اللي عنده خلفيه عن التوصيات يساعدني

طيب بليز ياجماعة
انا راح اطبع صيغة التوصية بالإنقليش من النت وراح اخلي الدكتورة تعبي باقي البيانات بخط اليد
ها كذا صح ؟
وهل لازم اخذ التوصيات من دكتورات ما اقدر اخذها من استاذات او معيدات؟
وهل الظرف لازم يكون رسمي من الجامعة ولا أخذ اي ظرف

انا جامعة الدمام .. كلية التربية بالجبيل

لازم تكون التوصية على ورق رسمي .. وتكون نصيه وليست مجدولة

مايصلح ترجمينها لازم التوصية نفسها تكون بالاساس انقلش وفيها وسائل الاتصال للدكتور او الدكتورة

وضحي السبب لطلب التوصية وقولي مبتعثه وبكمل دراستي برا ومن شروط الجامعة

تكون بالللغة الانجليزية ونصية
ان تكون على ورق رسمي
ان تكون مختومة ختم الجامعة الرسمي
ان يوجد بها وسائل الاتصال الخاصة بالدكتور
ان تنسخي من كل توصية نسخ كافية وتختمينها طبق اصل
ان تكون بين 3 الى 5 توصيات باللغة الانجليزية ومختلفة بالنص وليست مكرره

اتمنى اكون افدتك .. هي شغلة التوصيات حوسة المفروض مخلصتها من زمان اريح لك ..

بالتوفيق يارب ..

الله يعينك ويعينا
والله كرهتها هالتوصيات ..واللي كرهني زياده معاملتهم في الكلية اللي تجيب البلاء..كانهم يتفضلون علينا
حتى الختم مايبون يختمون والله حرام فيهم هالرواتب

شوفي حبيبتي هي التوصيات شغلتهااا متعبه طلعت عيووووني

1-الجامعات الامريكية أقصى شي تطلبه 3 توصيات
2-لااازم يكوووون نص وليس مجدول أبدا ولااازم يكون فيها ايميل الدكتور او الجامعة عااادي ومولاازم الجوال لأنه أصلا لااازم يراسلون الدكتور ويعطوه نموذج يعبيه فيه اسئله عنك يعني الشغلة on line >>> هذا كلاااام دكتورتنا مديرة القسم وهي جنسيتها امريكيه وفهمتني على هالشغلة
3-يكون فيها اسم المادة وسنة دراستك فيها >>> هذه سهله
بعدين تكون مختومة ختم الجامعة
4-تاخذي كل توصيه وتصوري منها ست نسخ او سبع على حسب ماتراسلي كم جامعة وكل نسخة مختومه ختم طبق الاصل وكل نسخة في ظرف مغلق ومختوووم على الظرف وطبعا بعد ماتصوري الاصل كمان هو داخل الظرف ومختوم لأن التوصية معناه ان الطالب مايقدر يشوف توصيته
5-ممكن بعض جامعات امريكا تطلب نموذج انتي تطبعيه وتعطيه الدكتورة وتعبيه لك ... ممكن اذا جامعة طلبت منك سهل ان شالله ارسلي النموذج وقتها لاي احد مثلا من صحباتك او اخواتك عن طريق الايميل تطبعه و تروح عند الدكتورة وتطلب منها تعبيه ونفس الطريقة السابقة وينرسل فيديكس لك و 10 ايام وهي عندك
6-ان كانت التوصيه باللغة العربيه عااادي تروحي عند مكتب ترجمه معتمد يترجمها ويختمها لك وبعدين نفس الطريقة السابقة >>> لأن دخلت على كذا جامعة انه اذا كانت الشهادة او التوصيه او السجل الاكاديمي ليس باللغة الانجليزيه لابد من ترجمتها و ختم الجهة المترجمة
7-ولاتاخذي هم ياحلوه ان شالله سهله ماتاخذ منك كم يوم وشدي على نفسك لان مافي وقت وبعد كم اسبوع الاختبارات ما حد راح يكون فاضي لك من الدكاترة
8- والله ان ايدي تكسرت عشان ابي الكل يفهم شغلة التوصيات لأني كنت متعذبه منها وطول الوقت استفسر عنها ومااااأبي منكم إلا الدعاء بأن الله يوفقني فيما يحبه ويرضاه ويحقق اللي في بااالي

وسوري طولت عليكم

اختي احساس .. أدخلي على جامعة من جامعات امريكا

وشوفي مواصفات التوصيات .. لااااااااااااازم تكون على ورق رسمي من نفس الجامعة
المترجمة ماتمشيييي .. راح تتعذبين اذا وصلتي هناك .. ويكون موقعها الدكتور وتكون مختومة ..
واذا انتي شايفه اللي سويتيه صح خلاص لكن حنا هنا للافادة ..

تقديري ..