الأعضاء الإشتراك و التسجيل

الملتقيات
ADs

تخصص الماليه VS التخصصات الادبيه ..؟؟

تخصص الماليه VS التخصصات الادبيه ..؟؟


NOTICE

تنبيه: هذا الموضوع قديم. تم طرحه قبل 2545 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Rosemarry
    Rosemarry

    مبتعث مستجد Freshman Member

    Rosemarry الولايات المتحدة الأمريكية

    Rosemarry , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Mangement , بجامعة Not now
    • Not now
    • Mangement
    • أنثى
    • Miami, Florida
    • السعودية
    • Oct 2010
    المزيدl

    December 29th, 2010, 03:03 AM



    السلام عليكم ...

    انا بصراحه لما قدمت على البعثه وانا ابي ادرس Finance

    جمعت معلومات من هنا وهناك عن هالتخصص ..

    بس الاغلب عليه رياضيات

    وعندي شيء محيرني مرررررررره

    انا تخصصي لغات في الجامعه وتخرجت منه وكنت بالثانويه علمي

    وكنت شاطره في الرياضيات والمواد العلميه بس لما دخلت الجامعه

    مادرسنا ابدا عن الرياضيات اربع سنوات

    واحس الرياضيات ممسوحه من دماغي

    والله حملت كتاب رياضيات ثاني متوسط كانت الدروس متغيرات وجذور حاولت افهم واتذكر بس نو واي

    ويقولون الماليه كلها رسوم بيانيه ومسائل رياضيه

    اكيد بتضحكون تقول شلون فكرت تحمل الرياضيات بس من جد يبي الواحد يروح ويرجع وهو بنتيجه

    ان شاء الله ربي يوفقنا كلنا

    وفيني خوف مدري بيعطونا مواد مبدئيه بالرياضيات عشان نتذكر في تخصص الماليه

    وكيف تخصص الماليه من ناحية الصعوبه ؟؟

    لحد يقول لي ادخلي تسويق ابدا مو انتقاصا فيه بس ماله مستقبل زي الماليه

    ياليت احد يفيدنا او احد درس هالتخصص
  2. والله أعلم... إني سمعت واحد في الملتقى يسأل:

    تخصصه لغة عربية ويبي يكمل مالية.... الدكتور قال لا.. فيه فرق كبير... مالك إلا التسويق...

    وياليت تتأكدي من الشباب... لأنه عند صدور قرار الأبتعاث بيتغير التخصص حتى لو الواحد مقبول في التخصص الي يبيه...
    7 "
  3. وش علاقه الرياضيات بالماليه ، الشي المتربط بس هو الارقام بس الرياضيات علم والماليه علم

    الماليه مسائل حسابيه وارقام

    معدلات الفائده والتمويل الاستثمار واداره المحافظ الاستثماريه هذي الماليه

    عموماً انا بحكم تخصصي في الماليه أشوف الماليه تخصص موب سهل وممكن تواجهين صعوبه في دراستها

    وبالتوفيق
    7 "
  4. أنا تخصصي Accounting

    ودرست مبادئ مالية 1... في السنة الثالثة...

    ما أنكر إني واجهت صعوبة في هالمقرر...

    نسبة الفائدة... معدل الخصم... التحليل المالي للقوائم المالية...

    هذا الي أذكر...


    بس... ما أدري أنا كيف المقررات التكميلية راح تساعد الطالب لدراسة الماستر في العلم...أحس صعبة مرة...

    يعني مقررات العلوم الإدارية لوحدها بدون المالية يبغالها على الأقل سنة عشان تفهم كل الأمور الإدارية في الشركات...


    فكيف في سنة الواحد بيعلموه كل هذا؟؟...


    عندي مجرد اقتراح أختي...

    روحي جرير في كتاب يبيعونه بـ 50 ريال...

    اسمه "ماجستير إدارة الأعمال في 10 أيام"...

    هذا الكتاب حق الي بياخذ MBA...

    صحيح إنه ماله علاقة بك... لكن...

    الكتاب عبارة عن 10 فصول.. كل فصل يتكلم عن مقرر من مقررات العلوم الإدارية باختصار...

    أنا ناوي أقراه إن شاء الله مع أني تخصصي علوم إدارية... ولكن فقط لمراجعة أساسيات الإدارة عشان لا ننحرج في الكلاس...

    أقري قسم المالية فيه وراح يعطيش نبذة مختصرة عن المالية...

    ويمكنك قراءة الأقسام الأخرى عشان تتأهلين من ألحين صح...

    بالتوفيق...


    7 "
  5. من وجهة نظري ان الرياضيات في المالية تكون في مرحلة التاسيس واكيد مثل ماتفضلتي انهم راح يعطوك مواد تكميلية ومنها الرياضيات
    ولاتشيلي هم التخصص لان الي راح تاخذيه احصاء وحسابات مالية واغلب التعقيد يكون في مواد مثل الهندسة المالية والمشتقات
    وهذي لازم تتأكدي منها عن طريق الخطة الدراسية لكل جامعة ويفضل انها تكون في المواد الاختيارية مشان تاخذي غيرها اذا متعقدة من الرياضيات
    وحاولي تقري كتاب مبادئ المالية او مالية الشركات وتعرفي اكثر عن تخصصك
    موفقة
    7 "
  6. المشاركة الأصلية كتبت بواسطة بنجامين لاينس
    وش علاقه الرياضيات بالماليه ، الشي المتربط بس هو الارقام بس الرياضيات علم والماليه علم

    الماليه مسائل حسابيه وارقام

    معدلات الفائده والتمويل الاستثمار واداره المحافظ الاستثماريه هذي الماليه

    عموماً انا بحكم تخصصي في الماليه أشوف الماليه تخصص موب سهل وممكن تواجهين صعوبه في دراستها

    وبالتوفيق
    اي قسم من اقسام الاداره بكلام الوزاره نقدر نكمل فيها ماستر حتى لو كانت مو امتداد للتخصص

    فاذا الماليه صعبه على كلامك ايش السهل ؟؟

    مااتوقع فيه شيء صعب بهالدنيا اذا بذلنا جهد فيه

    ولا اني ادخل تخصص غير مطلوب واضيع مثل ماضيعت في البكالوريوس

    وبعدين لما تتخرج من الماليه المطلوب منك حسب ماقريب في كتيب جامعة

    البترول والمعادن انك تكون فنان في الرياضيات
    7 "
  7. المشاركة الأصلية كتبت بواسطة dmcdmc
    أنا تخصصي Accounting

    ودرست مبادئ مالية 1... في السنة الثالثة...

    ما أنكر إني واجهت صعوبة في هالمقرر...

    نسبة الفائدة... معدل الخصم... التحليل المالي للقوائم المالية...

    هذا الي أذكر...


    بس... ما أدري أنا كيف المقررات التكميلية راح تساعد الطالب لدراسة الماستر في العلم...أحس صعبة مرة...

    يعني مقررات العلوم الإدارية لوحدها بدون المالية يبغالها على الأقل سنة عشان تفهم كل الأمور الإدارية في الشركات...


    فكيف في سنة الواحد بيعلموه كل هذا؟؟...


    عندي مجرد اقتراح أختي...

    روحي جرير في كتاب يبيعونه بـ 50 ريال...

    اسمه "ماجستير إدارة الأعمال في 10 أيام"...

    هذا الكتاب حق الي بياخذ MBA...

    صحيح إنه ماله علاقة بك... لكن...

    الكتاب عبارة عن 10 فصول.. كل فصل يتكلم عن مقرر من مقررات العلوم الإدارية باختصار...

    أنا ناوي أقراه إن شاء الله مع أني تخصصي علوم إدارية... ولكن فقط لمراجعة أساسيات الإدارة عشان لا ننحرج في الكلاس...

    أقري قسم المالية فيه وراح يعطيش نبذة مختصرة عن المالية...

    ويمكنك قراءة الأقسام الأخرى عشان تتأهلين من ألحين صح...

    بالتوفيق...



    بما ان تخصصك محاسبه فالمحاسبه قريبه من الماليه وبعض الاحيان في الوظاىف في الشركات

    يوظفون تخصصات الماليه مكان المحاسبه والمحاسبه مكان الماليه

    ممكن تعطيني نبذه عن تخصصك والمواد الي تدرسها او اي معلومه اذا تكرمت وشكرا

    لان انا قريت كتيبات جامعة البترول والمعادن للتخصصات الاداريه يتكلم عن التخصص بشكل عام بس مافيه معلومات عن المواد
    7 "
  8. المشاركة الأصلية كتبت بواسطة Rosemarry
    اي قسم من اقسام الاداره بكلام الوزاره نقدر نكمل فيها ماستر حتى لو كانت مو امتداد للتخصص

    فاذا الماليه صعبه على كلامك ايش السهل ؟؟

    مااتوقع فيه شيء صعب بهالدنيا اذا بذلنا جهد فيه

    ولا اني ادخل تخصص غير مطلوب واضيع مثل ماضيعت في البكالوريوس

    وبعدين لما تتخرج من الماليه المطلوب منك حسب ماقريب في كتيب جامعة

    البترول والمعادن انك تكون فنان في الرياضيات
    وجهه نظري التسويق هو اسهل تخصص ممكن تكلمين فيه

    الله يوفقك
    7 "
  9. المشاركة الأصلية كتبت بواسطة Rosemarry
    بما ان تخصصك محاسبه فالمحاسبه قريبه من الماليه وبعض الاحيان في الوظاىف في الشركات

    يوظفون تخصصات الماليه مكان المحاسبه والمحاسبه مكان الماليه

    ممكن تعطيني نبذه عن تخصصك والمواد الي تدرسها او اي معلومه اذا تكرمت وشكرا

    لان انا قريت كتيبات جامعة البترول والمعادن للتخصصات الاداريه يتكلم عن التخصص بشكل عام بس مافيه معلومات عن المواد
    صحيح إن الشركات تسوي كذا....

    لكن فيه فرق بين المحاسبة والعلوم المالية...

    أنا شفت الخطة الدراسية للعلوم المالية كلها مواد تختلف عن خطة المحاسبة...

    المحاسبة عبارة عن إنك تحسب تكاليف وأرباح الشركات بمختلف أنواعها وفقاً للمعايير المعدة...

    أما المالية ماني عارف وشو بالضبط مركزين عليه...


    بالنسبة لنبذة عن تخصص المحاسبة...

    ما أدري وشو أقول... يبقالها تلخيص وترتيب وأخاف أخربط بالك...




    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.