وش الحل مع رقم المبتعث الغير موجود في السفاره

السلام عليكم
مابطول عليكم
انا موعد مقابلتي في القنصليه (الظهران)
في يوم 22/1
يعني باقي 9 ايام تقريبا
ومن خلال كلام بعض الاخوه والاخوات في هالمنتدى
يقولون انهم راحو الى السفاره وطلبو منهم اثبات ابتعاث وطبعا
بطاقه الملتقى ماكانت تكفي
لازم ضمان مالي من الوزاره :cryss:

هل تنصحوني اني اروح الرياض اسبوع الجاي ؟؟
واروح الوزاره واكلمهم بهالخصوص
ولا ارسلهم بس
لاني بصراحه خايف بهالخصوص و ماقدر اروح لهم
واذا كنت ابرسل ما اعرف ايميلهم
ولا اعرف وش لازم ارسل ( جواز , اوراق , الخ ....)
فا ابغى احد ينورني بليـــــــــــــــــــز

شطحه :
انا في نموذج الـ DS-160
كتبت لهم ان
مدينه واشنطن دي سي في ولايه فيرجينيا .. هههههههههه
الزبده عندي اخطاء في النموذج كيف اعدلها ؟؟

انا كنت مثلك لما جيت احجز الموعد برقم طلبي طلع ان الرقم غير موجود في السفاره المهم رحت قبل موعدي في السفاره بيوم على مبنى البعثات بحي الغدير وقلت لهم الموضوع قال لي الموظف صور صوره من جواز سفرك واكتب عليها رقم طلبك وراح نرسلها لهم في اخر الدوام على السفاره والحمدلله رحت السفاره وماسالوني عن الظمان المالي لانهم شيكو على رقم طلب لقوه موجود عندهم ...

تقبل مروري

أنا مقابلتي كانت قبل أمس بقنصلية الظهران
و الموظفة اللي تستلم الأوراق لما كنت أعطيها إياهم سألتني عندك بعثة؟
قلت لها ايوه .. و أنا كنت حاطة صورة من I-20 على الطاولة و أول صفحة منه مدري من اللي كان كاتب عليها
رقم الطلب الخاص بي .. كتابة عادية بقلم حبر جاف بعد
المهم إنتبهت له و سألتني هذا هو الرقم؟ قلت ايوا و أنا مطلعة بطافة الملتقى و عطيتها إياها قلت لها هنا الرقم أوضح
و سجلته على الورق
فهم كل اللي يبونه رقم الطلب لأنهم بعدين و مثل ما صار لي عند الشباك يدخلون رقم الطلب بالسيستم عندهم و يتأكدون من إنك مبتعث
لأن الأسماء مسجله عندهم .. و اللي صار لي إن الموظفة غلطت بحرف S و هي تدخل رقمي و قالت لي
إسمك مش موجود ع الليحه ( اللائحة ) .. دارت الدنيا فيني و قلت لا ... مستحيل
رجعت تأكدت و إعترفت إنها غلطت و في النهاية طلع إسمي موجود و لله الحمد
و دام ثبت وجود الإسم فما فيه حاجة لوجود الضمان المالي .. هم يعرفون إن عندنا بعثة و فيه إتفاق بينهم و بين الوزارة


و نموذج DS-160 إذا كنت خلصته و وقعت على الطلب .. و خلاص وصلت نهايته
تقدر تدخل الموقع و تبدأ الخطوات الأولى .. إختيار القنصلية و إختبار الصورة
و بعدين تروح للخيار الثاني اللي هو تحميل إستمارة سابقة
بيطلبون منك بيانات عبيها و بتستعيد إستمارتك بكامل البيانات اللي عبيتها مسبقاً
بس بيتغير رقم الباركود تبعها
عدل اللي تبيه وإحفظها و اطبع صفحة التأكيد
بس لاتنسى ترجع و تغير رقم الباركود ( رقم نموذج DS-160 القديم) اللي دخلته من ضمن بياناتك لما أخذت موعد السفارة في موقع الفيزا بالرقم الجديد