باك الحمد لله وصلت لواشنطن !!!

الف حمدلله عالسلامه اخوي ساهر

حبيت اسالك

انت في معهد امبسي ؟؟

في مجموعة طلاب معك على نفس الرحله معهدهم امبسي يقولون انهم لما وصلو قالو لهم الملحقيه ان المعهد متكدس .. هل المعلومه صحيحه ؟؟ ويقولون انهم حولوهم معاهد ثانيه ؟؟

اتمنى انك تفيدني ودمت بصحه

احب اعتذر لجميع اخواني بسبب التاخير عن عدم الرد

لاني والله مشغول جدا يعني فتح حساب وتوي جاي من المعهد وشغلات كثيرة

اتمنى انكم تعذروني ,,

الله يبارك فيك اختي ,, وعقبالك انشاء الله ,,
والله مادري إذا لازم تبلغي الخطوط او لا
بالنسبة لي واخوياي اللي معي ولا واحد بلغ خطوط ولا غيره
بس اهم شي لازم تعبي الاشعار بوصول طالب جديد لواشنطن عشان المصري يستقبلكم
وبالتوفيق انشاء الله ,,

حبيت أسألك عن قرار الابتعاث ... هل كان معك اصل القرار ام فقط صور منه ..؟
الله يعافيك ياالغالي آمين الله يسمع منك وعقبالك انشاء الله ,,
معي الاثنين لان الصورة راح يطلبون منك اياها الملحقية لمن تكون هناك
تسلم ياالغالي واي سؤال انا حاضر

الله يسلمك وعقبالك انشاء الله ,, متحمس ها
صدقني خذها مني من مجرب
اول ماراح توصل امريكا بتستانس بمناظر وثلوج وحركات
ثاني يوم نقس الشي
ثالث او رابع يوم صدقني راح تحس بالم الغربة وهذا الشي اللي يدمر الطالب بدراسته
يصير مهموم من جد ولا يقدر يركز
عشان كذا لازم تهيئ نفسك مضبوط
وهذا الشي انا الان اعاني منه وابي قدر المستطاع اعدي المرحلة ذي

وبالتوفيق ’’

الله يسلمك ياالغالي ,,

نعم انا في معهد امبسي ,,

صحيح هذا الكلام والطلاب اللي حولوهم اعرفهم شخصيا وانا كنت معهم
وقت اللي قال لهم الرجال تبع الملحقية
انه معهد امبسي خلاص تكدس
وكان ذا الكلام وقت تسليم الاوراق يعني الضمان المالي والتامين الصحي وغيره
وبالحظ انا ماحولوني وعطاني اوراقي كاملة
لكن مادري هل كل الدفعات الجاية بحولوهم او لا
مادري كيف آلية تحويل الطلاب عندهم الصراحة ,,

كذا غبااااء المعهد يرسلك قبول 3/7 بعدين يقول تكدسنا طيب ليش يرسل من الاساس

اللي حولوهم وين حولوهم بعدين انت في اي امبسي ؟

المشكلة ياخوك مو من المعهد المشكلة من الملحقية الغبية ,,

انا اقولك شكلهم حظ ونصيب اللي يبون يخلونه في امبسي وغيره يحولونه

حولوهم إلى الداون تاون

انا في امبسي ميرماك ,,

هلا بأخوي ساهر الليل
أتمنى أن تكون أمورك كلها ميسره بإذن الله بس عندي استفسار بارك الله فيك عن ولاية بوسطن لأني سمعت عنها إنها غاليه جدا
وبعدين لما تصل المطار يقابلك مصري يعني المصري ده محضر في المطار على طول ولا كيف عرف وقت وصولكم وبعدين لما تحجز من السعودية على واشنطن وكذلك تحجز على بوسطن و لا بوسطن تحجز لما توصل هناك
استفسارات واتمنى منك الرد و الله يوفقك

الحمد لله على كل حال ’’
صحيح مدينة بوسطن تعتبر غالية في موضوع السكن ,, وهذا اللي اعاني منه الان انا شخصيا
اخي الكريم انا ذكرت من قبل انه كل طالب جديد لازم يعبي نموذج الاشعار بوصول طالب جديد لواشنطن عشان المصري يكون موجود هناك
وهذا هو الرابط إشعار بوصول مبتعث جديد الى واشنطن العاصمة

اخوي مكتب الطيار اللي بالوزارة هو يوفرلك كل شي
يعني هو اللي يحجزلك لواشنطن وهو نفسه اللي يحجزلك لولايتك اللي راح تدرس فيها
انت كل المطلوب منك تروح للمطار المكتوب لك بالاوراق اللي راح يعطيها لك مكتب الطيار
وتعطيها للمسؤول عن الخطوط اللي انت مسافر عن طريقها وهو بيعطيك البوردينق وكل شي

وبالتوفييق اخوي ’’

الحمدلله على سلامتك
الله يوفقك يارررررررب