نقطة مهمة لمرافق المبتعثة تتعلق بالملحقيه الثقافية اردت مشاركتكم بيها من امريكا

اذا تبغى تتعامل مع الاحوال بشكل نظامي مو تروح كده وتطالبهم ببرنت زي ماعمل اخويا والاخ هشام.
الاجراء الصحيح تاخذ قرار الابتعاث للمبتعثه يكون موجود فيه اسمك واسمها ده يستخدم كاثبات اذا كنت اخ المبتعثه تاخذ كمان التوكيل من المحكمه الي طلعتو بيه القرار وتصوره وتروح الاحوال تقلهم ابغى برنت موجه للملحقيه الثقافيه بامريكا .
راح يطبعلك البرنت بعد مايصور بطاقه الاحوال ويختمه ويكتب عليه موجه لخارج لمملكه وبس بالتوفيق

جزاك الله خير يارب على كل اللي تقدمينو ويساعدك ربي زي ماتساعدينا

عندي كم سؤال


1- اول مااوصل لازم اروح واشنطن المحلقية واخذ يومين عمل وبعدين اروح لولايتي ؟؟ معليش عالسؤال عارفة انو معروف بس في شخص قال انو ماراح الملحقية في واشنطن .. فقط راح مطار واشنطن دالاس في فيرجينيا اعتقد وموظفين من المحلقية كانو معاه في الفندق وخلصوله اوراقه

اول ماتوصل راح يستقبلك موظف الملحقيه المصري يساالك طالب جديد تقله ايوة ويفهمك كل شي تسويه واكيد انت راح تعبي الابلكيشن حق استقبال طالب جديد ....
وكمان الملحقيه تتكفل بتوصيلك الفندق
****الاحتمال التاني اذا انت تبغى تسافر في نفس اليوم وماتبغى تسكن في الفندق حق الملحقيه المصري راح يقلك عبي الاوراق وتعال الفندق تبع الملحقيه وصور الاوراق الي يبالها تصوير زي ختم دخولك امريكا وحطها عند موظف الملحقيه في الفندق وسافر الضمان راح يوصلك على الايميل بس ده الحاله ماانصح بيها كتير الملحقيه اذا اتاخرت عليك في ارسال الضمان المالي ماراح تحصل رقم مشرفك عشان تقله اش مشكلتك فالافضل الواحد يروح بنفسه ويستلم اوراقه بيده عشان لا يتعرض للحركات البايخه تبعت الملحقيه لانو والله العظيم مايردو على الطلاب الي بعد فوات الاوان بعد مايطيح الفاس بالراس ويحملو الطلاب الغلط
2- الفندق في واشنطن احجزه من هنا ولا لما اوصل هناك ومين اللي يتكفل بمصاريفه ؟
الفندق لمن توصل راح تسكن فيه لانو الملحقيه متعاقدة معاه فمافي داعي تحجزبس اذا تبغى تحجز برضو شي راجعلك تقدروالملحقيه قريب راح تغير مقرها بس انت الي راح تحاسب على الغرفه حقتك يعني الفلوس انت راح تدفعها
3- ايش افضل خطوط طيران داخلية من اشنطن على ولايتي ؟
في خطوط طيران كتير بس الي اتعاملت معاها اليونايتد وده مريحه اريح من الخطوط السعوديه فئة السياحيه
والخطوط ساوث ويست ده حق تمشيه حال الي ماعنده يدفع حقت خطوط مزبوطه اهم شي توصلك محل ماتبغى غير كده لا تدور

4- الفلاش ميموري والكاميرا اللي معايا ممنوع احطهم في شنطة الظهر اللي راح اشيلها في المطار معايا ولا لازم في شنطة العفش ؟
لا عادي حطهم في شنط الظهر ومافي اي مشااكل باذن الله
5- تفتيش اللابتوبات يشمل الأفلام اللي احملهم من النت ويسوولي مشاكل عليها ؟
شوف الافلام المحمله من النت بدون ماتشتريها ده اجراء غير قانوني يعني يدخل السجن الي يعمل كده
بس تفتيش الابتوبات بصراحه انا بس مشي لاب توبي من السير بس في حالات تفتش فيها حتى الابتوبات بالذات لمن تصير مشاكل ويصيرو يدققو على كل شي انصحك ماتشيل افلام معاك منك مشتريها لانو محد يعرف احتمال 50% مايفتشو الاب توب واحتمال يفتشو محد يعرف الغيب ....
افلام +برامج = اي شي مو اصلي مشاكل لانو تعتبر سرقه
6- تفتيش الكتب -نقطة مخوفتني شوية- بعض الكتب اللي راح اخذها فيها أفكار عن الإسلام الوسطي أو كتب لمفكرين إسلاميين مع العلم انها مسموح فيها هنا وانا لسه ماقريتها عشان اعرف اش فيها بس معروف عن مؤلفيها إنهم إسلاميين وسطيين ,, هل راح تسبب لي مشاكل لاسمح الله ؟
شوفي مجرد كتب انا كتبي حطيتها في الشنطه الي انشحنت وبس ومحد كلمني لا تفكري في ده الامور كتير لانه كتاب ماعتقد يمنعوكي تاخذيه

الله يوفقك

الاموره يعطيك العافية على مجهودك ياعسل
عندي طلب صغيروون حيل منك
اذا سمحتي
كبري الخط شوي لاني ام اربعه عيون ولا اشوف
وحررام معلومات ثمينه مااستفيد منها
وتقبلي تحياااتي

عندي سؤال على اضافة مرافق .... انا باسافر بعد شهر تقريبا وبعد مدة ابغى اضيف زوجتي كمرافق .... ايش هل الاجرااءات وهل هيي سهلة او لا ... وويش احتاج بالزبط ..

الف شكر

لو سمحت أخوي اي احوال رحت لان زوجي يبي برنت ومبهذلينا مو مطلعين لنا بسرعه يقولون لازم خطاب من العمل وهو ماعنده عمل
المطلوب انت اي احوال رحت في الرياض ولا برا واي فرع بالضبط ياليت تفيدوني ياأخوان وسفرتنا قربت علشان كذا ودي اخلص بسرعه من جميع الإجراءات

طيب احوال الرياض من وين نقدر نطلع البرنت منه