الي جابوا قبولهم بنفسهم او ختموا قبولهم من الوزارة يدخلوا للاهمية.

انا و زوجتي المبتعثة سئمنا من ملل انتظار واهمال وتأخير الوزارة وتجسير والملحقية وجبنا قبول بنفسنا من معهد E.L.S

ومعروف ان المبتعث يجب ان يتم ختم قبوله من قبل الوزارة عشان تعترف فيه القنصلية

زوجتي طلعت الرياض لكن الغريب ان الوزارة بس ادخلوا بيانات ال I-20 في الكمبيوتر وقالولها خلاص روحي للسفارة رسلنا بياناتك عندهم وما يحتاج ختم

وما ختموا على ال I-20

مع العلم انها اصدرت ضمان مالي في وقت سابق يعني استلمته ومختوم من الوزارة

هل الي سار شي عادي ؟؟

موعدنا مع القنصلية الاسبوع الجاي بلييييز محتاج نصحكم في اسرع وقت

يعني الان اخوي الي يجيب قبول لنفسه .. يرسله للوزاره يختم ولا شلون ..؟

مو اطلعع عليه الفيزا بعدين اختم ..؟ ولا اختم بعدين اطلع الفيزا ؟؟

اتوقع انو عادي روح واتوكل على الله

يا اخي الاي توني ماينختم عليه .. ينختم فقط على صفحة القبول اللي مكتوب فيه اسم المعهد وموعد الدراسة
وتوكل على الله وروح السفارة وخلص امورك
بس لما تجو تطلعو قرار الابتعاث .. قولو لهم يختمو على صفحة القبول ..

حبيبي

انا جبت قبول من نفسي ولا رحت الوزاره .. رحت على طول على السفاره الامريكيه فيزت على قبولي بدون لاختم على الاي توني ولا خرابيط

ورحت للوزاره وسويت نفسي اهبل عطيتهم الاي توني والفيزا واصدرو قرار ابتعاثي واخذت امر الاركاب

توكل على الله ولا تخاف الامور سهالات وموضوع الاختام انلغى من العام الماضي هالسنه مافيه ولا ختم

أخي الكريم
مبروك الف مبروك لاعتماد القبول

لا داعي للقلق !
بطاقة الملتقى لحالها تكفي لاثبات انو زوجتك مبتعثه .

انا من اللي جابو قبول لنفسهم وختمته في الملتقى.. طبعا ختمت الصورة منه فقط وليس الأصل
ووقت مقابلتي في السفارة اعطيتهم صورة منه غير مختومة من الوزارة
والحمدلله كله مشي تمام .
هما السفارة مالها شغل انت قبولك معتمد ولا عنه ما اعتمد :p

اتوكل على الله :)