أنا موظف حكومي وجائتني بعثة لأمريكا في برنامج الملك عبدالله

عليكم السلام و رحمة الله و بركاته
اللي أعرفه أنهم ما يدققوا إلا قبل الترشيح
يعني بعد ما ترشحت ما بيدققوا
و ما أظنهم يدققوا عند طباعة قرار الإبتعاث
أنصحك طالما الوزارة ما كلمتك وضعك في السليم , ولا تقدم إستقالة الآن
و حتى لو كلموك لا سمح الله راح يقولوا لك معك مهلة تجيب فيها إخلاء طرف من جهة عملك , ما راح يقولوا لك انت مرفوض
إذا جاتك الفيزا قدم على قرار الإبتعاث
و راح يُطبع بإذن الله بدون ما يسألوك حتى
وقتها استلم تذاكرك بيدك و روح قدم استقالتك و قلبك قدك
بالتوفيق يا الذيب

طيب هل كلامك أكيد أم فقط توقع؟؟
لأني أنا أتوقع مثلك لكن الأكيد الله أعلم به
وشكرا لك

كلامي أكيد بخصوص أن التدقيق على إرتباط المبتعثين بوظائف حكومية , كان أيام الترشيح
و إذا حصل تدقيق بعد هذا , متأكد 100% أنهم سيعطونك مهلة , كما حدث مع الكثير
بس اللي اعرفهم كانوا طلاب في الجامعة , مو موظفين , و تعرف الجامعات تابعة لوزارة التعليم العالي عشان كذا كشفوهم بعد الترشيح

استعينو على قضاء حوائجكم بالكتمان

عليكم السلام ورحمه الله وبركاتة

حسب اللي اعرفه ان ماترشح نفسك لبعثه الا وانت غير موظف

فأذا ماكان وراك ظهر يسندك انتبه يرجعونك للسعوديه

لان فيه ناس كثيرين صارت معهم السالفه هذي
يصرف له راتب من وظيفته ويصرف له راتب الابتعاث وهو يدرس ومضبط اوره لكن بعد فترة اكتشفوه وصارت مشاكل
وغيرها من السوالف كثير
فخلي امورك في السليم تمشي سليم
وانت معلم يعني امورك متيسره ان شاء الله
فما بالك باللي كان عسكري وتجلس معاملته بالشهور عشان ياخذ اخلاء طرف ويعدل مهنته ويطلع يدرس .؟

فأنتبه واحسب حسابك لكل خطوة
والصراحة والصدق طيب دائما
قدم استقالتك عند مدير مدرستك ومدير مدرستك يوصي عليك عند مدير تعليم المحافظه او المنطقه .. وانت ماشي لين ينهون اجراءاتك بكل يسر ان شاء الله

والله يوفقك

انا انصحك تقدم ولا تستقيل ..خذ اجازة استثنائية

السلام عليكم .. انا معلمه وموظفه حكومية .. وقدمت الان على البعثه .. لو لم يتم ترشيحي .. ما اذا افعل ؟؟؟ هل اذهب في فترة الاعتراض واخبرهم اني سوف اقوم بأخذ اجازه استثنائية بدون راتب ، هل سوافقون لي بالانضمام للبعثه وقتها؟؟؟
اتمنى ان تساعدوني .. فليس عندي خبره ولا معلومات عن هذا المجال ..

^^
انا نفس وضعك
بس ما ادري اذا اقدر اخذ استثنائي من اول سنه والا لا

السلام عليكم
انا مثلكم في هدا الوضع وطلعت اليي الوظيفه وانا في امريكا وتركت زوجتي وابنتي في امريكا ورجعت السعوديه لانهاء اجراءات الوظيفه وعند انهاء اجراءات الوظيفه باشرت العمل وتقدمت على اجازة استثنائيه وانا الان انتظر الموافقه عليها والرجوع لزوجتي واكمال دراستي وهدا الشهر الثالث لي والان هم يريدون مني تاريخ بداية الاجازة الان ولكني لا اعرف متى اقدم على الاجازة لاني لم احصل على قبول جامعه حتى الان