الفزعه بخصوص تقديم موعد للمقابلة
مساكم الله بالخير واخيرا احضر مكتب تجسير قبول زوجتي بس للاسف ماجبو قبولي وعطوني مخرج قالو مو شرط يجي معه بنفس اليوم يعني بعد كم يوم ومالي الا الصبر المهم عندي سوال بسيط
لما جيت اقدم موعد يقولي هل حصلت على الاي توني ومكتوب خيارين واحد نعم او لا المهم بكتب ايه بس المشكله انا مابعد حصلته اللي محصلته زوجتي وش رايكم وش اسوي حتى نفس السوال للسيفس هل سددت لازم اكتب نعم لان زوجتي سددته بس انا لا
رد: الفزعه بخصوص تقديم موعد للمقابلة
إذا أنت المبتعث الأساسي وفيزتك F1 وزوجتك المرافقة وفيزتها F2
فأجرائك لحد الآن صحيح ولكن المفترض إنك ما تسدد السفيس
وهناك صفحة خاصة لتعبي معلومات عن زوجتك
شكرا
رد: الفزعه بخصوص تقديم موعد للمقابلة
رد: الفزعه بخصوص تقديم موعد للمقابلة
زوجتي هي المبتعثه الاساسيه وانا مرافق بس اني ابي قبول يعني مثلها بالضبط نفس الفيزه بس تقديم الموعد لها وانا مرافق
رد: الفزعه بخصوص تقديم موعد للمقابلة
بصراحه مو فاهمه , لكن ربي يسهل لكم
لاتقلق ان شاءالله سهاله , مع انا لسى ماوصل قبولي يعني مالي خبره
لكن لما تجي تقدم موعد زوجتك حط نعم عند التسديد ونعم عند الاي توني
وبالنسبه لموعدك حط لا
رد: الفزعه بخصوص تقديم موعد للمقابلة
ابي ابسطها شوي انا مابعد وصل قبولي وزوجتي وصل قبولها وسددت لها السيفس
وعلى اساس كذا في طلب الموعد اسجل لها نعم حصلت على الاي توني وسددت السيفس هل فيه خيار خاص بي يسالني عن عمليه التسديد الخاص بي والا لا
رد: الفزعه بخصوص تقديم موعد للمقابلة
رد: الفزعه بخصوص تقديم موعد للمقابلة
ألآن المبتعث الأساسي هي زوجتك
تحجز الموعد باسم زوجتك وتكتب كل المعلومات المتعلق بها ثم سوف تأتيك صحفة عن اضافة ابن الأسرة أضف اسمك وكتب معلوماتك ثم إذا ذهبت إلى الموعد مش ضروري تكون I-20 معاك ، إذا قابلت القنصل الأمريكي قل له :أن I-20 سوف يأتي عن قريب
إذا جاك I-20 ابعث الصورة على بريد الفديكس وسدد رسوم ذهاب وعودة وانتظر كم أسبوع وسوف تأتيك الفيزا
وبس ترى الأمر سهل كنت مثلك مهول الأمور لكن الوضع سهالات صدقني س هـ ل ا ت
رد: الفزعه بخصوص تقديم موعد للمقابلة
نسيت أقولك
ترى في كتاب اكتروني انصحك تقراه
ارفقته