الأعضاء الإشتراك و التسجيل

الملتقيات
ADs

أرامكس ام الفيفا ؟؟ الفيزا الكنديه ..

أرامكس ام الفيفا ؟؟ الفيزا الكنديه ..


NOTICE

تنبيه: هذا الموضوع قديم. تم طرحه قبل 2539 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ثلجه فوشيه
    ثلجه فوشيه

    مبتعث مجتهد Senior Member

    ثلجه فوشيه كندا

    ثلجه فوشيه , أنثى. مبتعث مجتهد Senior Member. من السعودية , مبتعث فى كندا , تخصصى .......... , بجامعة ..........
    • ..........
    • ..........
    • أنثى
    • ........., .........
    • السعودية
    • Aug 2010
    المزيدl

    January 6th, 2011, 06:09 PM

    السسسلام عليكم ورحمه الله وبركاته ...

    كيف حالكم ان شاء الله طيبين وبخير ..

    طبعا عدينا رحله انتظار القبولات وجات مرحله انتظار الفيز وماعاد باقي الا القليل ونسافر بأذن واحد أحد

    أنا حبيت استفسر عن شغله وياااااليت تفيدوني بليززز لو بكلمه ..

    أنا دحين اخذت الضمان المالي وابغى ابدا الفيزاا بس مو عارفه ايش الأحسن والافضل الفيفا والا ارامكس ؟؟

    طيب وايش الفرق ؟ اللي سمعتو انو الفيفا تآخذ 300 ريال على الشخص ؟؟ ليش طيب هما ايش بيسووه ؟

    غير انهم يبعبو الأبلكيشن ؟ ويرسلوه مع الأوراق ؟؟ يعني بيطلع تقريبا مع رسوم الفيزا 1700 ريال في الفيفا لشخصين بس !

    طيب بلييز ايش الأوراق المطلوبه للفيزا غير الأبلكيشن وصور القبولات ؟

    لأن زوجي ماترجم الشهاده تبعه الى الأن هوا بيكمل بكالوريس يعني شهادته ثانوي !! لازم الشهاده تبعه تكون مترجمه ؟؟ طيب لو ترجمها من فين يصدقها ؟

    غير كذا انا دحين خلال هذا الاسبوع انتظر مولود كيف اجرآت الفيزا تبعه ؟؟ يعني هل اقدم أنا دحين والا انتظر خلاص لما اولد

    نقدمها سوا والله أني حايسه حوووسه ماهي طبيعيه

    هم الولاده وهم الفيزا وهم السفر ابغى أحد يدلني ايش اسوي وبأيش ابدا الله يخليكم مرررا محتاره مو عارفه شسوي !

    ولا تنسو تقولولي الفرق بين الفيفا وارامكس وهل ارامكس يتابع طلبي لو سويت منو ؟؟

    وآخر شي فين مكتب ارامكس بمكه ؟؟؟ والله عارفه اني زودتها بأسالتي بس سورري تحملوني شووي ..
  2. المشاركة الأصلية كتبت بواسطة ثلجه فوشيه
    السسسلام عليكم ورحمه الله وبركاته ...

    وعليكم السلام ورحمة الله وبركاته...

    كيف حالكم ان شاء الله طيبين وبخير ..

    بخير دام انتي بخير..

    طبعا عدينا رحله انتظار القبولات وجات مرحله انتظار الفيز وماعاد باقي الا القليل ونسافر بأذن واحد أحد

    نوصل وتوصلين بالسلامه ان شاء الله..
    أنا حبيت استفسر عن شغله وياااااليت تفيدوني بليززز لو بكلمه ..

    ابشري بسعدك..

    أنا دحين اخذت الضمان المالي وابغى ابدا الفيزاا بس مو عارفه ايش الأحسن والافضل الفيفا والا ارامكس ؟؟

    أختي لايوجد فرق كبير


    اللهم

    ان مكتب الفيفا هو اللي يكتب لك بياناتكـ في الأبليكشن ويرسلها عن طريق ارامكس للسفاره


    بينما ارامكس


    انتي تاخذي من عندهم الابليكشن وتكتبي بياناتك بنفسك مع مراعاة وضوح الخط والكتابه والإملاء وكل شئ لازم يكون دقيق



    وفي النهايه الأرزاق بيد الله

    بعض الناس توصلهم الفيزا عن طريق الفيفا خلال فتره وجيزه وبعضهم يتأخر

    والعكس بعضهم يصل لهم عن طريق أرامكس اسرع ويتأخر عند بعض

    كل واحد ورزقو في الدنيا واللي الله يكتب لو هو

    انتي اتوكلي ع الله قبل كل شئ وأحسني النيه وان شاء الله تتسهل امورك


    طيب وايش الفرق ؟ اللي سمعتو انو الفيفا تآخذ 300 ريال على الشخص ؟؟ ليش طيب هما ايش بيسووه ؟

    لا انا سمعت والمكتوب في موقعهم 200 ريال على الشخص...

    غير انهم يبعبو الأبلكيشن ؟ ويرسلوه مع الأوراق ؟؟ يعني بيطلع تقريبا مع رسوم الفيزا 1700 ريال في الفيفا لشخصين بس !

    طيب بلييز ايش الأوراق المطلوبه للفيزا غير الأبلكيشن وصور القبولات ؟

    راجعي الرابط التالي اختي...
    خارطة الطريق لمبتعثي كندا(البرنامج السادس)

    لأن زوجي ماترجم الشهاده تبعه الى الأن هوا بيكمل بكالوريس يعني شهادته ثانوي !! لازم الشهاده تبعه تكون مترجمه ؟؟ طيب لو ترجمها من فين يصدقها ؟

    ايوه لازم يترجم اي شهاده بالعربي فقط عشان التقديم ع الجامعات هناك...
    وبالنسبه لوين يصدقها فيه مكاتب ترجمه معتمده من الوزارهـ خليه يسأل عنها وراح يحصلها باذن الله من جهتي المعذرهـ ما اعرف اي مكاتب ترجمه بس اللي اعرفه قلت لك....

    غير كذا انا دحين خلال هذا الاسبوع انتظر مولود كيف اجرآت الفيزا تبعه ؟؟ يعني هل اقدم أنا دحين والا انتظر خلاص لما اولد

    راجعي الرابط التالي اختي يفيدك بأذن الله اسأل الله ان يقومك بالسلامه انتي والبيبي..

    اجراءات استخراج الفيزا الكندية للطفل المولود حديثا في السعودية للسفر مع والديه

    نقدمها سوا والله أني حايسه حوووسه ماهي طبيعيه

    توكلي على الله وكله يمشي بسهوله يا اختي...

    هم الولاده وهم الفيزا وهم السفر ابغى أحد يدلني ايش اسوي وبأيش ابدا الله يخليكم مرررا محتاره مو عارفه شسوي !

    ولا تنسو تقولولي الفرق بين الفيفا وارامكس وهل ارامكس يتابع طلبي لو سويت منو ؟؟

    ارامكس يرسل الاوراق ويستلمها واذا استلمها يتصل عليك تجين تستلمين الفيزا يعني مافي فرق كبير بينه وبين الفيفا..

    وآخر شي فين مكتب ارامكس بمكه ؟؟؟ والله عارفه اني زودتها بأسالتي بس سورري تحملوني شووي ..
    في مخطط الزايدي
    إذا انتي جايه من مكه على خط جده اطلعي كبري الزايدي
    ولفي يسار وطووول تعدي مواقف الحجاج ولأخر الشارع
    تلاقي ارامكس ...

    للمعلوميه عنوان ارامكس جبته من موضوع يعني مش وصفي بس ان شاء الله واضح..

    كلي اللي ابغاهـ منك دعوهـ في ظهر الغيب اختي بان الله يشفي امي ويوفقني..
    7 "
  3. هو في في الزايدي صح

    بس بدال ماتضربي مشوار للزايدي روحي النزهه اقرب

    تعرفي العيدروس الي في النزهه صح ؟

    خليه يمينك وتمشي طوالي حيجيك مجمع على اليمين فيه معرض سيارات اعتقد اسمه الاعلام هوا هذا المجمع الي فيه ارامكس ارامكس موجود في اخر المجمع على اليسار
    7 "
  4. المشاركة الأصلية كتبت بواسطة ثلجه فوشيه
    دحووم الله يجزآك كل خير وينوولك الي في بالك ويشفي أمك شفاء لا يغادر سقما
    الله يطول بعمرها ويمتعها بالصحه ولا يوريكم فيها مكروه يارب ..
    جزآاك الله الف الف خير ردك جدا جد افادني ..
    آمين آمين يآرب...الف شكر ع الدعوهـ الحلوه اختي

    وبالخدمه دائماً وابداً كلنا اخوان ونفيد بعضنا...

    وبالنسبه لاخوي محمد والله هذا الوصف جبته من موضوع تم طرحه هنا
    في مبتعث قبل فتره وواحد جزاه الله خير ما قصر هو اللي قال هذا الوصف..
    وبعدين ترى انا سمعت انه كان فيه فرع في مكه وتقفل فما ادري تأكد منه يالغلا


    اتمنى لكم كل التوفيق والتيسير...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.