الأعضاء الإشتراك و التسجيل

الملتقيات
ADs

ضروري بخصوص الابتعاث لبريطانيا

ضروري بخصوص الابتعاث لبريطانيا


NOTICE

تنبيه: هذا الموضوع قديم. تم طرحه قبل 2527 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية LaDy 3No0oDa
    LaDy 3No0oDa

    مبتعث جديد New Member

    LaDy 3No0oDa المملكة المتحدة

    LaDy 3No0oDa , أنثى. مبتعث جديد New Member. من السعودية , مبتعث فى المملكة المتحدة , تخصصى English , بجامعة Imam University
    • Imam University
    • English
    • أنثى
    • الرياض, لندن
    • السعودية
    • Feb 2011
    المزيدl

    February 21st, 2011, 11:48 AM

    السلام عليكم ورحمة الله وبركاته

    اخواني انا عندي كذا استفسار .. ومتعشمه فيكم خير اني راح اجد منكم المعونه والتفاعل

    انا ابي اقدم على بعثه لبريطانيا لدراسة الماجستير .. وافضل لندن بالتحديد لحاجة في نفسي ..

    انا قريت من موقع الوزاره الشروط المطلوبه وكلها شروط بسيطه الا شرط واحد للاسف مو متوفر فيني والي هو المعدل ,, لأن هم طالبين ما يقل المعدل عن 3.75 من 5 وانا مع الاسف معدلي 3 فقط من 5 الي ابي اسأل عنه :


    1- تتوقعون فيه امكانيه يتغاضون عن هالنقطه ؟؟ هل فيه بصيص من الامل .. لو احتمال واحد بالميه ان شاءالله

    2- تتوقعون يفتحون باب الابتعاث لبريطانيا في القريب العاجل ؟؟ لأني اخاف يمر الوقت وتروح السنين وبعدين يصير مر على تخرجي اكثر من خمس سنوات

    3- هل لو اطلع على حسابي بالاول .. فرصتي بالانضمام للبعثه كبيره ؟؟؟
    وياليت احد يتكرم ويحسب لي كم تقدر التكاليف بالمعدل الوسط .. لو راح ادرس على حسابي


    4- هل تقدر تحل الواسطه مشكلتي بعد رب العالمين

    5-بالنسبه للمحرم .. عادي لو يكون مرافقي الوالده مثلا .. ومع كتابة موافقه خطيه وتصريح من الوالد انها هي الي بتروح معي .. او لازم رجل سواء اب او زوج او اخ او غيره ؟؟؟

    6- فيما لو تسكرت علي من كل الجهات الله لا يقوله .. تنصحوني انضم لبرنامج من برامج احد المعاهد والمراكز القويه والمعترف بها للدراسه في بريطانيا .. وهل فيها تخصصات مثل التسويق مثلا او ادارة اعمال او اي شي ثاني بالاضافه للغه الانجليزيه طبعا ؟؟
    وياليت احد يزودني بالمعاهد الممتازه من حيث الجوده والسعر المعقول لأن اسعارهم فظيعه بعد ما اطلعت عليها .. اقل شي 30 الف


    ومشكورين يعطيكم ربي الف عافيه ... اتمنى التفاعل والرد لأن نفسيتي دمار بسبب التفكير في هذا الموضوع واكثر ما نكد علي موضوع المعدل .. لأن لو معدلي كويس ماعندي مشكله
  2. هلا اختي المشكله الكبيره في المعدل وما ادري يمكن يتغاضون عنها والمشكله الثانيه انو موقفين الابتعاث الي بريطانيا لاجل غير مسمى انا كنت اتمنى اروح هناك بس ما حصلت طريقه الا وحده الي هي تروحي على حسابك الشخصي وبعدين تطلبين انضمام للبعثه والله يوفقك وييسر لك كل امورك
    7 "
  3. 1- تتوقعون فيه امكانيه يتغاضون عن هالنقطه ؟؟ هل فيه بصيص من الامل .. لو احتمال واحد بالميه ان شاءالله
    شوفي من الاخر برطانيا غسلي يدك منها فرصة الابتعاث فيها ضعيفه وكثير اعرفهم في برطانيا ضيعو وقت علر الفاضي وفلوس
    اغلبهم حولو على امريكا ومنهم جاهم النصيب وابتعثو لكن اذا انتي يعني مره مصره عليها انا اعرف مكتب هناك كويس ويضبط
    لك كل امورك وببلاش لكن نصيحه مني امريكا افضلك

    2- تتوقعون يفتحون باب الابتعاث لبريطانيا في القريب العاجل ؟؟ لأني اخاف يمر الوقت وتروح السنين وبعدين يصير مر على تخرجي اكثر من خمس سنوات
    ليه تضيع وقت البلدان الثانيه ياكثرها الا اذا فيه سبب شخصي انك تروحي هناك راجع لك بس تري البلد مره بيض وشعبهم ممل

    3- هل لو اطلع على حسابي بالاول .. فرصتي بالانضمام للبعثه كبيره ؟؟؟
    وياليت احد يتكرم ويحسب لي كم تقدر التكاليف بالمعدل الوسط .. لو راح ادرس على حسابي
    لا ولكن ممكن لما يفتحوها خخخ وانا ماتوقع لانو اغلب البلد محتله من السعوديين خخخخ
    السكن اولا اقل شي سكن مره رخيص وريحتو طالعه ٨٠٠ باوند لندن غرفه وحمام انتي وحضك

    4- هل تقدر تحل الواسطه مشكلتي بعد رب العالمين
    لا
    5-بالنسبه للمحرم .. عادي لو يكون مرافقي الوالده مثلا .. ومع كتابة موافقه خطيه وتصريح من الوالد انها هي الي بتروح معي .. او لازم رجل سواء اب او زوج او اخ او غيره ؟؟؟
    لازم ذكر لوووول
    6- فيما لو تسكرت علي من كل الجهات الله لا يقوله .. تنصحوني انضم لبرنامج من برامج احد المعاهد والمراكز القويه والمعترف بها للدراسه في بريطانيا .. وهل فيها تخصصات مثل التسويق مثلا او ادارة اعمال او اي شي ثاني بالاضافه للغه الانجليزيه طبعا ؟؟
    وياليت احد يزودني بالمعاهد الممتازه من حيث الجوده والسعر المعقول لأن اسعارهم فظيعه بعد ما اطلعت عليها .. اقل شي 30 الف
    قلت لك اعرف مكتب هناك يضبطك
    ومعليش لكن انا رديت عليكي بكل صراحه وعن واقع تجربه فلاتخذي الموضوع بحساسيه وتقييمك يابطله
    7 "
  4. المشاركة الأصلية كتبت بواسطة lilo
    مالي علم يا اختي , لكن ربي يوفقك ودائماُ خلي املك بالله كبير
    يكفي ياحبيلك الدعوه الجميله والمشاركه الوجدانيه .. الله يوفقنا جميعا


    المشاركة الأصلية كتبت بواسطة مع نفسك
    هلا اختي المشكله الكبيره في المعدل وما ادري يمكن يتغاضون عنها والمشكله الثانيه انو موقفين الابتعاث الي بريطانيا لاجل غير مسمى انا كنت اتمنى اروح هناك بس ما حصلت طريقه الا وحده الي هي تروحي على حسابك الشخصي وبعدين تطلبين انضمام للبعثه والله يوفقك وييسر لك كل امورك
    هلا فيك اخوي .. بالضبط مشكلتي المعدل وانا اساسا كنت على امل يفتحونه خلال الفتره القريبه القادمه واقول لعل وعسى .. لكن طلعت لي مشكلة المعدل الحين وزادت الطين بله .. عشان كذا سألت هل ممكن يتغاضون عنه بما اني مازلت في الـ 3
    نعم اخوي بالنسبه لي بريطانيا هي الانسب .. وفكرت اروح على حسابي بس صراحه خفت اتوهق .. يعني يصير لا طلت بلح الشام ولا عنب اليمن .. لا انا الي درست وكملت بسبب ارتفاع التكاليف ..ولا هم ضموني للبعثه وخسرت فلوسي عالفاضي .. هذا الي انا متخوفه منه
    اللهم آمين الجميع ان شاءالله

    المشاركة الأصلية كتبت بواسطة منعطف خطير
    ابشري بعزك انتظري علي يومين بكلم الوالد يخاطب لك احد بملحقية لندن انتظريني لكن مااوعدك بكثير
    الله يبشرك بكل خير .. ميخالف انتظر بدال اليومين شهر لو بغيت .. بس ردك عطاني شوية امل
    ياليت الله يعافيك والله تصيرين سويتي فيني خير مهب قليل ابد .. والله هذا العشم فيكم ماقصرتي ياختي الله يكثر من امثالك


    المشاركة الأصلية كتبت بواسطة Dream Catcher
    1-
    شوفي من الاخر برطانيا غسلي يدك منها فرصة الابتعاث فيها ضعيفه وكثير اعرفهم في برطانيا ضيعو وقت علر الفاضي وفلوس
    اغلبهم حولو على امريكا ومنهم جاهم النصيب وابتعثو لكن اذا انتي يعني مره مصره عليها انا اعرف مكتب هناك كويس ويضبط
    لك كل امورك وببلاش لكن نصيحه مني امريكا افضلك
    والله ياخوي لو اقدر اهون عنها كان ماجيت اسأل وادور على طرف امل في مسألتي
    فأنا مقتنعه تمام الاقتناع ببريطانيا لعدة اسباب .. من ابسطها القرب وقلة ساعات السفر بينا وبينهم وهذا شي بحد ذاته ميزه تحسب لبريطانيا
    والله ياليت ياخوي .. انا ابي اي شي ممكن يفيدني .. بس وش آلية هالمكتب و وش بالضبط صلاحياته ؟؟
    ياليت تشرح لي من فضلك


    ليه تضيع وقت البلدان الثانيه ياكثرها الا اذا فيه سبب شخصي انك تروحي هناك راجع لك بس تري البلد مره بيض وشعبهم ممل
    للاسف مضطره .. وهذا الي مصبرني لكن مثل ماذكرت اخاف يروح الوقت ماسويت شي
    لا لا شعبهم محترم جدددددا ونظامي .. وانا اقدر النظاميين .. واسباب كثيره تخليني افضل بريطانيا عن غيرها

    لا ولكن ممكن لما يفتحوها خخخ وانا ماتوقع لانو اغلب البلد محتله من السعوديين خخخخ
    السكن اولا اقل شي سكن مره رخيص وريحتو طالعه 800 باوند لندن غرفه وحمام انتي وحضك
    بالفعل السكن غالي جدا هناك .. بس مثل ما ذكرت اخاف اتورط و حتى لو فتحوها اخاف ما يضموني .. مدري ابي شي مضمون عرفت


    لا
    معقوله !! حتى الواسطه مو قادره تحل هالاشكاليه !!؟



    لازم ذكر لوووول
    هههههههههه هذا بلا ابوك يا عقاب .. مشكلتنا عاد ندور محرم من هنا ولا من هنا .. محد له خلق احد الحين

    قلت لك اعرف مكتب هناك يضبطك
    ومعليش لكن انا رديت عليكي بكل صراحه وعن واقع تجربه فلاتخذي الموضوع بحساسيه وتقييمك يابطله
    اوكي اخوي الله يعطيك العافيه .. اتمنى ولا عليك امر انك تفيدني بخصوص هالمكتب الي تقول وتوضح لي اكثر عنه
    بالعكس المطلوب الصراحه .. وش فايدة انك تقول غير الصراحه وتعشمني وفي النهايه انصدم وبالتالي .. لاشيء
    وابدا ابدا وانا اختك .. الموضوع مستحيل يؤخذ بحساسيه لان من الاساس ما اشوف فيه اي شي غلط يخليني اتحسس من الاساس




    مشكورين جميعا وما استغني عن افادتكم الله يوفقكم ويسهل امركم دنيا واخره
    7 "
  5. احسك مصره ومتمسكه ماشاء الله عليكي الامل حلو كثير شوفي المعدل ماهو شي اساسي اهم شي انك

    اول شي تتعدي مرحلة الايلتس وتجيبي اقل شي ٦ ونص وبعد كذا قبول جامعي جبتي القبول ياحلوه اقل شي تدرسين

    ٩ ساعات ومن بعدها راح يبتعثونك لانك حسب النظام جبتي قبول ومعدلك يكون عالي في دراستك الجديده راح يقبلونك بكل تآكيد

    بس الله يعينك على مصاريف اللغه والسكن والمعدل القديم ماراح يطالبونك فيه طالما كل اوراقك سليمه وانا اتكلم عن مرحلت الماجستير

    وترى الداراسه كفته هناك مره سهاله سنه ونتي مخلصه وغير كذا ياكثر المكاتب هناك الي تجيب قبولات لانها الشغله تجاريه بحته

    ماهو زي امريكا مقفوله خخخخخ لازم جي ار اي ولا جيمات مره سهاله برطانيا بس لازم لك كاش عشت فيها ومره ومره غاليه البلد

    خاصه لندن انا افضلك تروحي منطقه اسمها بورموث حلوه ورخيصه ولا سوانزي او كارديف وكلها مدن بحريه ورائعه

    واذا بغيتي رقم المكتب الي راح ترسلين له اوراقك عشان يخلصها لك ارسلي خاص عشان ارسله لكي ياسكر بس تقييمك
    7 "
  6. المشاركة الأصلية كتبت بواسطة منعطف خطير
    غريبه ابوي ماجاء يرد انتظري للويكند بس اوعدك بيجي ويرد عليك ...........
    معليش يا قلبي .. عادي خذي راحتك .. بس تكفين ولاعليك امر .. ياليت تقولين له يستقصي في الموضوع ويبحث ويسأل عن كل الطرق الممكنه لحل مشكلتي .. والله يوفقك ويعطيك العافيه انتي والوالد الله يحفظه


    المشاركة الأصلية كتبت بواسطة Hsaisa
    مرا ما فيه امل يتغااظون
    شي مستحيل قبولك
    خذي العلم مني
    ياربيييييييه طيب كيف الحين .. ناس تقول لا وناس تقول ايه
    طيب معليش على اي اساس انتي متأكده ؟


    المشاركة الأصلية كتبت بواسطة Dream Catcher
    احسك مصره ومتمسكه ماشاء الله عليكي الامل حلو كثير شوفي المعدل ماهو شي اساسي اهم شي انك

    اول شي تتعدي مرحلة الايلتس وتجيبي اقل شي 6 ونص وبعد كذا قبول جامعي جبتي القبول ياحلوه اقل شي تدرسين

    9 ساعات ومن بعدها راح يبتعثونك لانك حسب النظام جبتي قبول ومعدلك يكون عالي في دراستك الجديده راح يقبلونك بكل تآكيد

    بس الله يعينك على مصاريف اللغه والسكن والمعدل القديم ماراح يطالبونك فيه طالما كل اوراقك سليمه وانا اتكلم عن مرحلت الماجستير

    وترى الداراسه كفته هناك مره سهاله سنه ونتي مخلصه وغير كذا ياكثر المكاتب هناك الي تجيب قبولات لانها الشغله تجاريه بحته

    ماهو زي امريكا مقفوله خخخخخ لازم جي ار اي ولا جيمات مره سهاله برطانيا بس لازم لك كاش عشت فيها ومره ومره غاليه البلد

    خاصه لندن انا افضلك تروحي منطقه اسمها بورموث حلوه ورخيصه ولا سوانزي او كارديف وكلها مدن بحريه ورائعه

    واذا بغيتي رقم المكتب الي راح ترسلين له اوراقك عشان يخلصها لك ارسلي خاص عشان ارسله لكي ياسكر بس تقييمك
    حلو حلو .. يعني مختصر كلامك وعلى حسب ما فهمت منك :
    1- اجتاز اختبار الايلتس .. طيب سؤال ..اقدر اخذ الاختبار اكثر من مره ؟ يعني افرض اختبرته وجبت مو كويس فيه .. اقدر اعيده مره ثانيه لين اجتازه او لا ؟؟


    2- اني ادرس اول شي على حسابي .. 9 ساعات اقل شي في الجامعه الي قبلتني
    وبعدين اقدم لهم اوراقي ومعدلي الجديد الي درسته في هذي الجامعه يكون مرتفع .. طيب السؤال هنا .. اخاف بعد هذا كله يرفضوني ويقولون احنا مقفلينها .. لأني قريت كذا موضوع عن ناس سوو كذا وتوهقوا .. تتوقع ليش ؟؟
    ايه اخوي انا ابي البعثه لمرحلة الماجستير


    3- طيب اذا انا لغتي كويسه اقدر التحق بالجامعه على طول ؟؟ او لازم الفاونديشن يير ؟؟


    4- بورموث ما مدحوها لي ابد .. من حيث الناس الي فيها قصدي . انا رغبتي الشديده لندن .. ولو مره مره ما حصلت لي .. خياري الثاني مانشستر .


    5- بالنسبه لأوراقي لسى ماجهزت .. لأني توني ما بعد تخرجت وهذا أخر سيميستر لي ان شاءالله .. بس اخلص .. اسعى في اوراقي .. اول ما اخلص راح اطلبه منك ولا عليك امر .. ابشر


    وبالنسبة لمصرّه .. جدا مصره ..لأنه مو للدراسه فقط .. حتى عشان اكتساب خبرات في الحياة

    7 "

  7. بسم الله الرحمن الرحيم

    وعليكم السلام ورحمة الله وبركاته

    معذرة على التأخير يابنتي...ولكني ماصرت أدخل المنتدى كثير..

    بداية خليني أقولك اني رحت للملحقية قبل شهر من الآن لمسؤول يعتبر في أعين الطلاب كبير ( والحقيقه ان الملحقيه كلها تعتبر فرع من الوزارة ولا يتجاوزون كونهم موظفيين عاديين ) وكلمته بخصوص ابتعاث أحد أخواني المستوفي لجميع الشروط المطلوبة من معدل وخلافه...فقال لي بالحرف الواحد: والله آسف جداً جداً...ولا أحد يقدر يخدمك في موضوع أخوك الا الملحق بنفسه أو نائبة فقط..يعني فيه قبول...ولكن عن طريقهم فقط.

    وعشان كذا المعذرة منك ومن بنتي اللي تعشمت فيه خير..ولكن ماباليد حيلة..

    ولكني خلينا نشوف أسئلتك..

    المشاركة الأصلية كتبت بواسطة LaDy 3No0oDa
    تتوقعون فيه امكانيه يتغاضون عن هالنقطه ؟؟ هل فيه بصيص من الامل .. لو احتمال واحد بالميه ان شاءالله
    شرط المعدل غير معمول به إذا كنتي على حسابك...المهم درجاتك في دراسة الماستر في بريطانيا..

    المشاركة الأصلية كتبت بواسطة LaDy 3No0oDa
    تتوقعون يفتحون باب الابتعاث لبريطانيا في القريب العاجل ؟؟ لأني اخاف يمر الوقت وتروح السنين وبعدين يصير مر على تخرجي اكثر من خمس سنوات
    ماراح يفتحون باب الإبتعاث في بريطانيا قبل سنتين من الآن...والحكمه من هذا..انهم ينتظرون مزيد من الدفعات تتخرج حتى تتنفس بريطانيا من أثر السعوديين..

    المشاركة الأصلية كتبت بواسطة LaDy 3No0oDa
    هل لو اطلع على حسابي بالاول .. فرصتي بالانضمام للبعثه كبيره ؟؟؟
    وياليت احد يتكرم ويحسب لي كم تقدر التكاليف بالمعدل الوسط .. لو راح ادرس على حسابي

    الفرص متساوية للجميع بالنسبة للشروط...ولكن راح تفرق معاك بحسب درجاتك وانتظامك...يعني العلاقة طردية بين درجاتك وحظورك وفرص انضمامك للبعثة...

    بالنسبة للتكاليف...راح يكفيك مايكفي الطالب المبتعث...يعني تقريباً 1200 £ ...إضافة لتكاليف دراسة سنة اللغة.. معدلها 6000 £ وسنة الماستر 9500 £ يعني المجموع النهائي يطلع لك تقريباً..22000 £ اللي تساوي تقريباً 136000 ريال

    ولكن المبالغ هذا ترجع لك بمجرد انضمامك للبعثة....ولا راح تظطري تدفعي الا تكاليف أول سنة لغة...وتصرفي على نفسك شهرياً...

    يعني راح تدفعي قبل ماتسافري 6000 £ وبعدها يساعدونك اهلك على فترات شهريه...لما تنهي سنة اللغة...وإذا أنهيتي سنة اللغة بدرجة عالية..يعني 7 أو أكثر.. توقعي يضمونك للبعثه بكل سهولة..

    أعرف أحد المبتعثين حصل على 7 في الآيلتس في 6 شهور بس...مع العلم انه وصل بريطانيا كمبتدئ..
    يعني لو حصلتي على 7 أو 6.5 على الأقل في ستة شهور...راح يعطي اشارة للملحقية بجديتك ورغبتك الشديدة..وراح يقبلونك مباشرة..

    الملخص النهائي..ادفعي سنة اللغة...وتأكدي من وجود داعم شهري ...وشدي حيلك...وخلصي بدري...بمجرد ابتعاثك راح يعيدون جميع المبالغ اللي دفعتيها لدراستك..

    المشاركة الأصلية كتبت بواسطة LaDy 3No0oDa
    هل تقدر تحل الواسطه مشكلتي بعد رب العالمين
    نعم...لازم واسطة من السعودية تبتعثك...أو أحد يعرف الملحق أو نائبه..

    المشاركة الأصلية كتبت بواسطة LaDy 3No0oDa
    بالنسبه للمحرم .. عادي لو يكون مرافقي الوالده مثلا .. ومع كتابة موافقه خطيه وتصريح من الوالد انها هي الي بتروح معي .. او لازم رجل سواء اب او زوج او اخ او غيره ؟؟؟

    طاعة الله أولاً...ولو أردتي طاعة الله...راح تبحثي بكل إخلاص وخشية من رب العالمين على إجابه لهذا السؤال من أهل العلم الراسخين فيه...وترك ماسوى ذلك..لأنه لو تغاضيتي عن هذا الشرط رغبة منك في إكمال دراستك...فالله العالم ان ربنا لن يتغاضى الا إن شاء..

    المشاركة الأصلية كتبت بواسطة LaDy 3No0oDa
    فيما لو تسكرت علي من كل الجهات الله لا يقوله .. تنصحوني انضم لبرنامج من برامج احد المعاهد والمراكز القويه والمعترف بها للدراسه في بريطانيا .. وهل فيها تخصصات مثل التسويق مثلا او ادارة اعمال او اي شي ثاني بالاضافه للغه الانجليزيه طبعا ؟؟
    وياليت احد يزودني بالمعاهد الممتازه من حيث الجوده والسعر المعقول لأن اسعارهم فظيعه بعد ما اطلعت عليها .. اقل شي 30 الف
    أنا أشوف انك تتبعين الكلام اللي ذكرته فوق..وتتركي باقي المعاهد..

    والمعذرة منك إذا خيبت ظنك يابنتي..واعلمي ان امر الله كله خير...
    7 "
  8. المشاركة الأصلية كتبت بواسطة الحـــاج مـــوسى

    بسم الله الرحمن الرحيم

    وعليكم السلام ورحمة الله وبركاته

    معذرة على التأخير يابنتي...ولكني ماصرت أدخل المنتدى كثير..

    بداية خليني أقولك اني رحت للملحقية قبل شهر من الآن لمسؤول يعتبر في أعين الطلاب كبير ( والحقيقه ان الملحقيه كلها تعتبر فرع من الوزارة ولا يتجاوزون كونهم موظفيين عاديين ) وكلمته بخصوص ابتعاث أحد أخواني المستوفي لجميع الشروط المطلوبة من معدل وخلافه...فقال لي بالحرف الواحد: والله آسف جداً جداً...ولا أحد يقدر يخدمك في موضوع أخوك الا الملحق بنفسه أو نائبة فقط..يعني فيه قبول...ولكن عن طريقهم فقط.

    وعشان كذا المعذرة منك ومن بنتي اللي تعشمت فيه خير..ولكن ماباليد حيلة..
    لا الله يجزاك خير لا تأخير ولا شي .. وربي يوفقك لتكرمك وحضورك واجابتك على اسئلتي .. انت وبقية الاخوان والاخوات

    اهاااا يعني من كلامك هذا افهم انه اغسل يديني من الالتحاق بالبعثه من اولها .. الا في حال وجود واسطه قويه على معرفه بالملحق او نائبه ؟
    ولو القى واسطه حتى في ظل معدلي الي غير متوافق وان باب الابتعاث مغلق لبريطانيا ممكن ابتعث بوجود الواسطه بعد مشيئة وقدرة رب العالمين ..

    شرط المعدل غير معمول به إذا كنتي على حسابك...المهم درجاتك في دراسة الماستر في بريطانيا..
    اها يحسب لي معدلي الجديد الي حصلت عليه من خلال دراستي في بريطانيا .. لكن في حال لو طلبت بعد كم سنه انضمام للبعثه وانا بمعدلي هذا راح يرفضون صح يعني لا يمكن يتغاضون لأنه شرط من الشروط

    ماراح يفتحون باب الإبتعاث في بريطانيا قبل سنتين من الآن...والحكمه من هذا..انهم ينتظرون مزيد من الدفعات تتخرج حتى تتنفس بريطانيا من أثر السعوديين..
    اوكي مو مشكله اذا في حدود سنتين او ثلاثه .. ممكن اصبر .. ومنها اعد نفسي خلال هالسنوات لامتحان الايلتس


    الفرص متساوية للجميع بالنسبة للشروط...ولكن راح تفرق معاك بحسب درجاتك وانتظامك...يعني العلاقة طردية بين درجاتك وحظورك وفرص انضمامك للبعثة...

    بالنسبة للتكاليف...راح يكفيك مايكفي الطالب المبتعث...يعني تقريباً 1200 £ ...إضافة لتكاليف دراسة سنة اللغة.. معدلها 6000 £ وسنة الماستر 9500 £ يعني المجموع النهائي يطلع لك تقريباً..22000 £ اللي تساوي تقريباً 136000 ريال

    ولكن المبالغ هذا ترجع لك بمجرد انضمامك للبعثة....ولا راح تظطري تدفعي الا تكاليف أول سنة لغة...وتصرفي على نفسك شهرياً...

    يعني راح تدفعي قبل ماتسافري 6000 £ وبعدها يساعدونك اهلك على فترات شهريه...لما تنهي سنة اللغة...وإذا أنهيتي سنة اللغة بدرجة عالية..يعني 7 أو أكثر.. توقعي يضمونك للبعثه بكل سهولة..

    أعرف أحد المبتعثين حصل على 7 في الآيلتس في 6 شهور بس...مع العلم انه وصل بريطانيا كمبتدئ..
    يعني لو حصلتي على 7 أو 6.5 على الأقل في ستة شهور...راح يعطي اشارة للملحقية بجديتك ورغبتك الشديدة..وراح يقبلونك مباشرة..

    الملخص النهائي..ادفعي سنة اللغة...وتأكدي من وجود داعم شهري ...وشدي حيلك...وخلصي بدري...بمجرد ابتعاثك راح يعيدون جميع المبالغ اللي دفعتيها لدراستك..
    يعني لو اروح على حسابي واشد حيلي .. هذا يساعد في سرعة قبولي وانضمامي ..
    1200 باوند كراتب شهري
    6000 باوند تكاليف سنه كامله .. وهي سنة اللغه
    9500 باوند تكاليف سنه كامله .. وهي سنة الماستر
    يعني ادفع 136000 ريال مصاريف سنتين صح ؟

    حلو فهمت .. طيب هذا الي تقول راح كمبتدئ .. تقصد ان لغته مو كويسه مره اول ما راح ؟؟ يعني هو شد حيله واشتغل على نفسه وفي خلال 6 شهور اختبر الايلتس وحصل هالمعدل في الاختبار؟؟


    نعم...لازم واسطة من السعودية تبتعثك...أو أحد يعرف الملحق أو نائبه..
    جميل .. يعني لو توفرت الواسطه انحلت كل مشكلتي بإذن الله



    طاعة الله أولاً...ولو أردتي طاعة الله...راح تبحثي بكل إخلاص وخشية من رب العالمين على إجابه لهذا السؤال من أهل العلم الراسخين فيه...وترك ماسوى ذلك..لأنه لو تغاضيتي عن هذا الشرط رغبة منك في إكمال دراستك...فالله العالم ان ربنا لن يتغاضى الا إن شاء..
    صح .. الله يجزاك خير .. بس تعرف ساعات الظروف تحدك والله يعين الجميع

    أنا أشوف انك تتبعين الكلام اللي ذكرته فوق..وتتركي باقي المعاهد..

    والمعذرة منك إذا خيبت ظنك يابنتي..واعلمي ان امر الله كله خير...
    انا والله ما اقتنعت بالمعاهد ابد .. بس قلت اضعف الايمان
    فعلا كلامك عين العقل .. وربي يسخر لك يارب .. مشكور كلام جميل وشرح واااااضح جدا
    الله يوفقك يارب وابد انت افدتني كثير كثير الله يجعله في ميزان حسناتك
    ونعم بالله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.