عرض للطباعة
السلام عليكم ورحمة الله وبركاتة .....
انا رحلتي يوم الاثنين 28-2-2011 من الدمام الي الدوحة ومن الدوحة لواشنطن ومن واشنطن لبورتلاندعلى الخطوط القطرية
وبغيت اسال عن افضل الفنادق في واشنطن القريبة من الملحقية وعن السكن في بورتلاند
فياليت من لدية اي خبرة في هذا المجال ان ينفعني .
اختي الموضوع بسيط ..
كله اونلاين .. يعني بالنسبه لواشنطن سوي بحث في الانترنت عن فندق قريب من الملحقيه وبسعر مناسب لكي ..
بالنسبه لبورتلاند .. نصيحة مني اول كم يوم روحي كمان فندق او حتى موتيل في شغلات نظيفه ..
بتقولين ليه مو من الحين احجز شقه !!
اقولك ليش :::
الحين انتي قدامك فتره قبل ماتروحين في كذا موقع انا جالسه استخدمهم هالفتره ادور ع شقق قريبه من معهدي وحطيت عيني على كذا وحدة مواصفاتها واسعارها تناسبني وكلمتهم سالت اذا لسا في شقق شاغره اكدولي هالكلام ..
المهم اني ماحجزت .. لييييييييه !!!
المشكلة امريكا مو زي دبي ==متعودة دبي احجز اونلاين وبدون مافكر اصلا لانهم قول وفعل !!
لكن امريكا الصووور في وااادي والمكان في وادي .. مااقولك كل الشقق بس الاغلبيه ..
طيب بتتسالين وش دراني وانا لسا هنا ..:)==حطيت نفسي مكانك ..
ياستي انا اخويا بامريكا له فوق السنه و شاف العجب العجاب الفرق الشاسع بين الصور وبين الحقيقه مو شرط انه مررره يكون دمار بس مثلا الارضيه تكون معدومة و مو نظيفه و الاثاث هريان اشيا كثيره ماتتوقيعها فرق عن الصور ..
فمثل ماقلت لك ابحثي باستخدام مواقع البحث للشقق ..وشوفي وش اقرب لمعهدك واختاري كذا خيار بعدين اذا رحتي اجلسي يوومين في فندق لين تروحين بنفسك تشوفين الشقق واختاري الي تطابق مواصفاتك ..
طبعا في طريقه مرررره حلوه تعلمتها عن طريق قوقل مابز .. تحطين عنوان معهدك وبعدين عنوان الشقق ويحسب لك المسافة كم بالكيلو او الميل وكم الوقت الي يستغرق الوصول من كل منهم للثاني بالسياره او بالدراجه او بالمشي .. مررره ساعدتني هالطريقة ..
هذي بعض المواقع الي ساعدتني في البحث عن سكن :
الموقع الثاني اكثر المواقع الي حبيتها لانه يعطي تفاصيل كثيره عن السكن يعني زي تاريخ البناء او وش نوع العقد بالضبط شهري والا سنوي او نصف سنوي ..
اتمنى اني اكون افدتك ..
بالتوفيق ..
انتي اول ماتروحي هناك الملحقيه توفر لك سكن بفندق سعره معقول نسبيا يعني حوالي 100 دولار .. بس انتي تدفعيها
وبالنسبه للسكن بصفه عامه فاعتقد الاخت IbTiSaM_ .. كفت ووفت