جتني وظيفة...............ولله الحمد

اهلين اخوي انا نفس وضعك بالظبط
قبلت بالبرنامج .. وبشهر 12 طلبوني الجامعه على وظيفة معيد والحمد لله تعينت وباشرت

اول نقطه الجامعه تشترط عليك الماستر والدكتوراة .. ولازم يكون قبولك حق اللغة من معهد اكاديمي يعني تبع جامعه
وثاني شي يفضلون ان يكون تخصصك اللي راح تبتعث له يكون موجود بالجامعه اللي انت راح تدرس بمعهدها اللغه
فااذا كان قبول اللغة اللي جاك من برنامج الملك من معهد تبع جامعه والجامعه فيها تخصصك .. فاوضعك تمام بالنسبة للقبول وتقدر تروح على تاريخ دراستك ماعندهم مشكله بس تاخذ ضمان مالي من الجامعة وتوديه لتجسير الفكر يغير لك الضمآن المالي


اما بالنسبة انك تطلب الغاء بعثه فهذا مايحتاج لانك راح ترسل عن طريق الجامعة خطاب لوزارة التعليم العالي ان هذا معيد عندنا ونبي موافقتكم انه يبتعث فابيكون عندهم خبر سواء طلبت الغاء بعثه او ماطلبت

انا موضوع التأشيرة اذا عاجبك المعهد والولاية قدم قبولك وتأشيرتك لرئيس قسمك وهم راح يوافقون عليه ويرفعونه للعمادة والعمادة توافق عليه ويصدر قرارك .. ( تأكد ان المعهد معتمد )
اذا ودك تغير المعهد جب لك قبول منه وخذ الاي توني ووده للسفاره مع جوازك وهم يغيرون لك التأشيره
الموضوع سهالات

انا جاني قبول في برنامج الملك في معهد تجاري .. فاكنسلته ورحت جبت لي قبول بالولاية اللي ابيها والمعهد اللي ابيه وبعدها بعرض القبول ع القسم واذا وافقو يرفعون للعماده

الف مبروك ع التعيين وموفق خيررر

واذا عندك استفسار عن امور ثانيه بالابتعاث او الإعادة انا تحت امرك