طلبتوا تغيير المعهد وماوصلكم التغيير..؟ تعالوا اقول لكم ايش تسووا ..

مساءكم سكر و عسل و لوز :balloon:

ازيكم .. كيفينكم .. لي سنين ماشفتكم .. !!

:hippi:

بقول لكم ايش صار معايا بالتفصيل ..!!

انا من شهر ونص طلبت بتغيير المعهد من مكتب تجسير ..
المهم ماجاني ولا اي حاجه من هاداك اليوم ..
المهم قلت يا بنت احجزي في السفارة وخلاص .. وموعدي يوم الاتنين الجاي ..
امس وانا جالسه ومعصبة من الملحقية لأنها ماترد على رسايلي علشان اعرف قائمة المعاهد الموقوفه ولا المكتب بيرد عليا علشان تحويلي ..
فقررت اليوم اني اطلع بالقبول اللي معايا ..

وامس وانا في عز العصبية و قاعد افكر و افكر لين مخي انحرق ..
قمت راسلت المعهد اللي ابغى احول عليه ..
وقلت يا انهم كمان ما يردوا يا خلاص مافيه إلا القبول اللي معايا
واتفاجأ اليوم بالتحديد قبل شوي وانا احتسي فنجان النسكافية البارد .. :)

جاتني رسالة من المعهد اللي ابغى احول عليه في أقل من 24 ساعه ..
وقالت لي ان اول مره تسمع بأسمي و ما عندها اي معلومات عني ..
وسألتني متى راسلتهم ومتى ابغى تبدأ الدراسه ومن هالكلام ..

شرحت لها وضعي بالكامل ان انا مبتعثه و تجسير هو المسئول عن جلب القبولات و من شهر ونص قالوا لي انهم رسلوا لكم بياناتي ..

المهم بعد ما رسلت الرسالة بمساعدة من الشيخ قوقل في الترجمة و التصحيح الاملائي ..

فكرت وقلت ليه يا بنت ما تتصلي عليهم دحين .. رقمهم مكتوب بالرسالة وأكيد هم مداومين دام انه دوبو وصلتني منهم رسالة

قمت اتصلت وردت عليا وحده يا ناسو عليها ..
قالت لي انها من دقيقتين لقيت ملفي في موقع التعليم حقهم بعد ما قعدت تدور عليه ..
وقلت لها ان موعدي في السفارة قريب ..
قالت لي أأجل الموعد كمان اسبوع زيادة .. وقالت لي ان مااشيل هم وانها حتبقى على تواصل معايا بالايميل وحيوصلني القبول بعد اسبوع وسألتني كمان اذا فيه معايا مرافق يبغى يدرس علشان بالمره ترسل القبولات ..

انا من قوة الفرحة كلامي اتلخبط وقلت لها :: سوري ماي لانقويج از فيري بااااااااااااد .. بت آم سوووو هااااابي
ثانكس ألووت .. ريلي آم كمفورتبل ناو ..

الآدمية ماتت من الضحك وقالت لي انها سعيده بمعرفتي و ان الانجليزي حقي كويس :)

وبس

وسلامتكم

ماشاء الله مبروووووووووووووووووك
واناكمان اقول لك لغتك كويسه
ربي يوفقك وان شاالله يردو عليا المعهد لأني طفشت بخصوص قبول مرافقي
دعواتك

ثااااااااااااانكس على مرورك عزيزتي
الله يسهلك قبولاتكم و فيزكم