قعدت أبكي في مطار الرياض والسبب وزارة التعليم العالي T_T

1. السـلام عليكم ورحمة الله وبركاته أما بعد :

أرسلت لي وزارة التعليم العالي رسالة تقول إن قبولي وصل عندهم بالرياض حي الغدير لازم أروح أخذه وذا نص الرسالة
(( نفيدكم انه قد وصل قبولكم، توجه إلى وزارة التعليم العالي بحي الغدير لاستلام القبول بدءاً من يوم الثلاثاء الموافق 22/01/1432هـ ولمدة ثلاثة أيام.

تنبيه: سارع بإنهاء إجراءات التأشيرة الأمريكية وذلك بتسجيل موعد على موقع السفارة الأمريكية بأسرع وقت ممكن ))

طبعا أنا جاني قبول من مكتب تجسير وأخذته وطلبت تغيير ولاية وفرحت إنه وصل للوزارة طبعا الرسالة كانت يوم الإثنين بالليل وأنا أحجز على أقرب رحلة للرياض وكانت يوم الثلاثاء الساعة وحدة بالليل

المهم ورحت وصلت الساعة 2 بالييل وجلست في المطار لين 6 الصباح وأخذت لموزين لحي الغدير وصلت الساعة 6:30 الصباح جاني واحد قلي بدري يابوية الدوام الساعة 8 الصباح وانا كنت بموووت من البرد وما أعرف أحد بالرياض
وجلست لين بدا الدوام ولمن أعطيته رقم الطلب وقلي وقع >>> وأنا بموت من الفرحة

طلع صوورة من القبول إلي عندي تخــــــــــــيلو أنا خلاص إنعميت دخت قلت ذا عندي قلي مالي دخل
ورحت عند مسؤول وقلي إحنا مالنا دخل قلت إذا إنتم مالكم دخل أجل ميــن له دخل
قلي مشي حالك يارجال وقعد يسولف معي عن الفيزا ومدري إيش وأفهمه الوضع مو راضي يدخل في الموضوع
ياناس والله حـــــــــــــرام حسبي الله ونعم الوكيل

أنا ما بغيت أكتب الموضوع لكن ما بغيت واحد يصير له إلي صار لي أي واحد تجيه رسالة ويقدر يتأكد قبل لايروح مشوار أحسن له يتأكد

هونها وأنا وأخوك وقل الحمدلله ماندري وش نهايتها مع هالتنظيم الغير مرتب ..

الله يعينك ويوفقك ويمكن يكون خيرة لك ماتدري وأنا أخوك ..

الله يعينك أخوي راكان

وكل هذا من تحت راس مكتب تجسير ، الله لا يسامحهم لا يردون على الاتصالات ، ولا هم اللي يعطونك كم خيار للجامعات أو المعاهد اللي ترغب بالأنضمام لها ..


للأسف نظامهم عقيم جداً ..

والله يعينك ويكتب لك اللي فيه الخير ..

ماتدري
وعسى أن تكرهوا شيءً وهو خيراً لكم

بالتوفيق لك

اوووما تبكي .. ياشيخ ارمي همك على الله .. والله بيفرجها بحولته وقوته ..

والله لا يضيعلك تعب .. أختسب أمرك على الله .. ومالك إلا هو ..

وبالنسبه للقبول طالما انه صوره لا تخاف المهم انك عرفت انت وين ارضك من سماك

حتى لو ترسل لنفس المعهد يرسلك قبول عن طريق الفيديكس .. ماراح يقصرون طالما بتتحمل التكاليف

ومااعتقد انه تكاليفها كثيره ..


/


هونها وتهون والله حالنا مع هالوزارة من حفرة لدحديره ويااااقلب لا تحزن ,,

الله يوفقك ويسسسهل امرك وامر كل من واجهته صعوبات بموضوع سفره = )

الله يفرجها عليك اخوي
ياربي كل واحد لهم من جد هالدنيا ماتسوى

الله المستعان ..

يا اخي , يحسبونا عيال فقر وما عندنا وظايف ومعدلاتنا زي وجييهم , ولا ما في جامعات تقبلنا ..

ايش هي طرارة ..

الله يكون بالعون , الله يطول بعمره هي من ملكنا مو من الوزارة !!!!

والله قهر ..

الله يكون بعونك , الشبكه والإتصال فيما بينهم سيئه جداً ! , اذا من جد تبغى البعثه , لازم تمر في مثل هذه المواقف وتصبر على الوزارة + تجسير الفكر , ومتأكد الأغلب مر بمواقف أصعب , لكن مين اللي يصبر للنهاية ؟!

بالتوفيـق ..

الله يصبرك ويجزاك الجنة

الي أعرفه من طلاب كثير قدموا على البعثة وحسب ما قالوا عن سلوكهم مسالك النور

كلهم طلعوا من السعودية ودرس بالمعهد الي أعطوه وبعد ما تأكد وين يبي وكيف المعهد الي يبيه وشاف سكن من هناك
حول من هناك في هناك .

وأنا خوك الأمر دائما بيد الله سبحانة وتعالى ثم بيدك أطلع وخلك في المعهد الي عطوك وبعدين حول وين ما تبي

ما ودي أقلك هذا الكلام بس هذا الي يصير

تقبل مروري أخوك المبتعث مع إنتظار القبول .

وربي اللي صار معك يقهررر وحركة ترفع الضغط
الله المستعان