جدة بتغرق يا عالم

يارب تحفظنا وترحمنا برحمتك
وترجع اخوي للبيت سالم معافى

الحمد لله أنوا رجعنا سالمين كان يومي صعب بس الحمد لله عدت على خير احتجزونا 9 ساعات برا البيت >> وأمي ميتة بكى في البيت
والله صراحة ما كان متوقع تقلب الجو فجأة كذا تحول الجو بس الحمد لله وكمان الدفاع المدني ما قصروا
أنا كنت راجع للبيت أنا وعمي من طريق مكة ووقوفونا وقالوا لنا رحوا يمين وقف السيارة على تلة كبيرة شوي
إلا صادفنا سواق الله يهديه راجع على اتجاه السيل والسيارة قريبة منا عاد عمي ما قصر نزل جاب حبل وربط السيارة بدرفت الباب
وعمي ساق السيارة حقت السواق تخيلوا رجعها برويس وأنا بسيارته إلين ما وصلنا على التلة بعدين جات الدفاع المدني ووشالونا على أقرب شقة ..... والحمد لله عدت على خير أقسم بالله أنا قلت اليوم نهايتي قعدت أستشهد وأدعي بأن يلطف بحالنا

الحمد لله على سلامتكم

و للاسف في حالات ناس محجوزين كثيرة

الله يفرجها عليهم

صور !!!!!!!!!!!!!!!!!!!!!!
قشعر جسمي !!!

حمدالله على السلامة ....

اقسم بالله اني اكتب الرد ومن قهري ابكي على حالنا وحال الناس المسكينة اللي مضغوطة من كل اتجاه

يعني اضرار جسدية وممتلكات شخصية وقروض وقسايم ومافي وظائف ووووووو يعني مضغوطين من كل الاتجاهات فيييييين نروووح

باكستان يعني ...الدائرة الحكومية الوحيدة اللي لها كل الشكر والعرفان هم رجال الدفاع المدني هم المساكين اللي يدفعوا ضريبة الغش والخداع

هم اللي يعرضوا نفسهم للخطر لجل سلامتنا ....شايفين الوضع ...ايش ذنب الابرياء ايش ذنبهم ...حراااااام اللي يصير ذا ....

حقيقة المناظر هذه خلتني اتشجع واحاول اكمل دراستي حتى افيد وطني بأي شي .....واقولها واطولها ماعندنا وطنية كافية ....اللي يبغى الوطنية يشوف اخواننا المصرييين على الرغم من حال الكثيرين منهم الا انهم يحبو وطنهم ويفدوه بأي شي......ااااااااااااااااااااه

حسبي الله ونعم الوكيل .....والمشكلة مو من الامانه بس كل الوزارات ولاتنسو وزارة التعليم العالي .....

الموضوع: نداء عاجل
‫نداء هام وعاجل:

1- نأمُل قراءة النداء كاملاً بما في ذلك الرد الذي يلي النداء.

2- نأمُل من جميع المتطوّعين الراغبين في المساهمة التواجد غداً الخميس 27-01-2011 عند الثانية عشرة ظُهراً بجوار البيك الموجود بقويزة، ستكون المرحلة الأولى مُخصصة فقط لمسح المناطق المتضرّرة وذلك لحصر الأضرار والإحتياجات ليتمّ تقديمها للجهات ذات العلاقة واعتماد خُ...طّة العمل بناءً عليها.

3- نأمُل أولاً التأكّد من حالة الطقس حيث يتوقّع هطول أمطار، وفي حال وجدتم أن الوضع غير آمن فنفضّل عدم التوجّه لنقطة التجمّع.


4-الأولوية لأصحاب السيارات ذات الدفع الرباعي 4*4.

5- سيكون التوجيه والإشراف المبدئي منوطاً بالسيد محمد مدني وهو ذاته مُشرف الموقع في أزمة جدة السابقة.



راح احاول اكووون متواجد لاني من مكة والله يكون بعون الجميع

يا جماعة إلي يبغا يخرج من جدة و يروح لمكة هادا أحسن مخرج و وصف تجو لمكة ولا تروحو المدينة !!!
أهم شي أخرجو يا عالم من جدة !!!
هادي اليومين الجو مو مطمن بالمرة
هادا الوصف والله يسلمكم :
الان روح طريق الملك وانزل ع دوار الكرة الارضية .. واتجه للصالة الملكية .. ومنها تتجه شمال ع طريق المدينة .. ويصير المطار ع يمينك .. تمشي طوول .. اول كبري ابحر .. تتركه .. أول مخرج حق عسفان ومكة المكرمة .. تروح لمخرج عسفان .. وتستمر شرق .. لين يوصلك " الكامل " لين يوصلك طريق مكة المدينة .. وبعد كذا بتشوف اللوحات الارشادية .. وبإذن الله تلاقي نفسك بمكة ..

أنشرو الوصف يا جماعة ترا فيه ناس تبغا تخرج من جدة مو عارفة كيف !!
الله يعينكم يا أهل جدة