سؤال لاهل الرياض والي عنده علم .. باي حي الوزاره ؟؟

السلام عليكم
مساء الخيــر ..!
عندي استفسار ايش اسمه الحي الي فيه الوزاره والسفاره وهل هم في حي واحد ..انا بكره جاي من المدينه ان شاءالله
وكم المبلغ الي اجيبه معاي يكفي لطلب الفيزا ,, وهل يمديني اخلص اوراقي كامله في يوم واحد بس ...؟؟
تكفون ردو علي
وبالتووووفيق للجميع ..

نفس السؤال انا جايب قبولي لنفسي وابغى اطلع الرياض انشالله
حاروح الوزارة اعتمد قبولي وبعدين اروح السفارة اسوي المقابلة
فارجو انو احد يفيدنا باماكنهم وكم المسافة بينهم وشكرا لاهل الرياز

وعليكم السلام

الوزارة بحي الغدير على شارع العليا شمال الدائري الشمالي وانت متجه شمال تكون على اليمين طبعا شارع العليا يعتبر موازي لطريق الملك فهد اشهر طرق الرياض

السفارة اذا انت مبتعث لكندا حسب مافهمت من ملفك مايحتاج تروح لهم بس عبي استمارة طلب الفيزا والاوراق المكملة وبقية الطلبات الموجودة على موقع السفارة وارسلهم لها عن طريق اراميكس او مكتب الفيفا

المبلغ في تفصيل ايضا في نفس الموقع

وانا انصحك تروح ملتقى كندا في هذا المنتدى بتجد مواضيع مثبته عن الفيزا وتفصيل ممل راح يريحك وتعرف به كل شيء

بالتوفيق

اقتباس:

---

المشاركة الأصلية كتبت بواسطة مستشار قانوني..

نفس السؤال انا جايب قبولي لنفسي وابغى اطلع الرياض انشالله
حاروح الوزارة اعتمد قبولي وبعدين اروح السفارة اسوي المقابلة
فارجو انو احد يفيدنا باماكنهم وكم المسافة بينهم وشكرا لاهل الرياز

---

المسافة بين الوزارة وبين حي السفارات تقريبا 10 الى 15 كيلو

حي السفارات يقع على الدايري الغربي ( طريق مكه ) وانت متجه جنوب بيكون على يمينك
بالتوفيق

مبنى وزارة التعليم العالي الرئيسي
الرياض - تقاطع شارع المعذر بشارع التخصصي
صندوق البريد: 225085
الرمز البريدي: 11153
الهاتف: 4415555


اما السفاره فما اعرف الاانها تقع في حي السفارات

اقتباس:

---

المشاركة الأصلية كتبت بواسطة ~شيخة البنآآت~

مبنى وزارة التعليم العالي الرئيسي
الرياض - تقاطع شارع المعذر بشارع التخصصي
صندوق البريد: 225085
الرمز البريدي: 11153
الهاتف: 4415555


اما السفاره فما اعرف الاانها تقع في حي السفارات

---

اختي الفاضلة

البعثات لها مبني خاص يقع بحي الغدير كما الوصف آنفا

ولو ذهبت لشارع المعذر بيقولوا لك روح لحي الغدير

عند بوابة حي السفارات راح يسألونك وين داخل له قلهم السفارة الكندية او الامريكية المهم واسأله عن وصفها بيقولك ثاني دوار تلف معه ثم ماني عارف ايه وهكذا
وفق الله الجميع

طيب بالنسبة للموقع الوزارة بالنسبة لي النقل الجماعى؟

مشكوورين على الردود والله يعيننا وياكم