مرافقي والتأشيرة الغثيثه اقصد العزيزه !!

واللله من جد قمة التعقيييييييد ,, احنا ايش بيدنا نسوي يعني !!
ولو اخدتلو موعد تاني في الرياض ورفضوها كمان ايش الحل ؟؟

لو رفضوها لا سمح الله

ترجعي تسوي موعد جديد

ودراستك حاولي تأجليها , وان شاء الله مايصير شي من هذا كله وتتسهل الأمور

استبشري بالخير

السلام عليكم ورحمة الله وبركاته

موضوعكم معقد لكن في حالتكم هذي ما لكم الا حل واحد:
أولا قدموا على السفارة من جديد (( ولو كان بالرياض يكون أفضل حيث انها اقل تعقيد من الظهران وجده )) طبعا على فيزا سياحية
اذا ايصال بنك سامبا لسا معكم فما يحتاج تدفعوا مره ثانيه اا اذا صار عندهم فيلزمكم تدفعون من جديد لأن المبلغ المدفوع للتأشيره لا يمكن استرداده

لكن اللي اهم من التقديم هو انه قبل ما يروحون للمقابلة يجب ان يكون لديهم ما يثبت عودتهم الى المملكة قبل انتهاء الفيزا
يعني حاولوا توفير أكثر قدر من الأمور التي تثبت بأنه يعود للسعودية
مثلا:
* تعريف من الوظيفة اذا كان موظف
* دفتر العائلة اذا كان متزوج
* اشعار بأنه يملك مؤسسة او شركة ان وجد
* اذا يعرف احد أصحاب الشركات يعطيه اشعار بأنه موظف لديهم فقط لتقديمه للسفارة لكن يكون بدايته بالوظيفة من فتره مو من قبل الموعد باسبوع تصير مكشوفه ( شغل واسطه )
* يحجز تذكرة ذهاب وعودة ( اهم شي العوده ) يجيب التذكره معه ( طبعا يسأل مكتب الحجوزات اذا يقدر يسترجع التذكره عشان يسترجعها بعد المقابلة ) طبعا يكون تاريخ الذهاب قريب شوي عشان ما تتأخر الفيزا
* كشف حساب لآخر ثلاثة شهور على ان يكون في الحساب مبلغ يغطي تكاليف رحلته ( على اساس انه زائر )

بالأخير: مشكلتكم تكمن باقناع السفارة بأن الشخص ذاهب سياحة أو زيارة وليس الاقامة الدائمة
فلا يقول انه محرم وانه سيجلس معها طوال فترة دراستها بل ذاهب سياحة أو زيارة وان يحدد المدينة اللتي يرغب بالذهاب اليها وذلك حسب التذكرة


اتمنى لكم التوفيق والتيسير وان تنتهي اموركم على اكمل وجه
تحياتي,,,

أخوي أبو نورة

ألف شكر لك على ردك الوافي

ماقصرت ربي يجعله بميزان حسناتك وتييسير لأمورك

راح احجز له موعد ثاني ان شاء الله واخليه يقدم كرت العايله تبعه

لأن حاليا ماعنده وظيفه رسمية ..

واذا مافيها تكلفه ..

ماهي الأوراق المطلوبة لتأشيرة B2 ؟؟


ألف شكر لكم جميعا

العفوووو اختي

الأوراق المطلوبة:
1/ تعبئة نموذج DS-160
2/ حجز موعد
3/ دفع رسوم سامبا
4/ الصور الشخصية
5/ الجواز بالاضافة الى الجوازات القديمة
6/ ما يثبت عودته للسعودية ( هذي اهم شي ) مثل:
كشف الحساب - دفتر العائلة - تعريف اذا يقدر يضبط نفسه بشركة مؤقتا - لا بد ياخذ معه تذكرة ذهاب وعودة كاثبات جيد

والله يسهل له ولكم كل عسير
تحياتي وبالتوفيق,,,

مشكور وماقصرت

بس الحين التذاكر تعطيني اياها الوزارة والا لا ؟؟

لأن ماراح يسلموني قرار الإركاب الا بوجود فيزه المرافق , والا كيف ؟؟

عذرا ازعجتك بكثرة اسئلتي

(التذاكر تصدر مع أمر الإركاب بعد إستخراج قرار الابتعاث ...وتكاليفها من عند الوزاره)

الله يستر ...أنا أخي لساته يدرس وموعد الدراسه بعد ماياخذ شهادته ...أخاف السفاره ترفض فيزته بسبب انه عاده ماخلص دراسته ...لأنن بأقدم له ع فيزه f1>>

بعد استلام القرار تستلمون تذاكركم هذي كلامها بعدين

الحين عشان يقنع السفارة بأنه بيرجع وماهو جالس بامريكا
يحجز على حسابه ويقطع تذكرة ذهاب وعودة عشان تقتنع السفارة بعودته
وبعد ما تنتهون من المقابلة بنجاح ان شاء الله يروح للمكتب اللي اخذ منه التذكره ويسترجعها وياخذون نسبتهم ( لكن لازم تتأكدون من المكتب اللي يطلع لكم التذاكر انه يسترجع التذكره وكم يرجع لكم )
الله يعينكم على تكاليف التذكره لكن أفضل من رفض الفيزا للمره الثانية لا سمح الله
ويكون موعد الذهاب قريب شوي يعني مثلا:
موعد دراستك 10April
فيخلي تذكرة الذهاب في نهايات فبراير عشان ما تتاخر الفيزا عليكم وهكذا
والعوده بعدها بشهرين او ثلاثة

وبعد ما تطلع الفيزا ترجعون التذكره ( اذا يمكن ) وتبدون باجراءات قرار الابتعاث وامر الاركاب
الله يعينكم لكن لا بد لكم من اقناع القنصل باي وسيلة كانت..


تحياتي

الله يجزاك الف خيير ويجعلها في موازين حسناتك ياابو نوره