مررره تعبت حاسه البعثه حتطير مني و السبب تجسير؟
السلام عليكم
أنا جاني قبولي من بدري من تجسير و طلبت تغيير المعهد قالوا لا بس نغير الفرع
قلت لهم أوكي غيروا الفرع و هاتوا قبول لزوجي معايا و هذه هي الشهادة البنكية ب4000 دولار زي ما أنتوا كاتبين في الموقع
عشان أخرج الشهادة جلست تقريبا شهر و نص و بعد ما أرسلتها لتجسير جلست 3 أسابيع
اليوم جاني الرد فكنت حطير من الفرح أفتح الإيميل ألاقيهم طالبين بكل برود شهادة بنكية بـ 25000 دولار يعني 6 أضعاف المبلغ الأول طيب يا محترمين هذي المعلومة المفروض تكوون عندكم من الأول مو الآآآآن ؟؟؟
أنا في حيرة من أمري؟؟
هل أكتفي بقبولي و زوجي
F2 بعدين يقدر يحول؟
أم أراسل المعهد بنفسي بعد أخذ قبولي أنا لطلب قبول لزوجي؟؟
رد: مررره تعبت حاسه البعثه حتطير مني و السبب تجسير؟
اختي الفاضلة اولا مبروك عليكم البعثة
ثانيا انت من وين
ثالثا المفروض والمتبع للجميع عملوة هو شهادة بنكية بما يعادل تقريبا 15000الف ريال سعودي بس حاب ترسليل بالتفصيل موضوعك وهل المرافق حاب يكمل دراسة البكالوريس ام ماستر وانا بعد فضل الله اتابعلك الموضوع وان شاء الله نتوصل لحل فقط احتاج لمعلومات عنكما ليتسنا ان نخاطب من نعرف هذا وبالله التوفيق
رد: مررره تعبت حاسه البعثه حتطير مني و السبب تجسير؟
شوفي اختي في واحد اسمه عمر جابر يرد ع الرسايل وماقصر معاي طلبت قبول خلال اسبوعين وصل
ارسلي رساله له اشرحي وضعك بس ارسلي عشر رسايل ورا بعض عشان يهتم اكثر
وقوليله شئ ضروري محتاجه باسرع وقت وان شاء ما بقصر معاك
وهذا ايميله
followup#tajseerksa.com
#=@
واهم شئ اطلبيه باسمه
وبا التوفيق
رد: مررره تعبت حاسه البعثه حتطير مني و السبب تجسير؟
iriss
الله يبارك فيك .. أنا من جده
و عملت الشهاده البنكيه بالضبط 15000 ريال
و زوجي حيدرس بكالوريس و أنا ماجستير
بس في البداية معهد لغة
و الموضوع بالتفصيل أنا بعد إستلام قبولي للمعهد بديت في إجراءات الشهاده البنكيه
بس طلبت من تجسير أغير المعهد لإنه غير أكاديمي و موجود في مدينة جدا صغيره مافيها متطلبات الحياة و تنوعها خصوصا أنه معايا طفلين 3 سنوات و سنه و نصف
وافقوا فقط على تغيير المدينة لفرع آخر نفس المعهد معهدي FLS في Lock Haven,PA
طلبت التغيير لفرع Cookeville,TN
قالوا طيب بس حنغير لك لمدينة Nashville,TN
مع إني متأكدة أنه المعهد ماله فرع هناك فقلتلهم طيب بس أبغا كمان قبول لزوجي
بعد إنتظار 3 أسابيع جاني الرد اليوم أنه مطلوب شهاده بنكية بمبلغ 25000 دولار يعني حوالي الـ 100000ريال؟؟؟؟!!!
معقول؟!
يارب تلاقين لي حل الله يسعدك و شكرا مقدما
رد: مررره تعبت حاسه البعثه حتطير مني و السبب تجسير؟
Mohdy
مشكور سجلت الإيميل عندي و بكرا الصباح حعمله Forword
لمراسلاتي
شكرا
رد: مررره تعبت حاسه البعثه حتطير مني و السبب تجسير؟