عرض للطباعة
السلام عليكم ورحمة الله وبركاته
مقابلتي يوم الاثنين ان شاء الله .. أبغا أعرف كيف طريقة الاسئله في المقابله ؟؟ هل يحتاج اني أحفظ تواريخ شي مثلا تاريخ تخرجي من الجامعه ، الثانوي ..الخ ؟؟
كم مدة المقابله أكثر من 5 دقايق مثلا ؟؟
وأي معلومه اتخص وقت المقابله لاتبخلو علينا فيها .. ..
مشكوريييين
الموضوع ابسط من ما تتصوري
انا سويت المقابلة وبحاول اختصرها لكي
اول شئ يفتشوكي عند البوابة بعدين تمشي الى مبنى ثاني
المبنى الثاني عبارة عن كراسي انتظار و امامك 7-8 شبابيك داخلها الموظفين
اول ماتخشي يعطوكي رقم تنتظري الين مايجي دورك
اذا جادورك تعطيهم الاوراق المطلوبة ويخلوكي تبصمي ويقلك انتظري الين ينادوا باسمك لاجراء المقابلة
والمقابلة تكون وانتي واقفة بينك وبينة قزاز ترفعي السماعة ويبدا يسالك انا بقول ايش سالني
قالي:
س/ ليش مسافر امريكا ؟
انا/ للدراسة؟
س/قد سافرت خارج السعودية؟
انا/ نعم ....و....و....
س/ تعرف احد في امريكا قريبك او صاحبك؟
انا/ لا
س/ مين متكفل بدراستك؟
انا/ وزارة التعليم
طلب مني الثبات اعطيتة بطاقة الملتقئ شافها ورجعها ليى وقال من اسبوع الى اسبوعين توصلك الفيزا
واعطاني كرت فيدكس ورحت لمكتب فيدكس في نفس المبنى واعطيتة الكرت واخترت اقرب فرع فيدكس تجيني فيه الفيزا
وبس هذا كل الي صار لي
***ملاحظة: الكلام هذا صارلي في قنصلية (جدة)
مشكور اخوي ,,
ان شاء الله اتكون مقابلتي سهله زيك ,,
بس سؤال هل المقابله تكون بالانجليزي ؟؟
هل يجب على المرافق او المبتعث الالتزام بالزي السعودي والا عادي يلبس بنطلون ؟؟؟
سمعت ان فيه مبلغ تاخده معاك عشان الفيزا ؟ كم احتاج ؟؟؟
مشكوووور
تراى المقابله سهلة جدا جدااقتباس:
المشاركة الأصلية كتبت بواسطة oam
بالتوفيق
على حسب الي بيقابلك بس تقدرين تطلبين مترجماقتباس:
المشاركة الأصلية كتبت بواسطة oam
انا كنت في قنصلية الظهران كان يسالني بالانجليزي ويسالني بالعربي
الالتزام بالزي السعودي افضل لانه يمثل احترام للاعادات والتقاليد
المبلغ على حسب وين ساكنه اذا كنتي من سكان نفس المدينه اذكر انه 65 ريال
واذا كنتي من مدينه ثانيه 125 ريال ف الافضل اخذي معك 300 ريال راح تكون مناسبه
علشان اذا طلبو منك ضرفين واذا كنتي محتاجه تاخذين لك شي ( كافي ماي كروسان وهيك )
بالنسبه للاسئه ووقت المقابله
تختلف على حسب من راح يقابلك
بس هي سهله ولا تخافين منها
اذكر الاسئله الي جاتني كانت
1- اول مره تسافر امريكا (بالانجليزي)
2- عندك بعثه من الملك عبدالله (عربي)
3-راح تدرس ماستر (عربي)
4-شنو تخصصك (انجليزي)
5- من اي جامعه تخرجت (انجليزي)
6- الدول الي سافرتها اخر خمس سنوات (انجليزي)
وهذا موضوعي كل الي صار معي في قنصلية الظهران
http://www.mbt3th.us/vb/forum134/thread242945.html
وفعلا اسبوعين والحمد لله الفيزا عندي
بالتوفيق