مين موعده مع السفاره الامريكيه في 18 يناير ومرافقها لسه ماوصل قبوله بالرياض

وعليكم السلام ورحمة الله وبركآته ,, هلا والله أختي .. عآدي جدآ يروح مرافقك بدون القبول .. انا كانت مقابلتي بالسفاره قبل أمس يوم الثلاثاء وكان معي انا بس القبول أخوي مامعه .. سئلوني مع مرافقك القبول ..؟ قلنا لا للحين ماوصل .. قال اللي سوى معنآ المقابله بس يوصل قبول مرافقك .. ارسليه لنا على عنوآن السفاره .. واذا أخوي ناوي يدرس ..لازم يطلع بفيزة أف ون ,, عادي خليه يقول للي يسئله انه بيدرس على حسابه .. يعني خلي أخوك يقول أنه يبي فيزة اف ون .. وياليت لو يجيب شهاده بنكيه موجهه لمن يهمه الآمر ,, ويعطيها السفاره .. مع انهم ماطلبوآ مننآ الشهاده البنكيه .. مووفقه أختي الآمووووووور أسهل ممآ تتوقعين صدقيني ..

هلا بك اختي انا مرافق وما استلمت قبولي للحين-بس موعدي 24,
بالنسبة لسؤالك طبعا على حسابه الخاص الا اذا كان مبتعث اساسي زيك-طبعا لازم يروح لموعد السفارة حتى لو استلم قبوله-يقولهم ماوصلني لسا,فا هم بيقولو ارسله لنا لمن يوصلك,
واي سؤال حاضرين
تمنياتي للجميع بالتوفيق

.. سوري .. بكمل لك .. يقول انه بيدرس على حسابه بس اجراءات روتينيه .. وبس يطلع بفيزة اف1 .. مجرد ماتوصلون لأمريكا تروحون للملحقيه ويلتحقوونه بالبعثه ,, الاوراق اللي بتآخذينهآ ..
1_ الابليكيشن لك ولمرافقك .,.
2- وصل سامبا الاصل لك ولمرافقك .. بس صوري منه كذا صوره وخليه عندي عشان اذا رحتي للملحقيه يعوضونك ,, الشفاره بتاخذ منك الأصل ,,
3- الجوازات لك ولمرافقك ..
4 - صفحة تآكيد المووعد ..
5-تسديد السيفس ..
6- صورة شخصيه لك ولمرافقك .. لاززم وضروري تكوون 5 في 5
7- قبولك وقبول المراافق اذا توفر
8- خذي معك شهاداتك وشهادات مرافقك مع انهم مابيطلبونها بس نصيحه خذي كل شيئ .. من باب الاحتياط ..
هذا اللي براسي اللحين .. موووفقه يارب أكوون نورتك .. دعواتك

خلي وصل سامبا عندك مو عندي هههههه .. اما عندي ..

شكرا على مروركم وتفاعلكم ..بس عندي استفسار مهم ليش كلكم نقولون المرافق يدرس على حسابه الخاص بس الي اعرفه انو الخطاب الموجه للسفاره مكتوب فيه اسمي واسم المرافق فأكيد المرافق على حساب البرنامج واكيد السفاره عندها علم انو المرافق يدرس على حساب البرنامج وسجلت في الابليكشن انو المرافق يدرس على حساب البرنامج هل اغيره يعني اعمل ابليكشن جديد

وعليكم السلام اختي انا مرافق وموعدي في نفس يومك بس الساعه 7 ونص الصباح وقبولي لسه ما وصل وعايدي زي ما قلولك الاخوان فوق والله الموفق

أنا موعدي كان يوم الثلوث .. انا معاي قبول .. وأخوي ما معاه ومقدم على فيزة F1

طبعا القنصل قال لنا فيزتكم مقبولة بس معاك 40 يوم ترسل لنا القبول على الفاكس أو الايميل وأخذ منه الجواز حقه كمان

أهم شي يقول له انه رايح يدرس على حسابه الخاص مثل ماقالت الرميصاء

عااااااااااااااااااااادي روحي وفبطنك بتيخه صيفي

أهم شي الورقة الاولى اللي فيها الباركود حق نموذج DS-160 انا ماطبعته ورجعتني أطبعه

السلام عليكم

كيف نقولهم يدرس على حسابه الخاص مارح يعطونه اف 1 الا لما نجيب شهادة بنكيه صح ولا عادي يطلعوها له

واذا قلنا لهم على حساب الوزاره رح ينتظرون قبوله واحتمال كبير ماتوفره الوزاره هنا الا لما يسافر

طيب الدكتور الحربي ايش قال نطلع له هنا ومن هناك يلتحق ونحول له الفيزاء بس ايش نقول للسفاره اف 2 مرافق ولا بي 1

ياريت تساعدونا اللي خلصو ومرت عليهم هاذي الاشياء

بس اختي الي انا اعرفه والكثير من الاعضاء يقولوا انو المرافق على حساب البرنامج والدليل خطاب الوزاره مكتوب فيه اسم المبتعثه واسم مرافقها وفي عضواسمه رايح امريكا هذا مرافق لاخته قال للسفاره انو مرافق لاخته ودارس على حساب البرنامج ومشت اموره والحين هو بنتظر قبوله يجي من تجسير عشان يرسله للسفاره ويستخرج الفيزه... عشان كذا سجلت مرافقي في ds-160 على انه دارس على حساب البرنامج... وفي سؤال ثاني هل حجزتوا موعد انتو والمرافق في نفس الورقه الموعد يعني اضافة ابن الاسره؟