السلام عليكم ورحمة الله وبركاته
انا مقابلتي مع السفارة بكرة
ياليت احد يساعدني ويقولي ايش الاوراق الي لازم اخذها معايه للسفارة؟
وشكراً..........
عرض للطباعة
السلام عليكم ورحمة الله وبركاته
انا مقابلتي مع السفارة بكرة
ياليت احد يساعدني ويقولي ايش الاوراق الي لازم اخذها معايه للسفارة؟
وشكراً..........
١- الجواز صالح لمدة ستة اشهر+الجواز القديمة ان وجد
٢اي توني(قبول اللغة وقبول الجامعة ان وجد)
٣- فتوره رسوم التأشيره من بنك سامبا
٤-فتورة السيفس
٤-ورقة تأكيد الموعد
٥ـصور٥X٥
٦-بطاقة الملتقى سمعت انهم يطلبونها
٧-شهادة بنكية اوالضمان المالي لكن الي تبع البعث ما يحتاج
٨شهادة الثانوية للبكالوريس او وثيقة التخرج للماستر مع السجل الاكاديمي
٩ـنموذج DS-160
يفضل اخذ من جميع الاوراق نسخ احتياطة
ولان السفارة تاخذ بعض الاوراق فاعطيهم النسخة وخلي الاصل معك
وعلى اساس اللمحقية ترجعلك الفلوووس لفواتير التاشيرة والسيفس.....
تحياتي
الحضور لسفارة قبل نص ساعة
وعليكم السلام
أول شيء تعال مبكر
الأوراق المطلوبة عند البوابة قبل دخول السفارة ( أصل الجواز ، ورقة تأكيد DS-160 ، ورقة تأكيد الموعد ، ورقة سامبا الأصل )
وبعد ذلك ياخذون الأغراض اللي معك من جوال ومفاتيح سيارة ويحطونه في ظرف وبعد كذا تدخل للتفتيش نفس جهاز المطار وياخذون الظرف اللي فيه أغراضك ويعطونك كرت صغير فيه رقم أنتبه تضيعه
وبعد ذلك تدخل السفارة أول ماتدخل تجد قدامك مكتب يأخذ الجواز وورقة التأكيد والأوراق اللي ذكرتها سابقاً حطها كلها في الجواز ويضع على الجواز من الخارج ملصق فيه الباركود اللي هو رقم DS-160 ويعطونك رقم عشان السرا
وبعد ذلك تدخل إلى صاله تنتظر لين ينادون رقمك إذا نادو رقمك تروح للكاونتر طبعاً جميع الأوراق اللي كانت في الجواز تعطيهم وبيسألونك أنت ليش رايح تقول دراسه يقولون لك وين I-20 إذا وصلك عطهم صورة لا تعطيهم الأصل ووقع عليها اللي في الصفحه الأولى وبعد كذا ياخذون البصمات وبعدين يقولون لك رح أسترح لين ينادون رقمك اللي أخذتها قبل عشان تسوي مقابله مع القنصل طبعاً المقابله فيه سماعه تكلمه عن طريق السماعه تعطيه الأوراق اللي في الجواز بالإضافة إلى I-20 حطها مع الجواز بيسألك أسئلة جاوب بصدق لاتلف ولا تدور وكل كلمه رد غطاها ولا تتفلسف عشان ماتفتح على نفسك أسئله أنت غنى عنها وإن الله كتبلك أراد بيقولون لك الفيزه مقبوله تصدر بعد كذا أسبوع وبعدين يقولون لك روح الفيدكس تروح الفيدكس ويعطيك ورقه تعبي أسمك ورقم جوالك ووين تبي تستلم الجواز وتدفع الفلوس وياخون منك ورقة التأكيد حقت DS-160
هذا اللي صار معي وبالتوفيق لك
نصيحه لك خذ كل الأوراق اللي في تخطر في باللك من توصيات من سجل أكاديمي(كشف الدرجات إذا كنت جامعي) شهاده التخرج شهاده دورات خذها كلها أحتياط أنا أخذتها معي للأحتياط ولا سألوني عنها أيه نسيت أقولك لا تنسى تاخذ صورة من بطاقة الملتقى هم يبغون الرقم بس ولا تنسى تأخذ معك صور الشخصيه 5X5
صحيح أن كثرت كلام بس إنشاء الله تستفيد منها ويستفيد غيرك وشكلي أبنزل موضوع عشان العالم تستفيد
دعواتكم..
مشكورين انشاء الله في ميزان حسناتكم