الأعضاء الإشتراك و التسجيل

الملتقيات
ADs

تـــــم إصــــدار ( قـرار الإبتعاث + قرار الإركاب ) !

تـــــم إصــــدار ( قـرار الإبتعاث + قرار الإركاب ) !


NOTICE

تنبيه: هذا الموضوع قديم. تم طرحه قبل 2542 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Ahmed vista
    Ahmed vista

    مبتعث فعال Active Member

    Ahmed vista الولايات المتحدة الأمريكية

    Ahmed vista , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى Unknown till now! , بجامعة Still looking up for it.
    • Still looking up for it.
    • Unknown till now!
    • ذكر
    • مكة المكرمة, MA
    • السعودية
    • Aug 2010
    المزيدl

    January 31st, 2011, 05:44 PM

    السلام عليكم ورحمة الله تعالى وبركاته

    نبدأ نقول الهرجة لأني مصوخ من الضغط اليوم

    أول شي يا جماعة أنا الحمدالله اليوم 1 \ 30 \ 2011 طلعت قرار الإبتعاث وسرت من
    مــــــــــــــرشح إلى مـــبــــتــــعــــث

    تـــــــــــــــجـــــــــــــــربــــــــــــــــ تـــــــــــــــــي

    الـذهــاب للرياض

    أنا حجزت رحلة لـلرياض من جدة الساعة 7 ونص الصباح ولكم أن تعلمو حجم المعاناة و الهجولة من صبح الله من مكة + سهران + متأخر عن الرحلة
    لا كمان ما قطعت البوردنغ هادا إلي كمل الناقص
    بس الحمدالله وصلت على النداء الأخير

    وطبعا الرحلة من جدة للرياض ساعة ونص !!!!!!
    وصراحة الكابتن ما قصر حط رجلو على البنزين شوية
    و وصلت على الساعة 8 ونص /COLOR]

    [COLOR="navy"]وأول ما نزلت لقيت كدادين المطار ويلا كل واحد يسمعني نغمتو إلي يقولي 80 ريال و لا 70 ريال وكل واحد أسألو حي الغدير وزارة التعليم العالي يقولي ما أعرف إلا واحد الله يستر عليه
    وأخدتو المشوار بـ 50
    المهم المشوار يا جماعة ياخد حدود النص ساعة من المطار مع الزحمة وأنا أخد معايا ساعة عشان ضعت مع الأفندي

    بس المهم وصلنا لنقطة ( أ )


    ~~~~~~


    وصف مكان الوزارة بالزبط :
    تنزل من المطار على الدائري .. ألين مخرج الملك عبدالعزيز بعدين تدخل خدمة وتمشي على عبدالعزيز بس ما تكمل عليه تاخد يو تيرن وبعدها يمين ( يعني كأنك كملت طوالي وما دخلت عبدالعزيز ) بعدها تمشي يقطعك شارع العليا تلف يمين وتحصلها على يمينك مبنى قزاز حول المحكمة العليا .
    بإختصار !
    لو بتوصف لتاكسي حتقولو على شارع العليا بعد ما يقطع الدائري ويتجه شمال

    ~~~~~~


    الـــوزارة والإجراءات

    أول شي حط في بالك إنك حـ تتحنطر في الصالة لمدة لا تقل عن ساعة أو ساعتين إنتظارات فقط
    فــــــ طوووووووووووووووووووووووووووووووول باااااااااااااااااااااااااااااااااالك

    تاني شي الأوراق المطلوبة تشيلها معاك لقرار الإبتعاث ( بكالوريوس )


    1
    - صورة من القبول حق اللغة ( يعني الكلام حق المعهد إلي يقول إنك مقبول مو الأي توتني لحد يلخبط ! )

    2- صورة من الـ I-20 ( صورو الأوراق التالتة زي ما أخدتوها )
    3- صورة الجواز + صورة الفيزا
    4- صورة من بطافة الأحوال
    5- صورة من الشهادة الثانوية
    6- صورة من بطاقة الملتقى
    7- صور من درجات التحصيلي و القدرات
    8- تعبئة إستمارة قرار الإبتعاث ( يا جماعة في مكان التخصص تكتبو التخصص إلي مكتوب عندكم في الموقع يعني إلي مكتبلو علوم صحية يكتب التخصص علوم صحية لا يتفزلك زي ما شفت عالم سوت وخلوهم يكتبو الإستمارة من جديد ! )

    طيب بعد التجهيزات دي كولها دخلت الوزارة الساعة 10:10 AM وأول ما دخلت لقيت قسمين قسم للمراجعين - على اليمين - وقسم برنامج خادم الحرمين الشريفين - على اليسار - وأخدت اليسار ....
    و فجأة لقيت نفسي في صالة زي تقريبا في الأحوال موظفين في شبابيك و على اليمين شباك ( مكتب الطيار ) و في أخر الصالة مكينة عشان تسحب رقم ...

    بعدين رحت سحبتلي رقم بس المكينة ماهي راضية تطلع الورقة قمنا عصبنا وفكينا المكينة وأخدنا أرقمانا

    وحنطرررررررررررررررررررة يا معلمين
    بس السرا كان يمشي

    جا دوري وأديت الأوراق للموظف المختص
    وقولتلو أبغا التخصص علوم طبية !
    قالي إحنا أي واحد يجينا علوم صحية علطول نغيرو علوم طبية

    وبعدها جلس يشيك على الأوراق قالي فين صور درجات التحصيلي و القدرات ! - الله يخليك لا ترجعني جدة عشان أطبعها لك

    بس طلع متطور عندو طابعة ودلع وطبعلي هيا الإتنين

    بعدين قالي أستنى ســـــــــــــــــــــــــــــــــــــــــاعــــــ ــــــــــــــــــــــــــــة !


    وجلست يا معلمين أتحنطرت في الصالة ربع ساعة وربع ساعة تانية ألفلف في الوزارة

    شوية ورجعت لقيت لسا ما نادو على إسمي
    قلت يا ولد خليني أطقطق على الموقع حقهم وادخل الموقع إلا ألاقي مكتوب
    ( تم التحقق من القبول )
    ( تم طباعة قرار الإبتعاث )

    بعد عشر دقايق >>> سارو 40 دقيقة إنتظار

    أحمد بدأ ينادي على الأسماء ورحت وسمعت إسمي ورحت جري وأداني القرار المعظم
    وما أجمله من قرار بعد معاناة 7 شهور

    المهم مو وقت العاطفة دحين

    كدا يكون خلصنا قرار الإبتعاث وسرنا مبتعثين رسمييييييييييييييييييييييييييييييييييييييييييييييي يييييييييييين لمدة 3 شهور


    مبتعث




    قــــــــــــــرار الإركـــــــــــــاب

    صراحة القرار دا أمة محمد أنخمت عندو وفحطو وغرزو

    الأوراق المطلوبة :
    1- قرار الإبتعاث ( ما تحتاج صورة منو ولا تعبية إستمارة قرار إركاب ولا خرابيط )
    2- أصــــــــــل الـــــجــــــواز
    فــــــــــــــــــــــــقــــــــــط

    أنا والله يا جماعة ماني متزكر صراحة هيا فيه ورقة مهممممممممممممممممممة تستلموها أضن من الشباك إلي مكتوب عندو ( إصدار أمر إركاب ) أو أظن نفس الشباك إلي يعطيك فيه قرار الإبتعاث
    المهم هيا ورقة صغيرة مكتوب فيها إسمك

    تفتكرو مكان ما قلت لكم قسم المراجعين إلي على اليمين تروحوه
    المهم دخلتو وبعدين رحت عند موظف وأخد الورقة ودقيقتين ورجعلي هيا وقالي روح عند الطيار ومرة تانية نرجع لليسار

    رحت لشباك الطيار وأديتو الورقة
    وحنننننننننننننننننننننننننننننننننننننننننننننننن نننننننننننننننننننننطررررررررررررررة
    بعدها نادى على إسمي ورحت عند واحد لبناني
    وقلتلو أمريكا وحددت له الموعد إلي أبغا أسافر فيه والحمدالله حصلت إمكانية
    وبعدين حجزت من واشنطن إلى بوستن وحددت برضو يومين في واشنطن وبعدها على بوستن

    ~
    : حاطين ورقة مكتوب فيها ( المسافرين لأمريكا مسموح الحجز على الخطوط السعودية فقط )
    وجنبي واحد طلع على الخطوط الإماراتية
    ~

    وبعدين قالي أوكي أتفضل أستريييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييح

    وأسترحت كتيييييييييييييييييييييير ونادو عليا وأخدت التزاكر والحمدالله
    وخرجت من الوزارة وأنا




    ~~~~~~~~~~~~~~~~~~~~~~~~~~~~~~~~~~~~~~~~~~~~~



    :: تـــنــــبـــيــــه هـــــــــــام ::

    حرصا مني لراحة بالكم وجيوبكم
    حبيت أنبهكم لشغلة ضرووووووووووووووووووووورية وغير مذكورة في موقع الوزارة الموقر المحترم المعظم المبجل
    المقبلين على إستخراج قرار الإبتعاث ( البــكــــالوريوس )
    لا تـــــــــــــــــــــــــــــــــــــــــــــــــ ـنـــــــــــــســــــــــــــو
    تاخد أصل الشهادة الثانوية معاااااااااااااااااااااااااااااااااااااااااااااااا اااااااااااااااااااااااااااكم وإنتو خارجين !!!!!!!!!!
    أخوكم الوزارة ما كملت الفرحة عليه وما دريت إلا من ردود الأوادم هنا إنهم أخدو أصل الشهادة معاهم !!!!!!!
    وعااااااااااااااااااااااد تعالو رقعوها مع الخطوط حقتنا بالقووووووووووووووووووووووووة لقيت حجز للرياض والعودة في نفس اليوم !!!!
    الريااااااااااااااااااااااااااااااااااااااااض يوم السبت مخصوووووووووووووووووص بس عشان الشهادة حقت الثانوية إلي المفروض !!! الموظف المختص
    يديني هيا مع قرار الإبتعاث !!!!!!!!!!!!
    حسبي الله ونعم الوكيل ...


    ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
  2. مبرووووووووووك
    حلوه القصة
    ليش ما شريت شاهي من الشباك اللي بين الطيار و شباك البرنامج
    ان شاء الله رايح لهم هالاسبوع انتظر يطبعون القرار بالإيميل
    بالنسبة للتكسي , نفس السعر ركبت بـ 50 من المطار
    بس انا وضعي غير ذاك اليوم , تأخرت عن الرحلة و بقيت في المطار 9 ساعات :$
    <~ من مكة كمان و سبق اني رحت الرياض عشان الضمان المالي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.