الأعضاء الإشتراك و التسجيل

الملتقيات
ADs

###تم وبحمد الله اصدار القرار مع بعض التنبيهات###

###تم وبحمد الله اصدار القرار مع بعض التنبيهات###


NOTICE

تنبيه: هذا الموضوع قديم. تم طرحه قبل 4833 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الى النها
    الى النها

    مبتعث مجتهد Senior Member

    الى النها الولايات المتحدة الأمريكية

    الى النها , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى صيدلة (Pharm D) , بجامعة Ohio Northern University
    • Ohio Northern University
    • صيدلة (Pharm D)
    • ذكر
    • Ada, Ohio
    • السعودية
    • Sep 2010
    المزيدl

    January 5th, 2011, 12:26 AM

    السلام عليكم ورحمة الله وبركاته
    اول شي انا طالب من الطلاب استلم صوره من قبوله عن طريق الملحقيه صوره مو الاصل من ايام الملتقى
    المهم ان موعد الدراسه كان متاخر وراسلت المعهد وبعد عناء وجهد طويل ارسلو لي القبول الجديد بالتاريخ اللي حددته
    المهم طلبت من مسؤولة المعهد ترسلي صوره من الاي تونتي الجديد على ايميلي من شان اقدم على التاشيره الامريكيه
    المهم قدمت على موعد وسددت كل الرسوم وحضرت المقابله بالرياض وبعد اسبوع استلمت جوازي فيه التاشيره
    وامس ارسل علي مكتب تجسير رساله يقول تعال استلم قبولك شوفو اللخبطه صورة قبولي ماخذها من الملحقيه
    وش خلا تجسير الحين يرسل لي رساله
    انا خفت انه قبول ثاني المهم الرساله جتني امس انا من القصيم طبعا
    يوم اصبح صباح يوم الثلاثاء الساعه 6 الصباح مسكت طريق الرياض وعلى مكتب تجسير
    طبعا انا يوم رحت للرياض جهزت كل الاوراق حقت اصدار قرار الابتعاث قلت عسى يكون اللي عند تجسير الاصل ثم اطلع الوزاره
    المهم يوم جيت مكتب تجسير اليوم الساعه 10 الصباح واعطاني القبول الا هو ولله الحمد اصل القبول وبالتاريخ اللي حطيته
    المهم واطلع الوزاره طوالي واعطي الموظف كل الاوراق اللازمه لاصدر القرار وانتبهم لنقطة بطاقة حضور الملتقى
    ضروريه لاصدار القرار لازم تصورونها لان الظاهر بالشروط مو موجود انك تجيبها معك المهم ان انا الحمدلله البطاقه كانت معي صورتها من عند الكافتريا اللي بالوزاره وقال التركي بريال قلت المشكله ما معي الا مائه ريال قال ما عندي صرف قلت وش اسوي فيك المهم صورها بدون مقابل قال ان شاء الله ان جيت المره الثانيه تعطيني اياه قلت مو جايك
    قال ان شاء الله حتجي هههههههه
    المهم رجعت بعد ما صورتها واعطيتها الموظف
    المهم بعد ساعه صوت علي باسمي
    استلمت القرار وكان مدة القرار خمس سنوات طبعا انا بكالوريوس صيدله اميركا
    رجعتله قلتله دراسة الصيدله بامريكا سبع سنوات عدلو القرار قالو عن طريق الملحقيه
    المهم واروح اصدر امر الاركاب واخذ التذاكر
    وسبحان الله يوم اخذت التذاكر قلت خلني بسال عن قرار الابتعاث طبعا القرار بعد ما اعطاني اياه الموظف اللي بالوزاره
    سلمته للموظف اللي بمكتب الطيار المهم سالت الموظف بعد ما اخذت التذاكر بالصدفه
    قلتله يا بيك الحين القرار يبغى عندكم ولا اخذه البيك طبعا تركي قال ليش هو انت ما صورته قلت لا وقام يطالب الموظف اللي اخذ مني الاوراق قاله المفروض ما تاخذ منه القرار الا ومعطيه صوره
    وطبعا قام يبحث بالاوراق الى حد ما لقى قراري وصوره لي واعطاني اياه
    المهم انا ااكد عليكم واقول لا تنسون القرار ترى ضروري من شان الملحقيه هناك
    والرحله بعد اسبوعين ان شاء الله
    دعواتكم لي بالتوفيق والنجاح
    اتمنى اني ما اكون طولت عليكم
    بس انا قلت بكتب لكم اللي صارلي من شان تستفيدوا
    واي سؤال خاطركم فيه اسالو ان شاء الله اجاوب
    بالتوفيق لي ولكم
    وللمره الثانيه اسف عالاطاله
    طبعا رحلتي 18\1 على الخطوط القطريه اللي معي يقولي من شان نطلع سواخخخخخخخخخخخخ
    تصبحون على خير
  2. الف مبروك

    الله يوفقك اخوي

    بس حبيت اسأل بخصوص اصدار القرار انا من المحولين لعلوم صحية امريكا

    بالتالي اتوقع راح يعطوني قرار ابتعاث 5 سنوات

    وان شاء الله ناوي احول طب في اي مكان

    هل بتكون مشكله لو اخذت قرار الـ 5 سنوات وانا بدرس 7 سنوات..؟

    يعني يمديني أجدد القرار أو استكمل أو شيء من هالقبيل..؟

    موفق حبيبي

    يسر الله دربك
    7 "
  3. المشاركة الأصلية كتبت بواسطة yoyo1893
    الفين وحدعش مبروك ... والله يعطيك خيرها ويكفيك شرها ويردك لأهل سالم غانم الشهري >>> تمزح

    الله ييسر أمورنا يارب

    وش معنى هالاسم اسم ابوك ولا زوجك ههههههههههه
    شكرا على دعوتك ولو اني ما اعرف شخص بهالاسم
    لكن يكفي مرورك
    وان شاء الله تتيسر امورنا وامورك وكل الباقين
    7 "
  4. المشاركة الأصلية كتبت بواسطة الى النها

    وش معنى هالاسم اسم ابوك ولا زوجك ههههههههههه
    شكرا على دعوتك ولو اني ما اعرف شخص بهالاسم
    لكن يكفي مرورك
    وان شاء الله تتيسر امورنا وامورك وكل الباقين
    لا والله شطح معاي الاصل بعد الدعوة ... يردك لأهلك سالم غانم
    7 "
  5. المشاركة الأصلية كتبت بواسطة أجمْتُ ألْسَاً
    الف مبروك

    الله يوفقك اخوي

    بس حبيت اسأل بخصوص اصدار القرار انا من المحولين لعلوم صحية امريكا

    بالتالي اتوقع راح يعطوني قرار ابتعاث 5 سنوات

    وان شاء الله ناوي احول طب في اي مكان

    هل بتكون مشكله لو اخذت قرار الـ 5 سنوات وانا بدرس 7 سنوات..؟

    يعني يمديني أجدد القرار أو استكمل أو شيء من هالقبيل..؟

    موفق حبيبي

    يسر الله دربك

    مو انا بخصوص هالموضوع سالت موظفين اثنين مو واحد قلتله عدلولي القرار الحين قالو حنا نعطي خمس سنوات
    انت من الملحقيه تعدل مدري تمدد
    يعني الامور تياسير
    بالتوفيق اخوي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.