تكفون علموني انا مرافق مع زوجتي بس عندي مشكلة

تنبيه: هذا الموضوع قديم. تم طرحه قبل 4816 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

فدرالي
مبتعث مستجد Freshman Member

الولايات المتحدة الأمريكية
فدرالي , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسة كهربائية , بجامعة الى الحين الله يسهل....
الى الحين الله يسهل....

هندسة كهربائية

ذكر
اوستن, تكساس

السعودية

Oct 2010
المزيدl
February 15th, 2011, 09:06 PM
February 15th, 2011, 09:06 PM
السلام عليكم يالغالين

انا اوجه مشكلة وهي انا زوجتي قدمت على برنامج خادم الحرمين للابتعاث وتم قبولها ولله الحمد

وبطبع انا زوجتي قدمت على ماجستير وجاها قبول لغه وانا قدمت على نفس معهدها والمشكلة اللي انا اعانيها

اني انا خريج دبلوم كلية تقنية تخصص الكترونيات صناعية وتحكم ونفسي اكمل بكالوريوس والمعهد مو تابع للجامعه

ابي اعرف وش الحل وش اسوي والممكن اني اكون طالب في الجامعه

مكان المعهد في ولاية تكساس مدينة اوستن

اتمنى ارشادي

الله يجزاكم الف خير*
وعليكم السلام ...

وش المشكله الحين ؟ مافي أي مشكلة اذا المعهد ماهو تابع للجامعة ..

وأنت تدرس اللغة تسوي زي زوجتك تقدم على جامعه عشان بعد ماتخلص اللغه تدرس عندها ...

يعني عادي تدرس اللغه وبعد ماتخلص تدرس في اي جامعه مو شرط تدرس في معهد تابع لجامعه عرفت ؟!

عاد انت تقنية مدري وش يصير عليك يمكن يعادلون لك بعض المواد وتكمل دراستك او انك تدرس من جديد بشهادة الثانوي يعني ...

اتمنى فهمت علي ..بالتوفيق
استغفرالله
February 15th, 2011, 09:44 PM
7 "
واذا قصدك انك معك لغه زينه وتبي تدرس الجامعه علطول بدون معهد اللغه ؟
فهم يشترطون اجتياز فترة اللغه او يكون معك التوفل ...

تدرس لغه في المعهد وبعدين تقدم على أي جامعه في ولايتكم ...نفس الي بتسوي زوجتك واذا قدمت على جامعة تكلم الملحقية بامريكا وتصير حالك حالك المبتعثين ...
استغفرالله
February 15th, 2011, 09:47 PM
7 "
طيب وشلون اعادل الشهادة وهل ممكن اعادل شهادة كلية التقنية اتمنى تفيدوووني
فدرالي
February 15th, 2011, 09:48 PM
7 "
بعض جامعات أمريكا تعادل الشهادة ..
انت هناك باذن الله شوف الجامعات اللي تعادلك المواد اللي انت درستها عشان ماتدرسها مره ثانيه ...

اللي عليك الحين وتقدر تسويه :
تاخذ شهادة التقنيه وتترجمها عند مكتب كويس وتاخذ النسخه المترجمه وتختمها عند الكليه التقنية الي درست فيها
وتاخذ 3 توصيات من الي درسوك في الكليه التقنية وتختمها وتخليهم يحطونها بظرف من عندهم ويختمون الظرف
وبس عاد انت هناك تشوف الوضع وتبحث اذا حصلت جامعه في ولايتك تعادلك او تدرس بشهادة الثانوي يعني يمكن حتى لو عادلولك بتدرس 4 سنوات بكالريوس عادي بس بتقل عليك المواد

بالتوفيق
استغفرالله
February 15th, 2011, 09:56 PM
7 "
الله يجزاك الف خير بس انا دبلوم هل احتاج الى توصيات من الكلية حقتي
فدرالي
February 15th, 2011, 10:01 PM
7 "
السلام عليكم ورحمة الله وبركاته

استغربت من صياغة سؤالك : " أنك تعاني من مشكلة وهي قبول زوجتك في برنامج خادم الحرمين "

عموماً مثل ماقال الأخ اللي قبلي وهو أنه ليس هناك مشكلة،، تدرس لغة إنت وزوجتك في نفس المعهد لمدة شهر شهرين 6 شهور سنة الى سنة ونص كأقصى حد..

تنتهون من اللغة بإذن الله سواء كان بإجتياز جميع المستويات التي يحددها المعهد أو بإختبار التوفل..

بعدها يجي المحك الأصلي وهو البحث عن قبول جامعة لك ولزوجتك في نفس المدينة (إجباري من الملحقية) سواء تدرسون في جامعة واحدة أو مختلفة ولكن لابد أن تكون في نفس المدينة

بالنسبة لمعادلة درجة الدبلوم، هناك جامعات كثيرة تعادل مادرسته من مواد في الدبلوم وهناك جامعات لاتقبل.. ابحث عن الجامعات التي تعادل دبلومك وبالمرة موجود فيها تخصص زوجتك إذا حابين تدرسون في نفس الجامعة

بالنسبة للتوصيات سواء كانت أكاديمية أو خبرة عمل من مديرك، فهي تدعم قبولك بالجامعة لاأقل أو أكثر

بما أن وضعك في البحث عن قبول جامعة يعتبر أصعب من زوجتك في وجهة نظري، فأنصحك أن تحاول الإنتهاء من فترة اللغة بأسرع وقت قبل زوجتك حتى تتمكن أنت من البحث لك عن قبول ومن ثم تتقدم زوجتك لنفس الجامعة..

والله المستعان والموفق
Al Fattah
February 15th, 2011, 11:01 PM
7 "