بسم الله الرحمن الرحيم
صباحكم/مساءكم سعادة :)
راح اشرح لكم ايش صار في موعدي للتقديم على الفيزا ومتى استلمتها
ــــــــــــــــــــــــــــــــــــــــــــ
موعدنا كان أنا ومرافقي يوم الثلاثاء تاريخ 18/1/2011 الساعة 9:30 ص
في القنصلية الأمريكية بالظهران
رحنا قبل الموعد بنصف ساعة طبعا ممنوع تدخل قبل نصف ساعة من الموعد
اول شيء في نقطة تفتيش برا وبعدين دخلنا البوابة ومعانا اوراقنا الكاملة
ووصلنا لمبنى خاص بأمور الفيزا
دخلنا وخذنا رقم كان رقمنا 23 :roll2:
وكانوا توهم برقم واحد :crazyeyes:
وكنت مررررة متوترة وخايفة
اي صح الطالب والمراق باخذون نفس الرقم عشان مقابلتهم تكون سوا :)
المهم انتظرنا لمن جاء رقمنا
كان في مكتب بسيط جالسة عليه موظفة سعودية كانت مريحة جدا للأعصاب وهذا اللي طمني
المهم هي وظيفتها تطلب الأوراق المطلوبة وترتبها
الأوراق اللي طلبتها للطالب :
1- I-20
2- وصل سامبا
3-الجواز
4- نموذجD-160
5- رقم طلب الابتعاث ..وعطيتها بطاقة حضور الملتقى وكتبت الرقم ورجعت لي البطاقة على طول
#ما طلبت ايصال السيفيس لأن يبين عندهم بالكمبيوتر اذا دفعت ولا لأ
الأوراق اللي طلبتها للمرافق :
1- I-20 وقلنا لها انو لسه ما وصل
2- نموذج D-160
3-الجواز
4- ايصال سامبا
5- الضمان المالي ..عطينها الشهادة البنكية وكشف حساب لمدة 3 شهور
رتبت أوراقنا وقالت لنا ننتظر لحد ما ينادونا
انتظرنا نص ساعة تقريبا وبعدين نادتنا سيدة شامية واخذت بصماتنا
ورجعنا انتظرنا وبعدين نادنا واحد أجنبي قال اسماءنا بطريقة عجيبة:sticktongue:
رحنا الكونتر وأخذ بصمتي الإبهام وأخذ بصمة خطيبي الاصبع الوسطى
كان هادئ جدا فراح توتري بشكل سريييع
وسألتي بالإنجليزي :
1-انتي اسمك .....؟
قلت نعم
2- سألني انتي مبتعثة في برنامج الملك عبدالله ؟
قلت نعم
3- هذه أول مرة بتروحين أمريكا؟
قلت بابتسامة كبيررة نعم
4- ايش بتدرسين ؟
جاوبت صيدلة
5-أي ولاية بتروحين ؟
قلت ساوث كارولينا مدينة كليمسون
6- سألني هذه السنة اللي تخرجتي فيها من الثانوي ؟
قلت نعم
سألني آخر خمس سنوات وين سافرتي ؟
قلت البحرين-الإمارات -الكويت-سوريا
والحمدلله ما علق لمن قلت له سافرت سوريا
وبث
وسأل خطيبي
وين تشتغل ؟وايش بتدرس؟ وهذه اول مرة بتروح أمريكا؟ وسأله آخر خمس سنوات وين سافرت؟وأكد عليه اذا كان مسافر سوريا ولا إيران
والحمد لله ما راح لهم ولا مررة :)
وبس الحمدلله قالي فيزتك مقبولة وبتستلمينها بعد أسبوع
وعطى لخطيبي ورقة صفرا فيها الأشياء الناقصة اللي هي
1- i-20
2-تسديد رسوم السيفيس
قالنا ما يحتاج ناخذ موعد جديد للمرافق
اذا وصل I-20 نرسل لهم اياه بالإيميل
وبعدين رحنا مكتب فيدكس وسددنا الرسوم لكل شخص 125 وبس
والحمدلله اليوم الساعة 10 ونص الصباح دقوا فيدكس على خطيبي وراح استلم فيزتي مع الجواز :)
الحمدلله وبكذا بس باقي تطلع فيزة مرافقي بعدها نقدر نطلع أمر الإركاب :)
وعندي لكم نصيحة :
اللي ما جاها قبول المرافق لا تستنى تجسير انا انتظرتهم شهر ونص ولا جا منهم شيء
أخر شيء يوم الأثنين الماضي ارسلت للمهعد اني أبي أجيب قبول للمرافق
وارسلولي اللينك اللي اسجل عن طريقه بالنت
المهم عبينا الأبليكيشن الخاص بالقبول وطلبوا رسوم مالية للـDHL لأن هو اللي بيوصل لنا الـI-20
ورسوم التسجيل واحنا طلبنا ان المعهد يرسلون لنا سيارة تاخذنا من المطار
فصارت رسوم الدفع تقريبا 1200 ريال
وبس بعدها ارسلوا لنا رسالة بنفس الوقت الأوراق المطلوب ارسالها لاإيميل :
1- النموذج بعد ما يوقع عليه
2- ايصال دفع الرسوم اللي ذكرتها
3- شهادة بنكية (اللي هو الضمان المالي)
4-صورة من الجواز
وارسلنا لهم الأوراق المطلوبة
ويوم الخميس ردوا لي انهم اصدروا الـI-20 عن طريق الـDHL
ويبي له 5 او 6 ايام على ما يوصل لنا
وبهيك الحمدلله ضمنا قبول المرافق
فاتركوا عنكم تجسير وتأخيره اللي ماله مبرر
يارب أكون أفدتكم
وأي سؤال أنا جاهزة :)
بالتوفيق للجميع
