الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
السلام عليكم ورحمة الله وبركاتة ..
كيف حالكم ..؟
ولكن لدي سؤال ... بعد حضوري للمقابلة الحمدالله بالنسبة لي قالو لي فيزتك مقبولة
ولكن أخوي (محرمي ) قالو له الشهادة البنكية اللي معك لاتغطي تكاليف المعهد كامله
حاولت اقولهم الوزارة تتكفل بالمحرم حال وصوله بلد الابتعاث فطلبت منا يانزيد سعر الشهادة البنكية
او نجيب خطاب من الوزارة انها تتكفل بالمرافق .. للعلم ان مقابلتي كانت الاربعاء بالظهران ..
فماادري اراسل الوزارة بهالخصوص والا ازيد مبلغ الشهادة وارسل لهم إياه؟؟
للعلم هو فيزته الحمدالله مقبولة واستلمو جوازة بس عطونا ورقة صفراء بالناقص الخطاب المالي ..
للعلم هو عنده قبول والحمدالله ..
ياليت تفيدوني ..
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
اممم انشاء الله الاخوان يفيدونك بالموضوع
بس اتوقع انه الوزارة ما تقدر تعطيك ضمآن للمرافق الحين
فيمكن يطلبو منك انك تزيدي الشهادة البنكية :)
موفقة حبيبتي
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
يعطيك العافية على الرد .. بس لأني قريت كثر من مواضيع المرافقين
السفارة ماطلبت منهم الشهادة البنكية بالمقابلة .. فماادري
ياليت أحد يفيدني ..
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
شكلو حظك هيك من القنصل بعضهم مايسئلونهم وبعضهم يسئلونهم
انتي كم كان المبلغ بالشهادة البنكية اختي؟؟
مش اكثر من 15 الف ليه الطمع عاد شم يبون؟
وارسلي لهم شهاده بنكية بالمبلغ اللي يبونه ليت تقولين كم يبون
لاتراسلي الوزارة راسلي السفاره هذا كلامهم بالملتقى انها مهمه الشهادة البنكية مابيضرك يا ختي عشان مايعطلون شغلك
بالتوفيق واستنا ردك
سلام
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
بصراحه توقعاتي انو تزيدي المبلغ ,,, مشكله هالشهاده البنكيه
طيب كم المبلغ اللي قالوه لكي لو سمحتي ؟
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
يب انا شهادة اخوي البنكية 50 ألف ريال مايقارب 13 ألف دولار
وتكاليف المعهد 100 ألف ريال وزيادة .. مايقارب 28 ألف دولار
قالو مايغطي لازم الشهادة البنكية تغطي تكاليف المعهد نفسه ..
وطلبو نزيدها .. واعطونا ورقة الصفراء ورقة النواقص ..
غلطتي سويتها بالظهران مو الرياض فعشان كذا يدققون ..
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
بصراحه مبلغ جامد جداً جداً, الله يعين ويسر الامور على الجميع
لازم اقول لمحرمي يتسلف من اصحابه من الآن عشان نوفر الشهاده البنكيه
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
يب على حسب تكاليف المعهد .. يعني زي تكاليف مبلغ كابلن تصل تكالفيه
الى 16 ألف دولار مايقارب 60 الف رياال .. أرجع واقول المبلغ هذا مبلغ معهدي ..
والله يعين ياارب ويسهل الامور جميعها ..
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
اختي انتي قلتي لهم انو المرافق بيدرس على حساب البرنامج او على حسابه
وربي يسهل امورك
رد: الوزارة ترسل الضمان المالي للسفارة بأسم المبتعثه والمرافق؟(أرجو المساعدة)
لا بيدرس على حسابة بس حاولت افهم اللي سوت المقابلة انه بعد وصولة بلد الابتعاث
الوزارة تتكفل فيه قالت لي جيبي خطاب يدل على هالشي او زيدو الشهادة البنكية ..
:)