لجميع المبتعثين .. تعرفون انجليزي والا من جنبها زيي :)؟؟

انا مو بس ميح لو في كلمه اكثر منها كان قلت بجد صفرين ع الشمال

ماعندي ولا كلمات ولا مصطلحات ولاااااااااااااااشي..

اللي يتكلم قدامي لو فهمت من 100 جمله جملتين احمد ربي وانبسط..

مدري من وين ابدأ وكيف ووو

اقدر اجزم ان 70 بالميه من المبتعثين اللغه عندهم معدومه تماما

والباقي على البركه حتى لو انه يحس ان لغه كويسه بس لما يختلط هناك ان لغته ضعيفه


المهم في هذا كله
الشخص لما يروح هناك لايشيل هم اللغه اصلا بعد شهرين بيحصل نفسه صار جيد باللغه من غير ما يحس


المعلومه المهمه اللي ابي اقوله احساس الضعف باللغه بيكون مع الشخص حتى لو درس الف مستوى

لان اللغه بحر بس الشخص فينا لازم يكون عنده العزيمه على التعلم

ياناس اللغة عمرها ما كانت دراسة ...!
اللغة ممارسة !

يعني لو واحد يخش معهد لو لمدة سنة كاملة في السعودية ويدفع ويدفع وفي الاخير يزعل ويقول ما استفدت شي ...
ليش ؟؟!؟!؟!!؟
أنا ماحجاوب .. بس حسأل سؤال يمكن اجابته تكون قريبه ..
فين استخدمت اللغة اللي تعلمتها باستثناء الوقت اللي في المعهد ؟؟؟
"وما تدري كمان في المعهد المدرس كلامه كله انجليزي ولا لا"
شي أكيد انو ما تستخدم اللغة هذي الا في المعهد بس فقط لاغير !! ولا كان على الأقل استفدت شي
طيب احنا نقول اللغة ممارسة ... يا رب فين الممارسة ؟؟؟؟
عشان كذا فرررق لمن تدرس انجلش هنا وبرا
برا (تعليم + ممارسة) .. وهنا (تعليم فقط)


الزبدة ...
اللي شايل هم ويقول اغلب الطلاب رايحين وعندهم انجلش ووو....
انتا رايح عشان تتعلم مو عشان تروح وانت متعلم من هنا .. والوزارة أعطتك 12 شهر تعلم انجليزي وزيادة 6 أشهر بشروط
12 شهر يعني والله لو الحمار "أكرمكم الله" يكون تعلم كيف ينطق ويكون معاه كم لغه كمان
وانت أول ما تروح هناك وتقابل الناس سواء العائلة اللي انت ساكن معهم .. ولا سواق التاكسي .. ولا المدرس في المدرسة أو اي شخص كان .. راح يعاملك على انك من غير متحدثين لغة اهل البلد وراح يحاول يوصلك المعلومة بأي طريقة كانت حتى لو بالاشارة او انو يجيبلك مترجم ..

وللمعلومية ...
الشعب الأمريكي محترم جدا وخصوصا مع الاجانب الغير متحدثين للانجليزية .. لأنو هوا لمن يشوفك بتنطق كم كلمة انجليزي مكسرة كذا .. هو يخجل ويقول في نفسه " الشخص هذا يتكلم لغته الاصليه وشوي انجلش يعني لغه ونص لكن انا اتكلم انجلش بس"


تقبلوا مروري ,,

انا وجهة نظري من وجهات نظر اختي Bright Mind واخوي Bloodydead

الانجلش اسهل لغه للمعلوميه ولا تخافي مع الممارسه راح تصيرين ثرثارهـ (بالانجلش )

اهم شي حاولوا تحفظون اكبر قدر ممكن من الفوكاب يولري (المفردات) والجمل تتركب تلقائياً بمساعده من الضمائر وادوات الربط...<<نبذهـ بسيطه للمبتدئين

بالتوفيق جميعاً...

دمــــــــــــتــــــــم ســــــــآلـــمـــيــــن..,,,

افضل جملة حمستني في المنتدى على مر الشهور اللي فاتو... ان لم تكن في حياتي

ما اقول الا الله يعطيك الف عااافية على الكلام...

راح تكون دافع لي كلامك , ذا..

الرغبة والاصرار على تعلم اللغة اهم من اي شيء

ناس راحوا ولغتهم متوسطة ورجعوا ولغتهم لا زالت متوسطة

وناس راحوا ميح والحمدلله ورجعوا يتكلمو انجليزي احسن من العربي

وبما ان لديك الاصرار و الرغبة اطمني الخير جايك انشالله اهم شي الثقة لا تضيعيها وحبي الشي الي حتدرسيه والي احب ااكدلك هوا من خلال زيارتي لامريكا ان الامريكان مره يشجعوا الاجنبي على تعلم اللغة اذا حسوا انو بيحاول.

الله يوفقنا واياك

النجليزي خمسه حاجات الكل يعرفها بالاضافه الي الكلمات
اذا اتقنتها احمدربك

والله مو قصة تحطيم بس هذا الواقع .. انا عارفه ومتاكده اني راح اتعلم وعارفه ان الانجليزي سهل بس يبغاله اجتهاد .. بس زي ماقلت لك حاملة هم بداية الحياه هناك خاصه ان في الاول لازم ارتب سكن واسوي لي حساب بنك وفي امور كثير يبغالي ارتبهاا بس ان شاء الله تتسهل انا كل ماصعب علي شي براسل الملحقيه وبشوف المسؤل عننا

وهذا الي بسويه ان شاء الله بشد على حالي ولكل مجتهد نصيب
وقرقري من هنا لبكرا بالعكس كلام افادني واداني دفعه معنوييييييييييه
كثري من قرقتك

هههههههههههههههههههه تمام عليك انظمي الى القائمه

طيب ايش شعورك حاليا بالنسبه للنقطه يعني عارفه ان نص المبتعثين رايحين بدون لغه وربك يفرجها والا حاسه انك متخوفه ؟؟

صحيح هيا الممارسه مفقووده .. وبصراحه كلامك حمسنننننني خاصه اخره فقره
يعطيك العافيه