يومي نحس من البداية .. تجسير .. والاهلي ..

مرحبا ..
مثل ماقلت لكم الظاهر اليوم يوم نحس ماأدري وش قصته ..
من الصباح أشوف مسج من تجسير يقول لي أن معهد els آشلاند - ولاية أوريغن فيه تكدس ومايقدر يجيب لي فيه قبول
ويعطيني خيار في بروتلاند بمعهد els or kaplan

طبعا لا يفوتكم أنا أرسلت لهم الاربعاء قالوا جاري الحصول على القبول واليوم يوصلني رد على مسج قديم يقول فيه تكدس مع العلم أني تركت لهم مجال أختيار الولاية والمنطقة وشوووو اللي صار ..

بالله عليكم وش أسوي .. لاتغيير ولاية ولا قبول مرافق
وغير هذا ..
ومن شوي أتصل DHL علشان بطاقة الاهلي مسبقة الدفع اللي مقدمة عليها صار لي 12 يوم إلا يقول لي الموظف مافي شي وصل لرقم الجوال هذا أتصلي البنك أستفسري .. المهم أتصل إلا يقول عفوووووا طلبك تم رفضه .. طيب ليش وأنا دافعه الرسوم وكل شي ؟؟ يقول البنك له الحق في القبول والرفض بدون سبب .. إذا حابه قدمي من جديد ..أو راجعي الفرع


بالله عليكم مين يتحمل كل هالضغط .. ماتسوى علينا .. كل هذا علشان حابين نكمل دراسة ..
مافي تسهيل من ولا ناحية ..

ماأقول إلا الحمد لله على كل حال .. وأستغفر الله .. الله لا يجعلنا بحاجة أحد ..

أنا اليوم مقررة أروح مكتب تجسير لأني تحملت شهرين ولا صار جديد .. :ranting:.. وياأنا ياهما

عادي هونيها وتهون ترى كثيييييييييييييييييييير مثلك حايسين ورى تجسير والملحقيه والوزاره

بس الله يسهل وكل تأخيره وفيها خيره , انا ان شاء الله باجيب قبولي بنفسي وخلهم يرتاحون هم وقبولاتهم اللي تقعد 5 شهور

ماتسوى علينا والله , قولوني قام علي من كثر ماافكر في القبول

وانا متأكده اني اذا جبت قبلولي وخلصت , بيرسلون لي المكتب قبولهم هههههههههههههههههه

الله يسهل للجميع

حسبي الله ونعم الوكيل من جد شئ يحرق القلب هم ودهم يقولون لك مانبي نجيب لك قبول من الاساس

طبعا انا اقولك دام الساالفة كذا جيب لك قبول باي مكان انت تبيه وطلعي التأشيرة وروحي طلعي قرار الابتعاث الاغلبية سوا كذااا
تقدري تغيري تاريخ بدأالدراسة من عن طريق المعهد بس الولاية هي الشئ الصعب والله المعين
اماانا لاردوا علي ولاشئ الظاهر سحبه قويه علي
بس تعالي انت مو مره قالووا لك ملفنا مو عندنا احسهم اكثر من مره حاولوا يصرفونك
حاولي تغيري الولاية من غير ماتحددي المنطقة شوفي عندك اوريقون منطقة يوجون مرره زينه
الله يعينك عليهم من جد احس حرقة اعصاب بقوة

All i can say ALLAH be with you sis

الله يعين الجميع

اقتباس:

---

المشاركة الأصلية كتبت بواسطة Um Deema

عادي هونيها وتهون ترى كثيييييييييييييييييييير مثلك حايسين ورى تجسير والملحقيه والوزاره

بس الله يسهل وكل تأخيره وفيها خيره , انا ان شاء الله باجيب قبولي بنفسي وخلهم يرتاحون هم وقبولاتهم اللي تقعد 5 شهور

ماتسوى علينا والله , قولوني قام علي من كثر ماافكر في القبول

وانا متأكده اني اذا جبت قبلولي وخلصت , بيرسلون لي المكتب قبولهم هههههههههههههههههه

الله يسهل للجميع

---

والله حتى انا كلمت قريب لي يجيب لي قبوول لي ولمرافقي ولاعندي فيهم قولونا تضخم موبس قب

هم بهالطريقه ينفرون الطلاب من البعثه بالكامل شفت بنات بنفسي سحبوا ملفاتهم ارفضوا البعثه نهائيا بسبب العطل

والله كلنا في ضغط ... من تجسير للملحقيه وياقلبي لا تحزن ...

وكل بعد كم يوم طالبين بيناتنا 600 الف مررره وكل معهد يطلب مننا بينات واشياء بالبلا ونستنى وحالتنا حاله
ولسه السفاره والفيزا

ياااااااااااااارب سهل لنا امورنــــــــــا

الله يخارجنا مخرج طيب
قبول مافيه
لا من الملحقية ولا من تجسير ولا الوزارة اللى مسوين فاهمين وهم ماعندهم سالفة همهم الانتدابات وخارج الدوام تصرف لهم
ورددددددددددددد ياليل مطووووووووووووووولك
واصلي يا بلادي واصلي
على فكره عندي معرفه في الوزارة بحجم دكتور للاسف من البداية ابشر والامور تمام وعندما اكلمة على جواله لا رد ولا هم يحزنون حتى في الملتقى شافني كانه شاف ابليس قدامه قلت له لا حول ترى الامور ما تسوى حتى في الاسئلة والاستفسارات جلست عند اللي بجنبة والله وجهه صار طماطم بس ابغى ابين له ترى نقدر نمشي امورنا بدونك .. حالي حال الناس الثانين

وراهم الاهلي عيو يعطونك !!

انا طلعتها من عندهم بسهولة ولاعندي حساب عندهم بعد ,, وصلتني بالبريد العادي بعد اسبوعين تقريبا

روحي للفرع الي دفعتي عنده شوفي شسالفتهم خير ياخذون 100 غير رسوم البريد يرفضون! << ابد ماكأنه قبول جامعي ههههههه

هونيها وتهون والله يير لنا ولك

اليوووووم مشواري طويل من الاهلي لتجسير

علشان أحل الحوووسه هاذي ..
رحت الاهلي وهم منصدمين شلون تم الرفض وخلوني أجدد البيانات من جديد وقالت لي الموظفة قبل الاربعاء هي عندك
إن شاء الله تتطلع بس صادقة في كلامها ..

وتجسيرررررررررررررر وماأدراك ماتجسير قلت له السالفة والاخ مو راضي يستوعب
واخر شي قال لي أرسلي المشكلة على ايميلي وإن شاء الله اسبوعين ويجي القبول
قلت له من الاخر في قبول ولا اراسل بنفسي وافتك ولا اجيب قبول من مكتب ثاني ترى ماتسوى علينا ..
قال لالا أرسلي لي وأنا اهتم

بنشوووف ويا ويله .. لأنه جد تعبت ..