الأعضاء الإشتراك و التسجيل

الملتقيات
ADs

قصة إحســاس وميــما من المقابلة للتزاكر للـفـايـدة والتـسلـيـة <<صلو عالنبي يا حبايب

قصة إحســاس وميــما من المقابلة للتزاكر للـفـايـدة والتـسلـيـة <<صلو عالنبي يا حبايب


NOTICE

تنبيه: هذا الموضوع قديم. تم طرحه قبل 2519 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية إحساس طفلة
    إحساس طفلة

    مبتعث مبدع Amazing Member

    إحساس طفلة الولايات المتحدة الأمريكية

    إحساس طفلة , أنثى. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى اللغة العربية , بجامعة طيبة
    • طيبة
    • اللغة العربية
    • أنثى
    • المدينة المنورة, السعودية
    • السعودية
    • Aug 2010
    المزيدl

    January 25th, 2011, 03:19 AM

    بسم الله الرحمن الرحيم
    السلام عليكم ورحمة الله وبركاته

    يالله يا حبايب جلسة صحية والكل يسمع

    كان يا مكان
    في يوم الأحد 16/1/2011 الساعة 5 الفجر خرجنا من البيت وتوجهنا للمطار وبعدها اقلعت الطيارة الساعة 7 الصباح
    عيوننا تعبت من وإحنا ندور رقم المقعد << بنوريكم إنه أول مرا ندخل طيارة

    وأخيرا جلسنا وروقنا شويتين كدا وجاء الفطور
    بس ما فطرنا كويس لأننا جلسنا نهرج ونضحك ولما فكرنا في الفطور جاتنا المضيفة وأخدتو مننا << ما اتهنينا فيه

    وصلنا الحمدولله بالسلامة لمطار الرياض

    دورنا على سيارة تودينا من المطار للسفارة ولقينا شايب روحنا معاه للمواقف

    ركبنا السيارة وحركنا بسم الله مع الشايب ياناسو عليه يزنن وهرجته ما ينمل منها

    دحينت وصلنا لحي السفارات وشفنا كل السفارات وي وي واتوجهنا لساحة الكندي

    واكلنا الحمدولله من بعد ما حرمتنا المضيفة من فطور الطيارة

    لفلفلنا في الساحة طبعا

    وشربنا قهوة فرنسية بالحليب وكانت طعمة بالمرا

    وفجأة حصل مالم يكن في الحسبان بابا سألنا عن ورقة الموعد ولما ورينالو هيا لقيناها حقت الوعد القديم وياعيني الوقت كان صلاة وقعدنا على أعصابنا لحدت ما فتح مركز خدمات السفارة

    بعدينت سوينا الورقة واتوكلنا على الله ورحنا للسفارة

    يا لله هدووووووووووووووء دخلنا في الجد
    السفارة
    كان زحمة عند الباب واتهجولنا في الشمس ولما وصل دورنا عند الشباك طلبت الفلبينية ورقة الموعدوايصال سامبا والجواز والأبلكيشن شيكت على الموعد ورجعت الأوراق وسط الجواز وسألتنا عن الجوالات وسلمناها للشباك التاني وحطها في ظرف واعطانا رقم ودخلنا بدون بابا وميما جلست تبكي وتقول ابغى بابا واتونسو عليها الهنود اللي عند الباب الموهم اخدو شنطنا ونزلنا الجزم (اكرمكم الله) والأردنية فتشت ميما << شكت فيها
    أما إحساس نفدت من يد الاردنية بسلام وبعدها
    جاء بابا وتوجهنا للمبنى ولقينا قدامنا وحدة اردنية تانية واخدت الجواز وحطت عليه استكر برقم الابلكيشن واعطانا الأمريكي رقم 156 واتوجهنا لصالة الأنتظار وبعدينت جاء دورنا عند الفلبينية اخدت الأوراق والبصمات وسألت رحتو امريكا قبل كدا ورجعنا نستنى دورنا
    المقابلة في شباك 11 عند رجال امريكي اخد مننا ايصال سامبا والجواز والأي توني والبصمات وطلب بطاقة الملتقى وبعدينت رجعها هيا الآي توني
    وبابا اخد السماعة وسألو عربي ولا انجليزي
    وبدأت الأسئلة لبابا
    عمرك سافرت امريكا
    ايش الولاية اللي رايحها
    فين سافرت قبل كدا
    كم عدد ابناءك
    اين تعمل وكم مدة عملك
    كم سنة ليك متزوج
    وقال لبابا فيزتك سياحية وبدأ يشرحلو قانون الهجرة بالنسبة لفيزتو
    وجاء دور إحساس << ياناسو عليا
    هل زرتي امريكا قبل كدا
    فين سافرتي قبل كدا
    ايش الولاية اللي رايحتيها
    شو المدينة برضو
    ايش تخصصك في البكالوريوس
    من أي جامعة اتخرجتي
    شو راح تكملي في الماستر
    وجاء دور ميما << يا حياتي على ميما بث
    اول ما قال مساء الخير << دوخت هههههههه
    نفس اسألة إحساس
    هل زرتي امريكا قبل كدا
    فين سافرتي
    من فين
    ثانويتك اللي اتخرجتي منها خاصة ولا حكومية
    ايش رايحة تدرسي
    وبعدينت طالع فيا وقال متزوجة << أعجب فيا
    وبعدينت طالع في إحساس وقلها متزوجة
    وقلنا تأشيرتكم مقبولة روحو الفيديكس
    الفلبيني اعطانا ورقة (اسم بابا_المدينة_رقم الجوال_التوقيع) طبعا اضاربت ميما وبابا عالظرف وفي النهاية مشي كلام بابا وحطيناه في ظرف واحد كولنا وخرجنا من السفارة الحمدولله
    ورجعنا لساحة الكندي ورجعنا للفلفة وصادفنا في الحواري سفارة فنزويلا واتصورنا مع وحدة فنزويلية << ماراح اوريكم صورنا ههههههههه
    وبعدينت ركبنا السيارة ورحنا للمطار
    دخلنا المطار ولفلفنا تاني << يا حبنا للفلفة

    واخيرا طلعنا الطيارة مرا تاني وشويتين جاء العشاء
    وطبعا المره دي اتعشينا عشان لا يصير فينا زي ما صار في الفطور

    ووصلنا المدينة الحمدلله 8 المغرب

    الفيزا
    وفي يوم الخميس 20/1/2011 الساعة 5 العصر جاتنا رسالة من بابا يقول اترفضت الفيزا ولا اقولكم على حالة الإنهيار اللي صابتنا وبكااااااااااء ودموووووع << إحساس تنقز وميما طاحت على الأرض واعطانا الجوزات من جيبو وعليها الفيزا وربي صدمة قوية واللي قهرنا إنه كان يضحك علينا
    الوزراة والطيار

    ويوم الإتنين24/1/2011 الصباح بابا طلع الرياض وراح عالوزراة
    وطلبو لإصدار الإبتعاث:
    1/ استمارة قرار الأبتعاث
    2/صورة من الفيزا
    3/صورة من الجواز
    4/صورة من بطاقة الملتقى
    5/صورة من بطاقة الأحوال
    6/صورة كرت العائلة
    7/صورة الوثيقة وكشف الدرجات<< دراسات عليا
    8/صورة شهادة الثانوية وشهادة حسن السيرة والسلوك والسند اللي اعطوكم هوا في التدقيق عشان تسترجعو شهادة الثانوية << البكالوريوس
    9/صورة الآي توني
    وما طلبو من بابا لإصدرا قرار الإركاب إلا صورة من قرار الإبتعاث بس
    والحمدولله الأمور كانت سهالة نص ساعة وخلص كل أمورنا
    حجز التذاكر يوم الأحد 6/3/2011 الساعة 1وربع من المدينة لجدة
    ومن جدة لواشنطن الساعة 9وربع
    نبغى ناسات معانا
    وعقباااااااااااااااااالكم يا حبايب

    خلصت الحتوتة حلوة ولا فتفوتة

    إحساس طفلة
    ميما
  2. هههههههههههههههههههههههههههههههااااي يا عيني على احساااااااااااس ... خطيييييييييرة جداااا..صراااحة لا تعليق..
    بس احلى حاااجا ساااعة الشاااايب تزنن ياناسووووووووو عليهااااا
    تقبلي مروري ي سيتي وعقبااال تقرير السفر...
    7 "
  3. وفي يوم الخميس 20/1/2011 الساعة 5 العصر جاتنا رسالة من بابا يقول اترفضت الفيزا ولا اقولكم على حالة الإنهيار اللي صابتنا وبكااااااااااء ودموووووع << إحساس تنقز وميما طاحت على الأرض واعطانا الجوزات من جيبو وعليها الفيزا وربي صدمة قوية واللي قهرنا إنه كان يضحك علينا


    ههههههههههه ،، نفس موقفي مع بابا

    لما جا طبعا الجواز في جيبه ويقول لي ماش ترا السفارة رفضت فيزتي !
    انا << !!!!!!!!!!! ليه وش !! ليه رفضو
    بعدين جلس يضحك علي
    بس ماطول السالفة ،،انتم شكلكم بكيتو صدق ههههههههههه

    وعلى البركة تخليص الاجراءات رحلة موفقة ان شاء الله
    7 "
  4. المشاركة الأصلية كتبت بواسطة dr.sa3mi
    هههههههههههههههههههههههههههههههااااي يا عيني على احساااااااااااس ... خطيييييييييرة جداااا..صراااحة لا تعليق..
    بس احلى حاااجا ساااعة الشاااايب تزنن ياناسووووووووو عليهااااا
    تقبلي مروري ي سيتي وعقبااال تقرير السفر...

    هههههههههههههههههههههههاي تسلم
    أكيييييييييييد خطيرة << مغرورة
    يؤ الساعة دي حقت بابا وقتها كنا بنتغدى
    اسعدني مرورك
    اللهم آميييييييييين
    7 "
  5. المشاركة الأصلية كتبت بواسطة منعطف خطير
    ربي يسعدك ذكرتني بخرجاتي وياه ابوي كنت ازعجه بالطيران ازعاج كل شوي ادور عذر حتى اشوفه ليت الايام تعود

    وارجع مثل زمان ماافارق حضن ابوي وربي يشافيه

    بالتوفيق ياقمر
    ويسعدك حبيبتي
    تعيشي وتتزكري يا ستي
    الله يجمعك ببابتك يارب
    ربي يرجعلك هوا بالسلامة
    اللهم آميييييييييين
    اسعدني مرورك

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.