موعدي في القنصلية الاربعاء وعندي مشكله في الطلب !!!

السلام عليكم ..

عندي موعد الاربعاء مع الوالد .. انا كنت اظن ان موقع المواعيد فيه تعديل للبيانات بس شكله اذا قرب الموعد ماعاد يصير فيه تعديل ..

فالمشكله اني ماطبعت الطلب حق الوالد وغير كذا الطلب الي حطيت رقمه ماكان فيه صوره يعني طلب غير مكتمل ..

وسويت له طلب جديد بصوره وتمام و طبعت تاكيده بس طبعا ماعاد في مجال اعدل في بيانات الوالد واحط رقم الطلب الجديد بموقع المواعيد ..

فايش الحل ..؟؟؟

هل لورحنا الموعد بياخذون تاكيد الطلب الجديد ورقمه حتى لو هو غير الموجود في الموقع والا بيرفضون الموضوع ...؟؟؟


بليز الي عنده فكره عن الموضوع يفيدني .. قفلت بوجهي مررره :( يكفي اني بسوي المقابله بدون I-20 :wallbash:

وشكراااا

حبيبتي حاولي تأجلين موعدك اسبوع على الاقل
وغيري وعدلي على راحتك
لانك لو غيرتي الموعد بتقدرين تعدلين
وماراح تقدرين تروحين بطلب ناقص
لانهم لازم يطابقون النسخه اللي عندك بالي بالجهاز عندهم
بس حلك الوحيد انك تأجلين موعد السفاره وساعتها بتقدرين تعدلين
اتمنى اني افدتك والله يسهل دربك يارب

اللي تشوف الموعد اللي على الشباك الخارجي عادي بس تشوف يوم الموعد والساعه

وبعدين لما تدخلي اعطيهم الd160 الجديد وبس ترى الموضوع سهل

وأنا صار لي نفس المشكله وطلعت الامور سهله مره ,,,

اقتباس:

---

المشاركة الأصلية كتبت بواسطة ايمون

حبيبتي حاولي تأجلين موعدك اسبوع على الاقل
وغيري وعدلي على راحتك
لانك لو غيرتي الموعد بتقدرين تعدلين
وماراح تقدرين تروحين بطلب ناقص
لانهم لازم يطابقون النسخه اللي عندك بالي بالجهاز عندهم
بس حلك الوحيد انك تأجلين موعد السفاره وساعتها بتقدرين تعدلين
اتمنى اني افدتك والله يسهل دربك يارب

---

عزيزتي مثل ماقلت .. موقع المواعيد ماعاد يسمح لي اعدل لانه بكره موعدي :( وانا ماكنت ادري عن هالشي ..
فكرت اطنش الموعد واسوي واحد جديد بس مابي ادخل في متاهات ..

بروح والله ييسر ان شاء الله الي فيه الخير ..

شكرا لمرورك ..

اقتباس:

---

المشاركة الأصلية كتبت بواسطة um nawaf

اللي تشوف الموعد اللي على الشباك الخارجي عادي بس تشوف يوم الموعد والساعه

وبعدين لما تدخلي اعطيهم الd160 الجديد وبس ترى الموضوع سهل

وأنا صار لي نفس المشكله وطلعت الامور سهله مره ,,,

---

الله يبشرك بالخير عزيزتي ماقصرتي ..
مره شجعتيني .. ان شاءلله تتسهل الامور ..

تحياتي ..

الله ييسر امورك ان شاء الله

اقتباس:

---

المشاركة الأصلية كتبت بواسطة obaid28

الله ييسر امورك ان شاء الله

---

اميـــــــــن .. ويسر امورك اخوي ان شاءلله ..

السلام عليكم ..

اخواني حبيت افيدكم اني رحت موعدي في القنصلية .. والامور سهله الحمدالله ..
قالو مافي مشكله بس عطيني الطلب الجديد + صفحة تأكيدة .. مو شرط يكون هو الي بصفحة الموعد الحمدالله تيسرت ..

بس المشكله اني اكتشفت خطا في سؤال في طلب مرافقي بالغلط جاوبت على سؤال لا وهو نعم :(:(:( ان شاءلله مايكون مشكله يارب .. يفترض انه شي بسيط ..

والله ييسر اموري واموركم جميع ..