الأعضاء الإشتراك و التسجيل

الملتقيات
ADs

محادثه ماسنجر بيني وبين موظف في السفاره الامريكيه طالبني بريال7000

محادثه ماسنجر بيني وبين موظف في السفاره الامريكيه طالبني بريال7000


NOTICE

تنبيه: هذا الموضوع قديم. تم طرحه قبل 2533 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Jseven
    (لم يتم التحقق من صحة عنوان البريد الإلكتروني)


    مايكفيك انو هذا مكتوب في اسمه،،، لانو اساسا لو عمل المسن راح تجيه رسالة تحقق عالبريد لازم يكمل اجرائاتها عشان يروح هالكلام،،، ولو ماعملها تبقى العبارة هذي موجوده

    هذا نصاب وقاعد يزرف الناس بالكاش يو
    والله شكيت فيه بس قلت يمكن هذا يبغا يساعد لوجه الله طلع نصاب
    7 "
  2. المشاركة الأصلية كتبت بواسطة ياريح رد لي خبر
    اجل لحظات كي "اشيك" وش ذا الموظف الهندي اللي مشغلينه عندهم

    هذا مو نصاب الا ابو ابو النصب

    هههههههههههه
    ههههههههههههههههههههه
    كل شوي وانا اتحسب عليه الله يهديه ويصلحو بس اذا كان مسلم واذا كان غير كذا الله يشيلو ويفكنا منوو
    7 "
  3. المشاركة الأصلية كتبت بواسطة hamo0o0o0de
    ياأختي لا تتكلمي مع أحد في المسن هذا نصآآب وسين نصآآب لأنو فية ناس راحو للسفارة وأخذو مواعيد وراحوها وخلصو وأستلمو التأشيرة ولا جاء أحد قلهم جيبو 7000 ريال الله يحرقو أن شاء الله
    والله الين الان الكلام هذه من امس العشا وانا دحين شوف الصباح
    وحس انى من قوه الفجعه الين الان احس بخوف برغم ماهمنى الفلوس عادي ادبرها اذا كان كلامه صحيح
    بس يستفزنى كل شوي يكرر بلغي الموعد بلغي الموعد
    مرا مرا تعبتنى الكلمه هذه حسبي الله عليييييييييييييييييييييييه
    7 "
  4. المشاركة الأصلية كتبت بواسطة sooomy
    ههههههههههههههه اهم شي لما قلتي لماذا يحدث معي هكذا ؟هههههههههههههه
    بس كويس اخدتي واعطيتي معاه عشان يبان كذبو
    ههههههههههههههههههههه لا اول مرا اتكلم لغه عربيه من الفجعه اغلب كلامى اخطاء املائيه
    احسبو امريكي اقول لو اتكلم عامي ما يفهمنى
    7 "
  5. باااااين انو نصاااااااااب ومبتديء في النصب كمان


    ياختي بااااين لو انه بيتكلم عربي فصحى أو متعلم عربي فصحى بيطلع إملائه أحسن من كدا

    وماحيقول لك ولا ربع كلمة عاميه من حقتنا .. إيش يعرفوا لهجتنا أصلاً

    تفتكري الامريكيه اللي في الملتقى تتكلم بالفصحى مره ولما تشطح تطلع بالمصري ..

    بعدين إيش عرفو بالتوفيق ، وإن شاء الله .. وهو امريكي

    ومعروف في أي مكان في الدنيا إذا موظف بيتكلم مع عميل لازم يذكر إسمه

    هذي من أساسيات التعامل مع العملاء ومن حق العميل إذا الموظف ماقال اسمه

    أن يسأله عن اسمه ..

    هدا نصاب مره كبير .. بلوك ودليت وريحي راسك ..


    الله يوفقك ياقمر
    7 "
  6. احم .. قريت الردود ورجعت ..

    ياقلبو مستحيل ورب البيت ايش يحس فيه هذا الشي متأكدين انو عندو عقل يفكر فيلو ..

    شوفي راسلي مدينة الملك عبد العزيز للعلوم والتقنية .. هدول اللي يحطو حجب المواقع القلة الأدب ويقدرو يشوف المحادثات والخرابيط هذي ..

    واديهم الإيميل .. وهم حيجيبوه ويجيبو أهلو والمكان اللي يهرج مع الناس منو .. ولو كان مقيم في السعودية حيسفرو على بلدو خروج نهائي ..

    وياخدو بصمات عيونو ويدينو وكمان السفارة الأمريكية ممكن يبلغوها هدول حقون مدينة الملك عبد العزيز .. وكمان هدول عاد شوفي

    حيرفعوا عليه قضية انتحال شخصية دبلوماسية .. مو موظفين السفارة دبلوماسيين ..

    غير قضية نصب واحتيال .. وطبعاً القضية لابستو زي السلام عليكم .. خصوصاً لو اتراقب وعرفو انو من الأوادم اللي بيستخدمو دا النوع من البطاقات ..

    بدون ماتكون معاه البطاقة يعني بس أرقام ..

    <<< أنفع مباحث ..


    المهم

    قبل 10 سنين لما رحنا امريكا .. أيام كان في اتفاقية التعامل بالمثل مع الرعايا .. والسعودية كانت حاطه مبالغ مره كبيره على الفيزا ..

    دفع بابتي علينا كلنا السته 8 آلاف للفيزا .. هدا عالشخص يبغى 8 آلاف مرررره مع نفسو ...

    واضح انو انسان حتى مايعرف إيش قوانين وسياسة السفارة الأمريكية في إصدار التأشيرات ..

    يمكن حتى الآي توني اللي سألتي عنو مايعرف إيش هرجة أهلو ..


    بس اللي من جد رفع ضغطي انو انتي الين قريب لسى خايفه ..

    ياقلبي مايقدر يلغي موعدك بإسمك بس .. مو كافي الإسم .. نسيتي لما نعبي الأبلكيشن في سؤال نختارو ونحط جوابو

    وكمان في إيميل وباس وورد وفي بوزر نمبر حقك يطلع لما نغلق الأبلكيشن وفي خرابيط مره كتير .. كيف يقدر يلغيه باسمك بس ..

    ايش وكالة من غير بواب ..

    يابيبي مافي شي اسمو امنعك من دخول امريكا للأبد والله لو انك قاتله كندي الله يرحمو حيدخلوكي ويحاكموكي ..

    مره نرفزني .. ياريتني مكلمتو كنت سحبت ابو امو في الهرج والا خليت واحد من اخواني يهكر إيميلو .. والله من جد دا يبغالو

    يتهكر إيميلو عشان ينجاب على ملا وجهو ..


    يللا يا عسلا .. تعيشي وماتاكلي غيرها .. وكل دقه بتعليمه .. وكل واحد يصلح سيارتو .. وفي الحديد ولا فيكي .. D:

    << حسيت اني قلت كل الأمثال اللي اعرفها في الحياة

    بالتوفيق بيبي
    7 "
10 من 12 صفحة 10 من 12 ... 591011 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.