ابغا افتح حساب في البنك ؟؟؟

عليكم السلام و رحمة الله و بركاته
خطاب من السفارة !!
سلامات وش يبي ذا
اللي أعرفه يطلبون بطاقة الأحوال و صندوق بريد , فقط لا غير
هذي الطلبات لفتح الحساب الجاري

صادق ياهشام هذه الطلبات طلبوني اياها في البدايه لما جينا نكمل الاجراءات قال لي يبغا خطاب من السفاره ...؟؟؟ ايش الكلام الفاضي ذااا

يانااس دلوني ايش السوااه

وعليكم السلام ورحمة الله وبركاته

شف يالغالي ، انا مدري هالموظف وش قلت له عشان يقولك هات خطاب من السفاره..؟

المفروض تقوله أبغى افتح حساب في البنك وانتهينا بدون اي اضافات يمكن جبت له طاري امريكا إلخ..

الحساب الاضافي ياطويل العمر انك تروح مع اخوك او ابوك وتفتح حساب اضافي تلقى عندهم استمارة خاصه..

لكن هالكلام ما ينفع برأيي..

انا كنت افكر افتح حساب في بنك سامبا وقلت بتصل عليهم واستفسر واتضح لي اني اذا سالت الموظف عن شيء يصرفني ويقولي اتصل على الرقم الفلاني ومن هالكلام...

بعد مابحثت وجدت حسب تفضيل الأعضاء ( الراجحي والاهلي وبنك الانماء )

رحت لموقع الراجحي ونقرت على ايقونة فتح حساب جديد

وعبيت بياناتي بصعوبة..

ويوم رحت لأقرب الفروع قالي هات رقم الطلب الي اخذته من الموقع ويوم شيك قالي باقي ماتفعل الطلب وانا طالب قبل 48 ساعه..؟

اليوم الثاني رحت لفرع ثاني وقلت ابفتح حساب وفتح لي حساب ولا طلب رقم الطلب.. يعني فتح الحساب بنفسه الموظف

خلصت واخذت بطاقة معلومات الحساب ( يجي فيها نوع ورقم الحساب والاسم ورقم العميل ورقم الفرع ) وبطاقة صراف ، بطاقة الصراف ماتآخذها الا بعد ماتودع 75 ريال من عند خدمة الصرافين

اخذت من عندهم مطوية بطاقة تسوق الإئتمانية ورسومها 100ريال في السنه ( فيزا تسوق مسبوقة الدفع ) وعبيتها وقالي تعال بكرة تكون جاهزه الحين الدوام بينتهي..

جيت اليوم الثاني اخذتها ومشيت..

طبعاً انا فتحت حساب وما اخذت بطاقة صراف لأن الجهاز كان خربان في أحد الفروع ، قلت ما احتاجها وش ابي بطاقة صراف انا بس احتاج فيزا ، رحت طلعت فيزا بس كلمت الموظف قالي ماتقدر تسجل في المباشر للأفراد ( اونلاين ) الا ومعك الرقم السري ورقم البطاقة الخاصه بالصراف ورحت وطلعت بطاقة صراف

الكلام كثير عشان تتلافى أخطائي

أي خدمه أنا حاضر وبشرنا اذا فتحت حساب

ولاتنسى أهم شيء ان الاسم على بطاقة فيزا تسوق يكون نفس الجواز أصلاً في المطوية تعبي الاسم الذي تريد بالانجلش..

وبعد بطاقة الصراف لاتنسى نفس السبلينق لأني كنت اسولف مع الموظف يوم طبع الاسم على البطاقة ويوم اخذتها قلت غلط الاسم قالي لازم تدفع رسوم بطاقة جديدة 75 ريال ، قلت يالله مشي الحال اصلا ماني محتاجها هناك كشيء رسمي فقط لما اسحب المبلغ من صرافة اي بنك في امريكا وارميها

موفق

المباشر للأفراد تحتاج تسجل فيه عشان تديل عملياتك عن طريق النت..

والاهم تحول من حسابك الجاري على بطاقة الفيزا عشان تستخدم الفلوس

موفق

الله يسعدك ويوفقك وجزاك الله الف خير على هالشرح الوافي الكافي

لكن اخوي من ناحية بنك ساب انا ماكلمت الموظف عن امريكا وعن اني مبتعث بس هو الي اظطرني اني اقول له قال لي في البدايه انت موظف قلت له لا قال اسف ماقدر افتح لك حساب قلت له انت تقول لي امس ان المتطلبات فقط رقم البريد وتلفون ثابت باسمك وبطاقة الاحوال قال ايه نعم لكن لازم تكون موظف قلت له انا ماني موظف انا مبتعث قال الله يعينك روح جيب خطاب من السفاره واحنا عالطول نسويلك حساب قلت في قلبي يحرم علي اخش هالبنك الخايس ..ومشيت

من ناحية الرجحي انا سويت البارح فتح حساب عن طريق الاون لاين وعلى اساس ان اليوم اروح اكمل الاجراءات بس صارت علي ظروف ومارحت انشالله بكره اكمل باقي الاجراءات

على العموم اشكرك من اعماق قلبي على ردك وشرحك يالغالي