السلام عليكم ..
هل في أحد منكم يا أهل ديفيس أصدر له قرار الإبتعاث ؟
انا استلمت الفيزا قبل 3 أيام تقريباً
دراستي تبدأ 22 /6 ميلادي
واحنا الحين في 26 / 3
هل يصدرولي قرار ابتعاث
شكراً
عرض للطباعة
السلام عليكم ..
هل في أحد منكم يا أهل ديفيس أصدر له قرار الإبتعاث ؟
انا استلمت الفيزا قبل 3 أيام تقريباً
دراستي تبدأ 22 /6 ميلادي
واحنا الحين في 26 / 3
هل يصدرولي قرار ابتعاث
شكراً
جزاك الله خير اخوي محمد والله يوفقك ويعطيك على قد نيتك ..
انت اللي سبقتنا الله يعينك علينا وعلى اسئلتنا هههههههه
اخوي سبشل ون قرار الابتعاث مدته 3 شهور لازم تسافر خلالها والا يلغى القرار ودراستنا بقى عليها اقل من 3 شهور
فـتوكل على الله وروح اصدر القرار وانا معك ان شاء الله بكره او بعده ..
الله يوفقكم ،، جميـــعاً
السلام عليكم
رحت اليوم الاربعاء اعدل اسمي اللي مكتوب بالإنجليزي في الوثيقة وكشف الدرجات
عشان يتطابق كلياً مع الجواز
لأنه كان في اختلاف
الجواز كاتبين اللقب وحرف واحد من اسم الجد
والوثيقة كاتبين اسم الجد وحرف واحد من اللقب
هههههههه
سايقينها
والحمدلله تم ذلك على خير
لكن ينقص توقيع عميد القبول والتسجيل من سوء حظي العميد مو موجود
قلت اروح له يوم السبت
تحيتي لكمـ ..
بسم الله الرحمن الرحيم
هذا تقرير متواضع جدا لكن فيه كثير من المعلومات الي تنفعكم باذن الله واي شخص يبي اي استفسار مني يسالني ولا يستحي من اي شي لاني انا شخصيا مريت بالي انتم الان تمرون فيه وحاس فيكم وخصوصا العوائل منكم (مع اني عزابي) ..
نبدا بالمدينة ..
طبعا نتكلم عن ديفيس ، مدينة حلوه وصغيرة وهادية واهم شي انها امنه جدا يعني الجريمه الي منتشره عندهم هي سرقة السياكل (صدق لاحد يضحك) والشرطه منتشره بكل مكان واغلبها طلاب جامعه
طبعا وسيله التنقل الاولى السيكل او الباص مع انها صغيره تقدر تمشي فيها والداون تاون حقها رااااااااايق جدا وهذي بعض الصور للداون تاون
[IMG]http://www.m5zn.com/uploads/2011/3/3...kqbckul5eh.jpg[/IMG]
http://www.m5zn.com/uploads/2011/3/3...486xz2h3z8.jpg
وهذا تمثال لقيته وقلت اصورة لكم
[IMG]http://www.m5zn.com/uploads/2011/3/3...5bxok93adk.jpg[/IMG]
وهذا ستار بكس الي في الداون تاون تعجبني انا جلسته
http://www.m5zn.com/uploads/2011/3/3...0e16j2ukct.jpg
وهذي مواقف بالنص بين المباني عجبني شكل الشمس وقلت خل اصورها
http://www.m5zn.com/uploads/2011/3/3...m767b1jbo0.jpg
نجي الآن للمعهد ..
طبعا المعهد انا المره الي راحت يوم قلت لكم اني انصدمت من المعهد صار مبني الاداره بس بقول لكم شي صراحه انا مااقدر احكم على المعهد لان مالي الا اسبوع فيه بس اخذت راي ناس كثييير يدرسون فيه وكلهم بصراحه يثنوون جدا عليه لانه معهد اكاديمي بحت المستويات تبدا فيه من 200 الى 800 وكل مستوى كوارتر والكوارتر 10 اسابيع وبين الكوارترين اجازات تتراوح من اسبوع الى شهر .
المدرسين الي فيه حبوبين جدا جدا جدا ومحترمين والمعهد صغير كل الي فيه تقريبا 200 طالب .
طبعا انااختبرت وحطوني في مستوى 200 ممكن انا اعطي نفسي 400 لكن انا ابي ابدا من الصفر وغير كذا فيه ناس كثير محوله للمعهد وكانت تدرس بامريكا 7 شهور قي معاهد ثانيه في لوس انجلوس وفي سانتا باربرا وفي اوريقون وحطوهم معي في نفس المستوى يعني دراستهم كانت ولاشي ، واكبر دليل ان المعهد ممتاز جامعة الملك عبدالله ترسل مبتعثينها يدرسون فيه .
طبعا الكل يبي يعرف عدد السعوديين في المعهد ، هم اكثر جنسيه بالاضافه لليابانيين (يعني انا كلاسي فيه 8 سعوديين من اصل 13) بس مااشوف انها مشكله كبيره لان فيه معاهد تكون نسبع السعوديين في الكلاس 100 بالميه والعوائل السعوديه كثير في ديفيس .
طبعا هذي صور المعهد صح انه صغير بس مرتب
[IMG]http://www.m5zn.com/uploads/2011/3/3...2tbn26z0x6.jpg[/IMG]
http://www.m5zn.com/uploads/2011/3/3...lkvreod288.jpg
[IMG]http://www.m5zn.com/uploads/2011/3/3...ca3xh7ve0i.jpg[/IMG]
وهذي صورة وقت المطر المنطقه الي حول المعهد
[IMG]http://www.m5zn.com/uploads/2011/3/3...50web0gpe4.jpg[/IMG]
وهذي عربه تبيع اكل تجي كل يوم وقت بريك الغدا
[IMG]http://www.m5zn.com/uploads/2011/3/3...psifupg6k4.jpg[/IMG]
بالنسبه للسكن الي حاب انه يسكن مع عائله يتواصل مع المعهد ويشوف له عائله اما الشقق فهي متوفره لكن ماعندي خلفيه كبيره عنها ونصيحتي للي حاب يسكن مع عائله يقدم عليهم من بدري (انا ساكن مع عائله) اسعارهم في حدود الـ 750 مع الاكل اما الشقق تتراوح بين الـ 600 الى 1400 .
بالنسبه للجو الان احنا في الربيع وحرر الجو صراحه بالنهار و بالليل جميل الجو بس اذا جا الشتا ترا بردهم شين يعني زي جو الرياض تقريبا لكن تكثر عندهم الامطار واذا جا المطر مايوقف الا بكره . لكن انتم بتجون في شهر 6 يعني راح يكون الجو زي السعوديه حر .
في الأخير اعتذر لكم عن التقصير فان اصبت فهو من الله وان اخطئت فهو مني ويااخوان اناحاضر لاي استفسار وعلى فكره في تقرير راح ينزل بالتفصيل في الفيس بوك مسوينه شباب يدرسون في ديفيس بس يبيله وقت .
اخ محمد الشكر ما يوفيك حقك اخي الكريم ما قصرت والله وعلى فكره انت مبدع تصويرك رائع جدا جدا جدا حسستني اني وسط المدينه والله
ادري ان اسآلتنا واجد لكن تحملنا يخووك بالنسبه للعائله شلون سكنت معهم عن طريق المعهد ولا انت بنفسك دورت لك ..
شاكر لك من الاعماق يا اخ محمد ..
والله يااخ عبدالملك اعتذر عن التقصير وصراحه مااستاهل كل هالمدح والاطراء لاني ماسويت اي شي كلها مجرد معلومات وصور وانا اخوك ، صدقني انا كنت زيكم ابي اي احد يعطيني اي معلومه بس الحمد لله تسهلت اموري بفضل الله
والمنتدى هذا فادني كثيييييير انصحكم تقرون كل شي يخص امريكا والابتعاث لانكم راح تحتاجونها
اما بالنسبه للعائله ترسل ايميل للمختصه بشؤون السكن بالمعهد وحده حبووبه مره اسمها شانون انا اعرفها شخصيا لانها ساكنه جنب الهوم ستي حقي بس انت ارسل لها ايميل عشان تكون بطريقه رسميه وهذا ايميل القسم المختص بالسكن مع العوائل info@wiseuniversityhomestay.com
تقدر ترسل لها ايميل بس اذا تاكدت امورك ، راح ترسل لك اوراق تعبيها ولازم يكون معك فيزا او ماستر كارد لانهم ياخذون منك 325 دولار اول مره بسبب انهم راح يجيبون لك عائله
والعائله تاخذ شهريا من 700 الى 780 على حسب اذاكنت تبي اكل ولا لا
اتمنى اكون افدتك واذا فيه استفسارات ثانيه حاضرين
ما شاء الله ،، يعطييكم العافية ربي على التقرير الجميل ،، صرت اتخيل اشياء حلوة خخخ
وادعولي ربنا ييسر اموري ،،