عرض للطباعة
السلام عليكم ورحمة الله وبركاته
صباحكم فل وياسمين
بكره حبايبي موعد مقابلتي مع السفاره الأمريكيه
وإن شاء الله مجهز كل شئ
بس عندي إستفسار بسيط أتمنى من لديه خبر بأن لا يبخل علي وله مني جزيل الدعاء
أنا من سكان الخرج وبصراحه ما أعرف مكان السفاره بالضبط قريت من النت أنه من مخرج 13
بس اللي أعرف ان مخرج 13 في أ و ب إذا ما كنت غلطان
فياليت أحد لا يبخل علي بالوصف بأقرب فرصه لأن مقابلتي على الساعه 8
ونبغى دعواتكم،،،
ولكم مني جزيل الشكر والعرفان
وعليكم السلام ورحمة الله وبركاته
صباح النور
(( انا من خارج الرياض لكن حبيت ارد يمكن لقافه :) ))
لما تجي لمخرج 13 فيه واحد للدمام و واحد لمكة اتبعوا اللي لمكة يعني اللي يتجه الغرب ما اعرف أ أو ب لكن المهم مكه :)
امسكوا الطريق لكن روحوا بدري لأنه مرررررررررررررررررررررره زحمه لين تجيكم لوحة ارشادية حي السفارات على اليمين
واصلوا مع اللوحات الين توصلوا ان شاء الله
الله يوفقكم ويسهلها عليكم
وبالنسبة للسفارة بالرياض فانهم مررررره كويسين والمقابلة ان شاء الله ما فيها تعقيد
لا تتوترون ولا شي كل شي ان شاء الله يتم كما تحبون
تحياتي
شيك على هالموضوع
http://www.mbt3th.us/vb/forum16/thread160807.html
فيه موقع اسمه wikimapia
هذا يشارك فيه كل مستخدم انترنت ليوضح معالم مدينته وآراءه عن المحل او المطعم وغيرها من التعليقات
المهم اكتب في قوقل اسم الموقع وثم مسافة ثم اكتب المكان اللي تبي تروح له وراح يبين لك حي السفارات وممكن تكتب السفارة الامريكية ويوضحها لك
وهذا الرابط للسفارة من نفس الموقع السابق (بس انا ماشي مع المثل لاتعطني سمكة بل علمني كيف اصيد، عشان مو بكرة القاك بالمنتدى تسأل وين وصف وزارة التعليم العالي بحي الغدير :) )
Click here
(على قولة اخوي :كل شيء بالانترنت )
وفق الله الجميع