بدون أسم / سميه بنفسك ؟؟؟؟!!!!
بسم الله الرحمن الرحيم
السلام عليكم ورحمة الله وبركاته
وبعد ...
صباحكم / مسائكم
قبول وفيزا وقرارأبتعاث وضمان مالي وطيران بعثوي:plane:
ان شاء الله الكل والجميع
من الى
بخير وسعادة وجمال والحياة حلوه بس نفهمها :thumbsup:
أحم أحم رز ولحم ع الفحم :w00tbrows:
بعد المقدمة والطلاسم والفوازير المشكوك في أمرها :laughing:
أسمحو لي بعد أذنكم أدخل في الموضوع مباشرة
بإختصار وبدون مقدمات
بخش دوغري:blink:
لو سمحتم ومن فضلكم واذا تكرمتوا
أريد شخص يساعدني بالنسبة لموعد السفارة وادخال البيانات في الموقع
من خلال ارسال أميله كرسالة خاصة
أتمنى منكم الالتفات الى حالتي البريئة والطفولية المليئة بالشفافية :balloon:
أتمنى الالتفات الى الموضوع وأخذه بجدية وأخذه في عين الاعتبار
والارسال على الخاص
في أقرب وقت ممكن
وفي أسرع فرصة ممكنة
وألحين السؤال اللي يسدح نفسه
مين يتكفل فيني ويتبناني فيزياً ؟! :no2:
شاكر لكم حسن تعاونكم
شاكر ومقدر
شكرا جزيلا
(^_^)
رد: بدون أسم / سميه بنفسك ؟؟؟؟!!!!
انا اعرف اللي يتكفل في هم الوزاره الموقره ^_^
واخوي في مواضيع مليانه بالصور شرح تبعئة ابليكشن السفاره
رد: بدون أسم / سميه بنفسك ؟؟؟؟!!!!
أول شيء تعبين أبلكيشن DS160 اللي موقع السفارة الأمريكية
ثاني شيء تحجز موعد عن طريق موقع السفارة الأمريكية وقيمة الرسوم للحجز 45 ريال، وطبعاً هذي يحتاج لها فيزة كارد أو ماستر كارد وإذا ماعندك مالك إلى تطلع من أحد البنوك أنا عن نفسي طلعت من بنك الراجحي فيزة تسويق (الفيزة تنشحن) ومايحتاج أن تكون موظف أو يكوون عندك راتبك أهم شيء يكون عندك حساب في الراجحي وتطلع في اليوم نفسه ورسومها 100 ريال في السنه.
ثالث شيء تسدد رسوم التأشيرة عن طريق فرع سامبا بالمملكة وقيمة الرسوم 532 ريال.
رابع شيء تسدد رسوم السيفس عن طريق موقع السيفس ولازم يكون عندك فيزا كارد أو ماستر كارد وقيمة الرسوم 200 دولار مايعادل 750 ريال تقريباً.
وشوفي هذا الرابط يشرح لك جميع الطرق اللي ذكرتها أنا وكمان يشرحلك طريقه الحجز عن طريق الموقع
.: دليلـك إلى الفيزا الأمريكية * من الألف إلى الياء * :.
بالتوفيق لك
دعواتكم..
رد: بدون أسم / سميه بنفسك ؟؟؟؟!!!!
رد: بدون أسم / سميه بنفسك ؟؟؟؟!!!!
1/ يمدي أي واحد تعرفه يطلعها من بنك الراجحي أسمها فيزة تسوق ويمدي أي واحد يسدد عن طريق موقع السفارة وموقع السيفس موشرط تكون فيزة تسوق بأسمك.
2/ايه نعم التسديد عن طريق بطاقة فيزة تسوق .
3/البطاقة اللي في بنك الأهلي مماثله لبنك الراجحي بس أهم شيء تقول البطاقة اللي تنشحن أنا عن نفسي يالغالي أول شيء رحت لبنك الأهلي عشان أبي أطلع البطاقة وبعدين قالي الرسوم 100 ريال في السنه قلت مو مشكلة وبعدين قال عندك صندوق بريد قلت عند الوالد بس قلت له أن البريد خاص للوالد فقط (أي البريد أفراد) وقال لي أجل يبغالك أن نرسل البطاقة عن طريق DHL قلت أوكي قال الرسوم 100 ريال حقت الشحن عن طريق DHL قلت له أبجي أستلمها عن طريق البنك قال مايصلح قلت خلاص هونا ماعاد نبي البطاقة وبعدين رحت الراجحي ولله الحمد خذيت البطاقة في نفس اليوم مع العلم أن الراجحي ماأدانيه بس الحمد لله صار أجدع من الأهلي.شوف ياخووي ترى فيه بنوك غير اللي أنا ذكرتهم على ماأعتقد تطلع نفس البطاقة يعني تنشحن.
4/ شوف إذا انت طلعت البطاقة تلقى في البطاقة في الزاوية في الأسفل شعار أما فيزا أو ماستر كارد أما بالنسبة لبطاقة تسوق الراجحي فهي فيزا.
هذي صور لشعار فيزاhttp://www.mbt3th.us/vb/imgcache/119531.png
وهذي صورة لشعار ماستر كارد http://www.mbt3th.us/vb/imgcache/119532.png
اتمنى أني أفدتك بالتوفيق لك أي سؤال إنشاء الله مانقصر
دعواتكم..
رد: بدون أسم / سميه بنفسك ؟؟؟؟!!!!
اقتباس:
المشاركة الأصلية كتبت بواسطة Ď ř . ĤǕ$$OoOЙ
أسمحو لي بعد أذنكم أدخل في الموضوع مباشرة
بإختصار وبدون مقدمات
بخش دوغري:blink:
ههههههه
بعد ثمانية اسطر مقدمة تجي تقول بادخل في الموضوع بدون مقدمات؟!
عجبي <-------- هذي الكلمة ما اطيقها
بس الله يرضى عليك حط عنوان للموضوع عشان يسهل على الآخرين البحث عن موضوع مثل موضوعك وما يملون المنتدى علينا باستفسارات متكررة مثل موضوعك اللي انا شفته تكرر اكثر من مرة في اكثر من موضوع
بس ما عندنا ثقافة اخدم نفسكم بنفسك او ثقافة اعتمد على نفسك
وفق الله الجميع
رد: بدون أسم / سميه بنفسك ؟؟؟؟!!!!
بالتوفيق يا قلبو ... أحسك مررررررررررررررررررررررررررررررررررررررررره كيوت >>> خخخخخخخخخ
هع هع هع ...