الأعضاء الإشتراك و التسجيل

الملتقيات
ADs

الوضع في نورث اندوفر و بوستن الان .....

الوضع في نورث اندوفر و بوستن الان .....


NOTICE

تنبيه: هذا الموضوع قديم. تم طرحه قبل 2483 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية jacky
    jacky

    مبتعث مستجد Freshman Member

    jacky الولايات المتحدة الأمريكية

    jacky , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى medicine , بجامعة not yet
    • not yet
    • medicine
    • ذكر
    • Boston, مكة
    • السعودية
    • Jul 2010
    المزيدl

    February 28th, 2011, 02:16 AM

    بسم الله الرحمن الرحيم

    السلام عليكم ...

    نحن مجموعه من الطلاب السعودين من المرحله السادسه موجودين في نورث اندوفر في معهد امبسي .
    تفاصيل الرحله من وصولنا نورث اندوفر في تاريخ 22فبراير ..
    والوضع في اندوفر مزري لأبعد حد من حيث السكن والمواصلات وسكن العوائل بالذات ، لنا من وصولنا 6 ايام
    في فندق هوليدي ان اكسبرس ، هو الفندق الوحيد في هذه القرية الكئيبة (منفى ) وبصراحة شي مرة ماكنا نتوقعه بهذا السوء وامس كنا في بوستن في الداون تاون ولكن كان الوضع مختلف تماما عم هو في القرية نورث اندوفر
    سوف اتكلم بالغة العامية لانها اسهل واقرب الى القلب من اللغة العربية الفصحى


    نبدأ معاكم ياشباب من هادي المدينة الغبية بكل معنى الكلمة اسف والله غلطت وخليتها مدينة والله قرية وكمان اخس من القرية حبدأ بمميزاتها عشان مميزاتها اقل من عيوبها ميزتها الحلوة انها قرية حقت دراسة منجد مرة الواحد اللي قاعد فيها حتى لو ماكان حق دراسة يصير حق دراسة من هدوء هادي القرية والفلة فيها مرة على قد القد يعني بالعربي على قدها
    المهم خليني اكملكم عن القرية دي وعن المعهد بالنسبة للمعهد مافي احد شكر فيه سواء اللي هنا او اللي في بوستن وسمعت من اصحابي اللي في بوستن انو المعهد حقهم احسن من حقنا لكن حقلكم رأي من هادي الناحية المعهد حتى لو كان سئ لابعد درجة كله في النهاية راح يعتمد على الطالب نفسه واحنا بندرس لغة واعتبر انو اللغة اصلا مو دراسة
    لانو شي لايستحق العناء مجرد لغة والسلام فمن دي الناحية لاتقلقوا اقلكم على حكاية المواصلات الله يعينكم مافي مواصلات بس تكاسي ويتنحل قلبكم عشان يتكرم التكسي ويجيكم والفندق قريب من المعهد وياخد منكم 8 دولار
    طبعا احنا هنا شغالين قطة مع بعض ولو زاد مثلا واحد يزيد دولار معاه يعني مثلا لو شخص يدفع 8 دولار شخصين 9 دولار 3 اشخاص 10 دولار وهكذا....


    نجي نتكلم عن العوائل رحنا للمعهد عشان نطلبه عيلة واحد اسمه مستر بن طبعا مو مستر بن المهوي داكا هههههههههه
    بس برضه هو مهوي وماعنده سالفة قلناله يامستر بن نبغا عيلة قلنا تعالوا بكرة جيناه اليوم التاني قال بحثت ومالقيت
    لكم عيلة لانو عددكم كبير واصلا حتى لو لقيت ماراح الاقي لكم كلكم يعني دي او صدمة لقيناها غير المواصلات
    والى الان قاعدين متكين في الفندق الغبي هولدي ان والله ملينا وفلوسنا قربت تخلص والملحقية اتكرمت علينا ب862 دولار عشان نص شهر مو شهر كامل اهم شي عبوا معاكم مبلغ كويس عشان راح تتخيطوا في الفندق
    واي شي تاني راح اضيفه انا والاخوان راح نحطه في دا الموضوع واي اسئلة أنا والاخوان مستعدين نجاوب عليها كلها
    وربي يعينكم كلكم ويعيننا قبلكم لانو منجد حالتنا صعبة
    وازيدكم من الشعر بيت:
    المنطقه كلها اسبان ، جالسين نتعلم اسباني من انقلش ، والقريه جدا اتخوف ،، مادري ايش القول بس
    والسكورتي حق الفندق يحذر من المنطقه من عصابات .
    وانا ما قلت ذا الكلام الا انننا انكون في الصورهـ

    وسلامتكم ودعواتكم ....
  2. المشاركة الأصلية كتبت بواسطة Dr.maripoo
    الله يعينكم ..لكن البداااية لازم تكون صعبة...
    المهم ... بحكم تجربتكم ...انا رايجة باذن الله بوستون الداون تاون كم احتاج اخذ مبلغ من السعودية كبداية ..(طبعا انا حكون في شقة مستقله )
    بالتوفيق انشالله تاخدي معاكي ياست الناس يعني حوالي من 2500 الى 2000 لانو راح تفتحي حساب في البنك وترسلي الشيك الملغي للملحقية وهي راح ترسلك بعد48 ساعة على حسابك 862$
    ولاتنسي السكن الخاص يحتاج تدفعي تأمين ويختلف من شقة لشقة على حسب التأمين وبوستن بصراحة مرة حلوة
    تختلف بكثير عن القرية اللي احنا فيها وربي يعينك ويعيننا
    7 "
  3. المشاركة الأصلية كتبت بواسطة Ghada~
    طيب انتو جاكم قبول لغة وجامعة ولا بس لغة وكم تبعد القرية عن بوستن
    عن نفسي انا اوراقي كاملة وفي شباب ماجاهم قبول جامعة وفي شباب جاهم القبول في نفس جامعة ميرماك وفي شباب
    ماعنده ورق اصلا لا اصدار قرار ابتعاث ولاضمان ولاتأمين يعني الشغل هنا مشكل زي الكوكتيل بس كوكتيل يصد النفس ههههههههههه بالنسبة كم تبعد هي على حسب وسيلة المواصلات لو بالقطار تبعد ساعة لو بالسيارة تبعد 25 دقيقة تقوليلي كيف انا اقلك عشان القطار بيوقف في كذا محطة اما السيارة على طول ماتوقف بس طبعا بالقطار رايح جاي
    ب 13.5 $ اما بالسيارة من مية وانتي طالعة يعني لو كنتي مريشة اركبيلك سيارة ولو انو بالقطار ترى حماس
    اي استفسار انا جاهز وربي يعين الجميع
    تحياتي
    7 "
  4. المشاركة الأصلية كتبت بواسطة Dr. doody
    انا دحين في واشنطن بعد بكره حروح على بوستن نورث اندوفر نفس معهدكم انشالله بس مو عارفه فين ارووح وابا احدلايستقبلني هناك انا ووالديو يدلني على مكان سكن ياريت القى رد
    Dr.doody : اول ما توصلي المطار خذي تاكسي وتعالي على ذا العنوان :


    224 Winthrop Ave, Lawrence, MA 01843
    Holiday Inn Express Lawrence
    وهذا أقرب فندق موجود في المنطقه
    واوموركم ان شاء الله طيبه
    7 "
  5. الله يعينكم وييسر لكم إنشالله
    حبيت أسئلك أخوي بالنسبة للايجارات ستديو أو غرفة وصالة على كم أسعارها
    وهل السكن عبارة عن كامب باوند خاص ببوابة خاصة وسيكيورتي ولا شغل حواري
    بصراحة أنا المفروض معاكم أبدأ بس تأخر الاي تونتي وأجلت الدراسة كمان 3 شهور
    وكلامكم عنها مش ولابد .......... يعني أغير ولا شلون
    ممكن الاغلب يبحث عن سكن مع عائلة أو بالجامعة ياليت إذا فيه متأهلين يفيدونا
    بالتوفيق للجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.