ماخذو الجواز مني انا اعطوني ورقه صفراء اشرت على الاي تنتي والسيفيس والجواز....
يعني بيصرفوني ولا ايش بالله جاوبوني
رد: سويت اليوم المقابلة بدون I20 وعدت على خير
آلف مبرووووكـ وعقباااااااال وصول الـ I20 .
وعقبالنا اللي لا قدمنا على السفاره ولا جانا الـ I20 ولا زلنا ننتظر الملحقية والوزارة .