موعد السفارة سؤال صغير مررررررة

السلام عليكم ............. كيف الحال

مابي اطول عليكم

كنت بسأل انا موعد السفارة حقتي يوم السبت الجاي الساعة تسعة ونص ادعولي بالتوفيق

بس الطلبات اللي طالبينها آخذ الصور ولا الاصل ياريت تساعدوني

انا عندي بورقة تأكيد الموعد نوع التأشيرة اكاديمي جامعي آخر كذا زيكم ولا لأ

انا بكالوريوس علوم صحية وعبيت الابلكيشن واخذت موعد قبل مايجيني القبول والحين جاني القبول الحمدالله

فياريت تقولولي وضعي سليم ولا لأ طمنوني ويعطيكم الف الف عافية عشان اروح السفارة وانا مرتاح البااااااااااال

وهل اقدر احجز موعد التذاكر قبل ماتطلعلي الفيزا

والسلام خير ختام

وعليكم السلام
هلا يالغالي أنا بقولك أيش صار معي في السفارة بالرياض

أول شيء تعالوا مبكرين
الأوراق المطلوبة عند البوابة قبل دخول السفارة ( أصل الجواز ، ورقة تأكيد DS-160 ، ورقة تأكيد الموعد ، ورقة سامبا الأصل )
وبعد ذلك ياخذون الأغراض اللي معك من جوال ومفاتيح سيارة ويحطونه في ظرف وبعد كذا تدخل للتفتيش نفس جهاز المطار وياخذون الظرف اللي فيه أغراضك ويعطونك كرت صغير فيه رقم أنتبه تضيعه عشان بعدين إذا طلعت من السفار تأخذ أغراضك

وبعد ذلك تدخل السفارة قبل ماتدخل أنتبهوا ترى فيه باب ثقيل شكله خطر أنتبه تحط يدك في حافة الباب، أول ماتدخلون تجدون قدامكم مكتب يأخذ الجواز وورقة التأكيد والأوراق اللي ذكرتها سابقاً حطها كلها في الجواز ويضع على الجواز من الخارج ملصق فيه الباركود اللي هو رقم DS-160 ويعطونك رقم عشان السرا

وبعد ذلك تدخل إلى صاله تنتظر لين ينادون رقمك إذا نادو رقمك تروح للكاونتر طبعاً جميع الأوراق اللي كانت في الجواز تعطيهم وبيسألونك أنت ليش رايح تقول دراسه يقولون لك وين I-20 إذا وصلك عطهم صورة لا تعطيهم الأصل ووقع عليها اللي في الصفحه الأولى وبعد كذا ياخذون البصمات وبعدين يقولون لك رح أسترح لين ينادون رقمك اللي أخذتها قبل عشان تسوي مقابله مع القنصل طبعاً المقابله فيه سماعه تكلمه عن طريق السماعه تعطيه الأوراق اللي في الجواز بالإضافة إلى I-20 حطها مع الجواز بيسألك أسئلة جاوب بصدق لاتلف ولا تدور وكل كلمه رد غطاها ولا تتفلسف عشان ماتفتح على نفسك أسئله أنت غنى عنها وإن الله كتبلك بيقولون لك الفيزه مقبوله تصدر بعد كذا أسبوع وبعدين يقولون لك روح الفيدكس تروح الفيدكس ويعطيك ورقه تعبي أسمك ورقم جوالك ووين تبي تستلم الجواز وتدفع الفلوس وياخون منك ورقة التأكيد حقت DS-160
هذا اللي صار معي وبالتوفيق لكم
نصيحه لكم خذ كل الأوراق اللي تخطر في باللك من توصيات من سجل أكاديمي(كشف الدرجات إذا كنت جامعي) شهاده التخرج شهاده دورات خذها كلها أحتياط أنا أخذتها معي للأحتياط ولا سألوني عنها أيه نسيت أقولك لا تنسى تاخذ صورة من بطاقة الملتقى هم يبغون الرقم بس ولا تنسى تأخذ معك صور الشخصيه 5X5

صحيح أن كثرت كلام بس إنشاء الله تستفيدون منها

أيه وفي شيء ثاني لاتخوون ترى الأمر عادي ولله الحمد


وبخصوص نوع الـتأشيرة أنا مثلك في ورقة التأكيد مكتوب أكاديمي جامعي آخر

أنا ماجستير وبخصوص القبوول عادي إذا جاك اللحين بس أنت قلهم هناك أني حجزت قبل ماجاني القبول وعطهم نسخه من القبول

بخصوص التذاكر ماعندي علم
اتنمى أني أفدتك

دعواتكم..

الف الف شكر اخوي وماقصرت يعطيك العافية وجزاك الله خير على الشرح المفصل والله يكون في عوننا جميع