تخصص الماليه VS التخصصات الادبيه ..؟؟
السلام عليكم ...
انا بصراحه لما قدمت على البعثه وانا ابي ادرس Finance
جمعت معلومات من هنا وهناك عن هالتخصص ..
بس الاغلب عليه رياضيات
وعندي شيء محيرني مرررررررره
انا تخصصي لغات في الجامعه وتخرجت منه وكنت بالثانويه علمي
وكنت شاطره في الرياضيات والمواد العلميه بس لما دخلت الجامعه
مادرسنا ابدا عن الرياضيات اربع سنوات
واحس الرياضيات ممسوحه من دماغي
والله حملت كتاب رياضيات ثاني متوسط كانت الدروس متغيرات وجذور حاولت افهم واتذكر بس نو واي :(
ويقولون الماليه كلها رسوم بيانيه ومسائل رياضيه
اكيد بتضحكون تقول شلون فكرت تحمل الرياضيات بس من جد يبي الواحد يروح ويرجع وهو بنتيجه
ان شاء الله ربي يوفقنا كلنا
وفيني خوف مدري بيعطونا مواد مبدئيه بالرياضيات عشان نتذكر في تخصص الماليه
وكيف تخصص الماليه من ناحية الصعوبه ؟؟
لحد يقول لي ادخلي تسويق ابدا مو انتقاصا فيه بس ماله مستقبل زي الماليه
ياليت احد يفيدنا او احد درس هالتخصص
رد: تخصص الماليه VS التخصصات الادبيه ..؟؟
والله أعلم... إني سمعت واحد في الملتقى يسأل:
تخصصه لغة عربية ويبي يكمل مالية.... الدكتور قال لا.. فيه فرق كبير... مالك إلا التسويق...
وياليت تتأكدي من الشباب... لأنه عند صدور قرار الأبتعاث بيتغير التخصص حتى لو الواحد مقبول في التخصص الي يبيه...
رد: تخصص الماليه VS التخصصات الادبيه ..؟؟
لا انا سألت الدكتور القحطاني وقال لي ممكن تدرسين الماليه
بس يعطونك مواد تكميليه عشان تحسب لك ماجستير
يعني تطول فتره الدراسه من ترم الى ترمين
انا ابي معلومات عن الماليه
رد: تخصص الماليه VS التخصصات الادبيه ..؟؟
وش علاقه الرياضيات بالماليه ، الشي المتربط بس هو الارقام بس الرياضيات علم والماليه علم
الماليه مسائل حسابيه وارقام
معدلات الفائده والتمويل الاستثمار واداره المحافظ الاستثماريه هذي الماليه
عموماً انا بحكم تخصصي في الماليه أشوف الماليه تخصص موب سهل وممكن تواجهين صعوبه في دراستها
وبالتوفيق
رد: تخصص الماليه VS التخصصات الادبيه ..؟؟
أنا تخصصي Accounting
ودرست مبادئ مالية 1... في السنة الثالثة...
ما أنكر إني واجهت صعوبة في هالمقرر...
نسبة الفائدة... معدل الخصم... التحليل المالي للقوائم المالية...
هذا الي أذكر...
بس... ما أدري أنا كيف المقررات التكميلية راح تساعد الطالب لدراسة الماستر في العلم...أحس صعبة مرة...
يعني مقررات العلوم الإدارية لوحدها بدون المالية يبغالها على الأقل سنة عشان تفهم كل الأمور الإدارية في الشركات...
فكيف في سنة الواحد بيعلموه كل هذا؟؟...
عندي مجرد اقتراح أختي...
روحي جرير في كتاب يبيعونه بـ 50 ريال...
اسمه "ماجستير إدارة الأعمال في 10 أيام"...
هذا الكتاب حق الي بياخذ MBA...
صحيح إنه ماله علاقة بك... لكن...
الكتاب عبارة عن 10 فصول.. كل فصل يتكلم عن مقرر من مقررات العلوم الإدارية باختصار...
أنا ناوي أقراه إن شاء الله مع أني تخصصي علوم إدارية... ولكن فقط لمراجعة أساسيات الإدارة عشان لا ننحرج في الكلاس...
أقري قسم المالية فيه وراح يعطيش نبذة مختصرة عن المالية...
ويمكنك قراءة الأقسام الأخرى عشان تتأهلين من ألحين صح...
بالتوفيق...
رد: تخصص الماليه VS التخصصات الادبيه ..؟؟
من وجهة نظري ان الرياضيات في المالية تكون في مرحلة التاسيس واكيد مثل ماتفضلتي انهم راح يعطوك مواد تكميلية ومنها الرياضيات
ولاتشيلي هم التخصص لان الي راح تاخذيه احصاء وحسابات مالية واغلب التعقيد يكون في مواد مثل الهندسة المالية والمشتقات
وهذي لازم تتأكدي منها عن طريق الخطة الدراسية لكل جامعة ويفضل انها تكون في المواد الاختيارية مشان تاخذي غيرها اذا متعقدة من الرياضيات
وحاولي تقري كتاب مبادئ المالية او مالية الشركات وتعرفي اكثر عن تخصصك
موفقة
رد: تخصص الماليه VS التخصصات الادبيه ..؟؟
اقتباس:
المشاركة الأصلية كتبت بواسطة بنجامين لاينس
وش علاقه الرياضيات بالماليه ، الشي المتربط بس هو الارقام بس الرياضيات علم والماليه علم
الماليه مسائل حسابيه وارقام
معدلات الفائده والتمويل الاستثمار واداره المحافظ الاستثماريه هذي الماليه
عموماً انا بحكم تخصصي في الماليه أشوف الماليه تخصص موب سهل وممكن تواجهين صعوبه في دراستها
وبالتوفيق
اي قسم من اقسام الاداره بكلام الوزاره نقدر نكمل فيها ماستر حتى لو كانت مو امتداد للتخصص
فاذا الماليه صعبه على كلامك ايش السهل ؟؟
مااتوقع فيه شيء صعب بهالدنيا اذا بذلنا جهد فيه
ولا اني ادخل تخصص غير مطلوب واضيع مثل ماضيعت في البكالوريوس
وبعدين لما تتخرج من الماليه المطلوب منك حسب ماقريب في كتيب جامعة
البترول والمعادن انك تكون فنان في الرياضيات
رد: تخصص الماليه VS التخصصات الادبيه ..؟؟
اقتباس:
المشاركة الأصلية كتبت بواسطة dmcdmc
أنا تخصصي Accounting
ودرست مبادئ مالية 1... في السنة الثالثة...
ما أنكر إني واجهت صعوبة في هالمقرر...
نسبة الفائدة... معدل الخصم... التحليل المالي للقوائم المالية...
هذا الي أذكر...
بس... ما أدري أنا كيف المقررات التكميلية راح تساعد الطالب لدراسة الماستر في العلم...أحس صعبة مرة...
يعني مقررات العلوم الإدارية لوحدها بدون المالية يبغالها على الأقل سنة عشان تفهم كل الأمور الإدارية في الشركات...
فكيف في سنة الواحد بيعلموه كل هذا؟؟...
عندي مجرد اقتراح أختي...
روحي جرير في كتاب يبيعونه بـ 50 ريال...
اسمه "ماجستير إدارة الأعمال في 10 أيام"...
هذا الكتاب حق الي بياخذ MBA...
صحيح إنه ماله علاقة بك... لكن...
الكتاب عبارة عن 10 فصول.. كل فصل يتكلم عن مقرر من مقررات العلوم الإدارية باختصار...
أنا ناوي أقراه إن شاء الله مع أني تخصصي علوم إدارية... ولكن فقط لمراجعة أساسيات الإدارة عشان لا ننحرج في الكلاس...
أقري قسم المالية فيه وراح يعطيش نبذة مختصرة عن المالية...
ويمكنك قراءة الأقسام الأخرى عشان تتأهلين من ألحين صح...
بالتوفيق...
بما ان تخصصك محاسبه فالمحاسبه قريبه من الماليه وبعض الاحيان في الوظاىف في الشركات
يوظفون تخصصات الماليه مكان المحاسبه والمحاسبه مكان الماليه
ممكن تعطيني نبذه عن تخصصك والمواد الي تدرسها او اي معلومه اذا تكرمت وشكرا
لان انا قريت كتيبات جامعة البترول والمعادن للتخصصات الاداريه يتكلم عن التخصص بشكل عام بس مافيه معلومات عن المواد
رد: تخصص الماليه VS التخصصات الادبيه ..؟؟
اقتباس:
المشاركة الأصلية كتبت بواسطة Rosemarry
اي قسم من اقسام الاداره بكلام الوزاره نقدر نكمل فيها ماستر حتى لو كانت مو امتداد للتخصص
فاذا الماليه صعبه على كلامك ايش السهل ؟؟
مااتوقع فيه شيء صعب بهالدنيا اذا بذلنا جهد فيه
ولا اني ادخل تخصص غير مطلوب واضيع مثل ماضيعت في البكالوريوس
وبعدين لما تتخرج من الماليه المطلوب منك حسب ماقريب في كتيب جامعة
البترول والمعادن انك تكون فنان في الرياضيات
وجهه نظري التسويق هو اسهل تخصص ممكن تكلمين فيه
الله يوفقك
رد: تخصص الماليه VS التخصصات الادبيه ..؟؟
اقتباس:
المشاركة الأصلية كتبت بواسطة Rosemarry
بما ان تخصصك محاسبه فالمحاسبه قريبه من الماليه وبعض الاحيان في الوظاىف في الشركات
يوظفون تخصصات الماليه مكان المحاسبه والمحاسبه مكان الماليه
ممكن تعطيني نبذه عن تخصصك والمواد الي تدرسها او اي معلومه اذا تكرمت وشكرا
لان انا قريت كتيبات جامعة البترول والمعادن للتخصصات الاداريه يتكلم عن التخصص بشكل عام بس مافيه معلومات عن المواد
صحيح إن الشركات تسوي كذا....
لكن فيه فرق بين المحاسبة والعلوم المالية...
أنا شفت الخطة الدراسية للعلوم المالية كلها مواد تختلف عن خطة المحاسبة...
المحاسبة عبارة عن إنك تحسب تكاليف وأرباح الشركات بمختلف أنواعها وفقاً للمعايير المعدة...
أما المالية ماني عارف وشو بالضبط مركزين عليه...
بالنسبة لنبذة عن تخصص المحاسبة...
ما أدري وشو أقول... يبقالها تلخيص وترتيب وأخاف أخربط بالك...