خلاف زوجي ونرجوا حله .....
السلام عليكم ورحمه الله وبركاته
لطالما امنت بأن افضل حل للخلافات الزوجيه هو حلها بين الزوجين فقط ولكن عندا يستفحل الموضوع فإنه قد يكون من المحال ان يكون حلها بين الزوجين ولابد من تدخل اطراف اخرى خاصه في حال عدم امتلاكهم مفاتيح حل المشكلات
ولكن الذي حصل ليله الخميس الفائت شئ لا يرتضيه دين ولا عقل ؟؟؟؟؟؟؟؟؟؟؟
عندما تحدثت مع زوجتي فقلت لها
متى نأخذ الموعد حق السفاره؟
فقالت بعد ما يوصل ال i20
قلت طيب المبتعثين طلعوا الفيز واحنا باقي فاغرين
قالت كلهم وصلهم ال i20 واحنا باقي اذا جا ال i20 نقدم على الفيزا
قلت ومن قالك انوا ال i 20 ضروري ما شفتي الأوراق اللي في الملتقى تقول اننا نقدر نقدم على الفيزا وتوصلنا بدون ال i20
قالت لا يا شيخ والله الفيزا ما توصل الا بعد ما ترسلهم ال i20 يعني حتى لو رحت وقدمت وسويت كل شي ما توصلك الفيزا الا بعد ما ترسل ال i20 لهم
قلت ذكيه ما شاء الله والله كل المبتعثين طلعوا تأشيرات ما بقي الا احنا وولدك اللي فرحانه فينه
قالت ايوه قدموا عليها وسوو المقابله بس ما تجي الفيزا الا بعد ما ترسل ال i20
قلت طيب خلاص روحي سويلي شاهي؟؟؟؟؟
فما ندري وش الجواب هل نقدم على الفيزا الحين ونرسل ال i20 عشان توصلنا الفيزا
والا ننتظر ال i20 ونقدم على الفيزا وخلاص ما عاد يبقى الا نستلمها وننتهي
رد: خلاف زوجي ونرجوا حله .....
كلام زوجتك صحيح
انت تقدر تحجز موعد بالسفارة وتروح وتعمل المقابلة قبل ماتستلم i20 لكن القيزا ماتستلمها الا اذا ارسلت لهم الـــ i20
لكن انت تقدر تروح وتسوي المقابلة حالياً علشان تختصر الوقت
رد: خلاف زوجي ونرجوا حله .....
وعليك السلام ورحمة الله وبركاته. أنصح بأن تطرح مشكلتك على أحد الإستشاريين الإجتماعيين المختصيين في العلاقات الزوجية والمشاكل الأسريّة , أو الدخول على موقع :: لجنة إصلاح ذات البين ::.
رد: خلاف زوجي ونرجوا حله .....
مادام قلت فاغرين فإنت من الجنوب هههههههههه
وبعدين هاذي مو مشكله هاذا نقاش بسيط
وزوجتك صادقه ترى
رد: خلاف زوجي ونرجوا حله .....
اقتباس:
المشاركة الأصلية كتبت بواسطة & الـمـسـتـشــار &
وعليك السلام ورحمة الله وبركاته. أنصح بأن تطرح مشكلتك على أحد الإستشاريين الإجتماعيين المختصيين في العلاقات الزوجية والمشاكل الأسريّة , أو الدخول على موقع :: لجنة إصلاح ذات البين ::.
ههههههههههههههه شكرأ لك مستشار لك اعتقد ان هذي اللجنه في منطقه مكه واحنا في الرياض
وزي منت عارف ما صديقنا الا انا
رد: خلاف زوجي ونرجوا حله .....
اقتباس:
المشاركة الأصلية كتبت بواسطة جنوبيه خوالها أتراك
مادام قلت فاغرين فإنت من الجنوب هههههههههه
وبعدين هاذي مو مشكله هاذا نقاش بسيط
وزوجتك صادقه ترى
شكرأ لك لكن انا ارى من وجهه نظري انها مشكله خاصه في حاله عدم وجود ارضيه مشتركه بينا
حتى يوم جينا نختار ارضيه البيت انا اقول سيراميك وهي تقول موكيت احلى ؟؟
رد: خلاف زوجي ونرجوا حله .....
الحمدلله ...نعمه اني عزباء
:)
رد: خلاف زوجي ونرجوا حله .....
الحل في نظري هو :
إلغاء البعثة .
رد: خلاف زوجي ونرجوا حله .....
و عليكم السلام
أنا ما أشوف خلاف في الموضوع <<
رأيك هو السديد .. أنكم تختصرون الوقت و ترسل لهم الـ i-20 و يرسلوا لك الفيزا
مثل ما قلت لك .. لكن أنا ما سويت هالشي .. أنا حالي من رأي your wife
قلت أنتظر الـ i-20 و يصير خير ..
ما فيني نشااط .. تجسير تعبني من الانتظار
أنا من قبل كنت قمة الحمااس و النشاط للبعثة .. لكن مثلك عارف تجسير خرب علينا الدعوة
بالنهاية .. رأيك و رأي المدام كله واحد ..و رأيك صحيح لاختصار الوقت
و النتيجة وحدة هي إصدار الفيزا .. كل واحد يصلح سيارته
عوافي الشاهي
بالتوفيق للجميع
رد: خلاف زوجي ونرجوا حله .....
^
^
^
هههههههههههههههههههههههههههههههههههههههههه قل قصم http://www.mbt3th.us/vb/imgcache/115852.png
ياخي ذبحتني ضحك .. آجل يلغي البعثه هههههههههههههههه
/
والله كلام المره عين العقل .. ولا يغرك غيرك من الأعضاء بعضهم دراستهم بدري يعني شهر 1
فلازم بكير بكير ..
أنا أقول اصبر ترى الصبر زين زي مايقولون .. والله يوفق وأيأك ..
بالتوفيق للجميع ..