أحد يساعدني ويفهمني..

كيفكم يا مبتعثين ..
أنا الى الان ماأستلمت قبولي بس جاتني صورة I20 على الإيميل وطلعت السفارة وسويت المقابلة أنا وزوجي ..وقالو خلال أسابيع أستلم الفيزا إن شاء الله ..بس بأنتظر القبول من الوزارة ..عشان أطلع قرار الابتعاث ..ان شاء الله الأمور تكون تمام ويجي القبول بسرعة..
وشفت كم موضوع في المنتدى عن شهادات التطعيم والضمان المالي .. بصراحة ماني فاهمة ايش يقصدو ..
هل أنا اللي أحتاج شهادة التطعيم والا أطفالي واذا شهادة تطعيماتي من فين اجيبها ..والضمان المالي ايش حكايتو....
ياريت أحد يفهمني عشان بعدين ماأحوس وأموري تمشي.. الله يسهل على الجميع يارب

التطعيمات للاطفال ضرورية .. وتكون مترجمة

اما تطعيماتك انتي وزوجك اذا مو موجودة معك مومهم

لان بعض الجامعات تطلبها والبعض مايطلبها

واذا طلبوها تقدرين تقولين لهم : ماعندي ويسوون لك التطعيمات من جديد ، مافي اي مشاكل لاتحاتين ..

أما الضمان المالي وقت ماتكونين في الملحفية بواشنطن تطلبينها

واذا قصدك الشهادة البنكية فهي للمرافق عشان يجيبله قبول اذا وده يدرس بفيزا اف 1

والله يسهل اموورك اختي وتروحين وترجعين بالسلامة

تسلمي أختي الماسة ريحتيني أنا زوجي جاب الشهادة البنكية وخلصنا من امور الفيزا
بس كنت ابغى اعرف حكاية الضمان المالي وفهمتو شكرا لمساعدتك