الله يعطيكم العافيه يعني رتاح ولا اخاف من ناحية المعدل
وانو ممكن يرفضوني !!
يعني حنا ثلاث زميلات
معدلتنا متفاوته في 4.75 و4.40 و3.80
ان شاء الله نكون بالسليم ....؟
طيب ايش راح يطلبون مني وقت المطابقه ايش هي الاوراق !!
عرض للطباعة
الله يعطيكم العافيه يعني رتاح ولا اخاف من ناحية المعدل
وانو ممكن يرفضوني !!
يعني حنا ثلاث زميلات
معدلتنا متفاوته في 4.75 و4.40 و3.80
ان شاء الله نكون بالسليم ....؟
طيب ايش راح يطلبون مني وقت المطابقه ايش هي الاوراق !!
يطلبون الوثائق العادية مثل الشهادة وكشف الدرجات والجواز... الخ...
المهم...
بما أنكي خريجة هالفصل...
جهزي 3 أو 4 توصيات من ألحين عشان لا يسافرون الدكاترة بعدين وتتوهقي...
وسوي 3 صور من التوصيات، حطي كل صورة لحالها في ظرف مختوم (سري).. (للاحتياط طبعاً)...
ونفس الشيء بالنسبة للشهادة...
اخذي صور من الشهادة وحطي 3 في ظرف مختوم من الخارج... كل وحده لحالها...
ونفس الشيء بالنسبة لكشف الدرجات...
تاخذي 3 كشوف درجات (لون الورقة أصفر وبختم الملون) وتحطي كل وحده في ظرف مختوم...
كل هذا مو عشان الوزارة... هذا عشان التقديم على الجامعات برا... (للاحتياط)...
جهزي حالش من هالفصل...
والتقديم في شعبان الجاي...
بالتوفيق...
هلا اخوي مااقصرت والله
ايه انا تخرجت الفصل الاول الحمد ببه
لكن مافهمت عليك الختم هذا
يعني اختمها من الجامعه الظرف ..؟
يعني كل هالصور اخذها من الجامعه وتصورها لي وتختمها لي وتحطها لي بظرف !!
ولا اسويها انا لحالي في البيت احس اني ضعت الصراحه :(
هو هذا كله للأحتياط... عشان الواحد إذا راح هناك ما يتوهق...
أنا رحت مكتب الخريجين... جامعة الملك فيصل...
قلت له اطبع لي 3 كشوف درجات... وختمها... وحطها في ظرف كل وحده بروحها... وختم على الظروف...
الختم هو الختم الانجليزي الي مكتوب عليه (عمادة القبول والتسجيل)...
بالنسبة للشهادة والتوصيات... هو مو مهم تكون في ظرف... لكن للاحتياط...
التوصيات... صوريها... اخذي صورة وحطيها في ظرف من عندك.. وروحي الكلية واختمي عليها....
بس أهم أهم أهم شيء كشف الدرجات... لازم يكون عندك 3 أو 2 بورق رسمي... لونه أصفر...
لأنه الواحد إذا انقبل في جامعة... يقولون له جيب 2 كشف درجات رسمي ومحطوط في ظرف...
أتمنى أني اكون واضح...
وإذا ما رضوا يسوون لك هالأشياء... مو مشكلة... بس للأحتياط...
خيتو حبيت اضيف لك
لازم وقت التقديم يكون عندك جواز سفر
يعني قبل شهر شعبان والتقديم غالبا كل سنه يكون فيه سوي لك جواز سفر
لان رقم جواز السفر من ضمن البيانات اللي تعبيها في ابليكيشن التقديم ع النت
يعني قبل التقديم بشهر او بايام سوي لك جواز
بالتوفيق ,,,,,,
سوري للجميع وبالأخص صاحبة الموضوع
المعدلات المطلوبة من 3,75الى 5 لدراسة الماستر
والكل قبل للمرحلة السادسة ولله الحمد
اكثر المقبولين كانو ماستر