الأعضاء الإشتراك و التسجيل

الملتقيات
ADs

ضياع مستقبلي ومستقبل كثير من الطلاب الي ضاع في وهم اسمه ابتعاث..

ضياع مستقبلي ومستقبل كثير من الطلاب الي ضاع في وهم اسمه ابتعاث..


NOTICE

تنبيه: هذا الموضوع قديم. تم طرحه قبل 2477 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة طموووحة
    كان لدى ملك من الملوك وزير حكيم ملازم له لايمل من ترديد كلمة الخيرة فيما اختاره الله فإذا حزبه امر قال الخيرة فيما أختاره الله وإذا فاته رزق أو أي شيء من امور الخير يردد الخيرة فيما أختاره الله . حتى أنه في يوم من الأيام إنقطع احد أصابع الملك نتيجة دملة ظهرت فيه فأضطروا لقطعها فقال الوزير الخيرة فيما اختاره الله وكأن الملك غضب من هذه الكلمة وقال في نفسه إصبعي ينقطع وهذا الوزير يقول الخيرة فيما اختاره الله ؟ فقام بعزل هذا الوزير ظناً منه بأن هذا الوزير قليل الحكمة فقال الوزير أثناء مغادرته القصر الخيرة فيما اختاره الله . ومرت الأيام وخرج الملك في رحلة صيد مع بعض حاشيته في بلاد بعيدة عن بلاده وأنهمكوا في صيدهم حتى دخلوا في غابات يحكمها بوذيون (عبدة أصنام) فقاموا بأسرهم وأقتادوا هذا الملك وحاشيته وأرادوا ان يقدموهم قربناً (اضحيات) لاصنامهم وكان من شروط الأضحية لديهم أن تكون كاملة غير ناقصة فلما فتشوا فيهم وجدوا بأن هذا الملك قد إنقطع منه إصبع فضربوه وسلبوه ثم تركوه وذبحوا حاشيته . فعاد الملك غير مصدق بأنه نجا من الموت وعندما وصل إلى بلاده تذكر مقولة وزيره السابق الخيرة فيما اختاره الله وطلب بإعادة الوزير . فلما حضر إليه أمره بالعودة إلى الوزارة وأخبرة بما حصل له وأنه صدق في مقولته الشهيرة الخيرة فيما اختاره الله فقال الوزير الحمدلله حتى أنا عندما عزلتني قلت الخيرة فيما اختاره الله ولو أنك لم تعزلني لكنت معكم ولكنتي أول قربان يقدم إلى تلك الأصنام . فسبحان الله العظيم .
    إخواني ماصابنا لم يكن ليخطئنا وما أخطأنا لم يكن ليصيبنا فالخيرة فيما اختاره الله .
    ---------------------------------------------------------

    قـد يـرى الناس الجرح الـذي في رأسـك ولكـنهم لا يشعـرون بالألـم الـذي تعانـيه

    من جار على شبابه جارت عليه شيخوخته


    سئل حكيم : ما الحكمة؟ فقال : أن تميز بين الذي تعرفه والذي تجهله

    الثوم لا يفقد رائحته حتى لو غسل بماء الورد


    من وعظ أخاه سراً فقد نصحه.. ومن وعظه علانية فقد فضحه


    علمت أن رزقي لا يأخذه غيري ... فاطمأن قلبي
    وعلمت أن عملي لا يقوم به غيري .. فاشتغلت به وحدي


    كُن عادلاً قبل أن تكون كريماً

    من زاد في حبه لنفسه ... زاد كره الناس له


    يسخر من الجروح ... كل من لا يعرف الألم

    أكثر الرجال حكمة ... الذي يظن أنه أقل حكمة


    اللسان ليس عظماً ... لكنه يكسر العـظام

    إذا كنت مخلصاً ... فليكن إخلاصك إلى حد الوفاء ، وإذا كنت صريحاً فلتـكن صراحتك إلى حد الاعتراف


    نمرٌ مفترس أمامك .. خير من ذئب خائن وراءك

    لسان العاقل وراء قلبه ، و قلب الاحمق وراء لسانه


    القـناعة دليل الامانة ، والأمانة دليل الشكر ، والشكر دليل الزيادة ، والزيادة دليل بقاء النعمة ، والحياة دليل الخير كله

    تعلم من الزهرة البشاشة ، و من الحمامة الوداعة ، و من النحلة النظام ، و من النملة العمل ، ومن الديك النهوض باكراً


    اجعل نفسك ميزاناً في ما بينك وبين غيرك

    قالو عن الصبر
    الصبر ...عند المصيبة .. يسمى ايماناً
    الصبر.. عند الاكل .. يسمى قناعة
    الصبر .. عند حفظ السر .. يسمى كتماناً
    الصبر .. من اجل الصداقة .. يسمى وفاء
    كلام درر وحكم من حكماء عظماء وكلام من الواقع وثانكس يالغلا وبحاول قد ما اقدر امشي عليها





    المشاركة الأصلية كتبت بواسطة prince of pain
    كان الله في عونك

    ---->

    جزاك الله كل خير

    المشاركة الأصلية كتبت بواسطة مبتعثة إلى كندا
    أخي الصغير نايف ... و الله جتني البكوة .. و بنفس الوقت أنت كبرت بعيني كثير

    أخوي ما عليك .. أنا بما أني خريجة بكالوريوس علوم طبية بالسعودية .. و شفت مشوار طالبات الطب و غيره
    صدقني صدقني انك ما بتندم لو دخلت علوم صحية ( مختبرات .. أشعة .. بصريات .. علاج طبيعي .. إلخ )

    و أنت بعد لو مصر على الطب .. تقدر تحاول هناك .. يمكن الله يفتحها عليك

    بس و لا تزعل ..
    الذهب لما يزداد طرقه .. يصبح أكثر لمعان و تألق
    ما عليك من اللي حصل لك
    و لا تنظر للجانب السيء
    أنت اكتسبت خبرة ما أحد اكتسبها من زملائك اللي قاعدين يدرسون بالسعودية

    باين من أسلوب كتابتك ..أنك إنسان حاذق .. خلوق .. طموح .. و ذكي .. ماشاء الله تبارك الرحمن .. عسى ربي يرزقني بابن مثلك

    و حط ببالك .. أنت ما تتميز بتخصصك أياً كان
    إنما أنت اللي تضيف التميز لتخصصك

    يا ما شفنا أطباء ما يعرفون الخمسة من الطمسة على قولهم
    و يا ما شفنا مهندس ديكور .. مبدع في مجاله
    على فكرة .. أكلمك من واقع تجربة
    أنا كنت أبي طب لما كنت بالثانوية
    بس الآن .. لو كنت طبيبة ما كنت بكمل برى .. و لا كنت حصلت على الشهادات اللي أنا حصلت عليها
    و لله الحمد .. سمعتي بمجالي معروفة بالخير و ترشحت للإعادة ( ما أقصد أفتخر .. بس لأوضح لك مثال)

    الإبداع بيدك انت أينما تكن

    وفقك الله أينما حللت أخي الكريم
    احب اسمع كلام من امثالك ما يتكلمون في الهوى .!؟ بل من واقع تجربه وازيد على ذلك اللباقه في الكلام اهنيك اولاً واشكرك ثانياً على تشجيعك تسلمين والله لا يحرمنا من امثالك


    المشاركة الأصلية كتبت بواسطة zsl
    طاحت دول وغيرو نظام دول
    واحنا ابتعاث ابتعاث مسأله دراسه اخذت سنه وباقي لسه ؟
    ^
    ^
    اقوى مقطع ....وباقي النص مؤلم للنخاع



    المشاركة الأصلية كتبت بواسطة mbark88
    الله يوفقك يارب بس اخوي الطموح والهمه اللي فيك نميها اكثر واكثر ولا تيأس وانا ع فكرة مانتظرت تجسير جبت قبول بنفسي واستخرت تاشيرتي ولا انتظرت تجسير واذا تبي مساعدة نحن بالخدمة والله يوفقنا جميعا ولايضيع لنا تعب
    الله يوفقنا وياك يا اختي العزيز .. وانا غلطتي اني انتظرتهم مو كسل مني .! من كذب كان يكذبونه علي
    واللهي عرض مغري اذا تبي تساعديني ادعي لي


    المشاركة الأصلية كتبت بواسطة المهاجرة البعيدة
    حسبي الله على الي حطمك وانت لسه متخرج وطموح كلامك الي قلته كانه كلامه لاني عشت الحاله هذي والسبب اني ماعندي قبول الناس سافرت واحنا باقي الصراحه اناتحطمت كنت في البدايه فرحانه لكن الحين صرت اكره الابتعاث وهم السبب وليش الوزارة ماتكلم المكتب اوتشوف لنا مكاتب غيرعن مكتب تجسير الكذاب النصاب وانا اشكر ملكنا الغالي لاني انقبلت في البعثه لكن هومايدري عن العذاب الي احنا فيه واخر شي قلت سافرت اولا عادي ماتفرق لكن راح ادعي كل يوم على الي كان السبب حسبي الله ونعم الوكيل
    مشكوره على مرورك العطر .. ويا اختي المشكله مو بس التأخير .!! المشكله ان التخصص مو الي فبالي قربت التقاديم على الجامعات الي هنا وانا لسه ما خلصت .!! وحتى لو قدمت هنا راح ما تكون لي الافضليه .!! الافضليه للطلاب الي سبقونا .!وراحت السنه تيتي تيتي مثل ما رحتي مثل ما جيتي .. واذا على مكتب تجسير هو سبب كل عذاب للطلاب والوزاره هي المسؤوله

    المشاركة الأصلية كتبت بواسطة مدري وش السالفه !!
    مابتدرس بالديره .....انت بتدرس هناك بس انت الان تعاقب نفسك وتعذبها لانك تركت فرص كثيره
    بس نسيت انك استخرت!!!يعني تطمن
    ابدا لاتلوم نفسك .....فقط ضع الخطط ..مافي وقت للتفكير في الماضي... لاتضع امامك المشكله ((بل حلها))
    انت تبي(((((((((الطـــــــــــــــــــــــــــــــــــ ـب)))))))))))))))
    الي خلاك تفكر انك تدرس برا عشانه وتترك كل المغريات في افخم الجامعات السعوديه صـــــــــدقني يخليك تجيب المعدل المطلوب الي يؤهلك للطب وزود بعد

    انت تقدر
    وبعد اقل من سنتين راح نقرا لك موضوع انك تدرس الطب
    كلام جميل ومشجع .. بس يالغلا .؟ اغلط نفس غلطي ؟ واكمل ؟ ليش اكمل لييييش ؟ اضيع سنه ثانيه ؟ وثالثه ؟ ليش ما ادخل من هنا وسنه بسنتها وربي يعوضني ان شاءالله بالي احسن منها ..
    بتقولي اطلع ؟ طيب اطلع وبعدين ؟ ادرس لغه اوكي ؟ وبعدين ؟ افرض فرض من الفرضيات انهم ما حولني ؟ ما حصلت جامعه تقبلني بدون سنه تحضيريه ؟ شسوي ؟ راح ارجع للسعوديه واكون ضيعت بدال السنه سنتين .. خلونا نكون واقعيين لا نكذب على انفسنا


    المشاركة الأصلية كتبت بواسطة ooola
    السلام عليكم ورحمة الله
    اخوي
    بصرااحة أحييك على طموحك وتفوقك
    شيء جميل نشوف شبابنا متفوق وناجح
    لكن لاتصير انهزاامي
    كل شيء مكتووب ومقدر وهذا نصيبك
    خيررة انك متأخر مااتعرف اايش المستقبل
    بالعكس اشغل وقت انتظااارك في شيء تستفيد منه
    وحكاية انك لا على بر ولاعلى بحر هذي مشكلة وزارتنا المؤقرة
    معتمدة على مكاتب الله يعين
    اعمل جهدك وجيب قبول في المكان اللي تبغااه
    ويكون عندك حجة تاااخيرهم
    الله يوفقك ويسهل امورك
    الخيره فيما اختاره الله ..ولا اعتراض على القدر .وان الله مع الصابرين .. لكن الواحد يتخذ بالاسباب ويحسبها صح انا مو انهزامي .. انا بس اسعى ورى طموحي ولا اقبل بأي شكل من الاشكال شي يجبرني اني اتنازل عنه ..واذا ع القبول انا اللحين محتار بالولايات والمعاهد وخليت الشي هذا لمكتب مستقبلي ,
    والله يوفقنا وياك يالغلا
    المشاركة الأصلية كتبت بواسطة nosah2
    أنا إلى الان بأنتظر القبول خلصت كل أوراقي والفيزة وباقي أستلم القبول من الوزارة
    وكل ماأرسلهم رسالة يقولو لسة قبولك ماوصل .. وأراسل الملحقية يقولو رسلنا i20 من شهر ونص
    يعني أصدق مين .. من جد الموظفين عندنا يومهم بسنة .. الأمريكي في السفارة قال تستلمو الفيزا أخر الشهر ومن جد صدق في كلامه وأستلمته أخر الشهر .. أما عندنا كل شوية يقولو الاسبوع الجاي ... مدري متى يجي دا الأسبوع..
    الله يعين كأن القبول مو راكب طياره وجاينا .!! كأنه مركبينه فوق ظهر سلحفه ولا بعد لو سلحفه كان يمديها وصلت ., ولا تنسين اللخبطه والحوسه وكل منهم يعطيك كلمه وما فيه شفايفه ابد , واللهي حاس فيك وحاس بالي تعانين منه
    لان الشي هذا قاعد امر فيه انا باللحظه هذي .. يالغاليه جيبي قبولك بنفسك ما بقي قد الي فات ,,
    7 "
  2. انا تجسير جاب لي العمى طبعاً هذا غير انهم ضيعو ملفي 4 شهور كامله , بعدها انا بنفسي لقيته عندهم حتى ماكلفو على نفسهم يبلغوني
    الحمدلله على كل حال , بعدها قالوا لي اختاري معهد - اخترت معهد قالوا انه مقفل من الملحقيه " والآن انصدمت انهم جابو قبول فيه لأكثر من مبتعث ومبتعث في المعهد اللي كنت ابيه " قلت يمكن خيره انه اروح للمعهد الجديد
    وكنت اطلب منهم يرسلون لي نسخه من الآي توني - وقالوا انتظري من فريقنا ايميل وبنتواصل معاك بالقريب العاجل
    انتظرت وانتظرت وطفشششت و لأني تخرجت بكالوريوس ومالقيت وظيفه لمده 3 سنوات "وتمسكت بالحلم هذا"
    والحمدلله بيوم جاتني فكره اني ابحث عن المعهد اللي تم اختياره من تدمير الفكر ؟ وبعد بحث لقيت ايميل وراسلت المعهد , قلت هل وصلكم شيء بأسمي ؟ قالوا نعم ولنا شهر نبغى صوره للجوازات والمكتب المكلف مايرد علينا
    وارسلت لهم صوره من الجوازت وقلت لهم يرسلون الآي توني على المكتب اللي راسلهم عشان يتختم ويكون كل شيء رسمي والحمدلله يارب وصلتني ولكن بعد معاناة نفسيية شديده وكذب من تدمير الفكر
    _________
    اخوي لازم تتصبر وتدعي ربك , انا ادري مايحس بالنار ألا واطيها , وصدقني لو اجتمعو البشر والجن على ان يضروك ماضروك الا بأذن الله
    7 "
  3. الله كريم ...... الله كريم

    وانا خوكـ الوضع من بعضهـ .........

    يوم انكـ تقوووول انقبلت ف الجويــــــــــــــة كان حلمي عقب ما انتهي من الثانوي اني ادخل كلية الملك فيصل الجوية

    والسبب 2 كيلو ناقص مع بعض الاسباب وانت ادرى ...........

    تحطمت ف البداية والله لايورينا وياكم مكروهـ قسم اني كرهت الدنيااا نحفت زيـــــــــادة ........

    اوصل اخواااني ف الصباااااح وهاتكـ يا وسوااااااس والله لدرجة اني ابكي ..........

    ولكن كـــلــــــــــن على هــــــمه ســـــــــــــــرى ...

    نسيت وابشركـ عيني على تخصص كويس ونادررررر وباحول منه ان اراد الله على دكتورر مساعد.......

    دعوة اخيررررهــ /

    عسى الله يسر لي ولك ولجميع المبتعثين و شبابنا وشابات المسلمين اجمعين يا رب ..

    وان الله لا يجعل الدنيا اكبر هـــــــــــمـــــــــــــنـــــــــــا ويعوضنا بجتاته وشوفت وجهـــــــه الكريم

    اسمحلي ع الاطالة
    7 "
  4. السلام عليكم ...
    انا حالتي نفس حالتك تقريبا ... من هولندا لامريكا .. و القبول .....الخ
    لكن ....انا مازلت صغيرة على قول ان مستقبلي ضاع ... لا و الف لا ...راح اقاتل ليما اوصل للطب ...
    ماراح اتنازل عن حلمي بهسهولة ....
    و انا متأكدة انو كل طبيب (فقط الطبيب الممتاز) واجه مشاااكل في سبيل الحصوول على حلمه..و الضعفاء هم اللي يتنازلو ..
    صحيح اخرونا كثييير على الدراسة ... لكن الوقت اللي قضيته مع اهلي و احبائي دون اعباء الدراسة ... كان اجمل وقت قضيته بعمري ...
    اتمنى لك التوفيق ... و لاتهمك هالظروف اللي ولا شي قدام طموحاتك .......
    7 "
  5. بسم الله الرحمن الرحيم ...يا أخي
    كل منا لايعلم ماينتظره هناك
    هي مغامرة ومخاطرة لمستقبل غير معروف لأن نطمح للأفضل
    نصيحتي لك اعد تقييمك لأولوياااتكـ
    دراسة الطب ليست سهلة في امريكا لكن ان اثبت تميزك ستجد حلمكـ ان شاء الله
    7 "
  6. حبيبي ماابغى اقول لك ان لسه انت صغير بس انت لسه في بداية حياتك لا تخلي التحطيم يدخل في نفسك ويكون معاك في حياتك لانه بتتبهذل انتبه , انت لسه في بداية الطريق الله يوفقك يمكن هذي السنه الي تاخرت فيها تكون لك خير يمكن لو انت رايح يمكن صار لك شر بعيد عنك ان شاء الله , وبعدين حتى لو كان عمرك 19 انا من عندي من نطاق المجتمع الي حولي من جميع الاعمار مبتعثين سوا كان اعمارهم 19 او 24 او 25 للبكالوريوس . اهم حاجه طموحك لا تتخلا عنه والاستخــــــــــــــاره اهم حاجه

    شوف في الشهور الي بتجلس فيها , حاول تدخل في معهد انجليزي وتدرس وادرس انجليزي وشد حيلك وان شاء الله اذا رحت هناك يحطونك في ليفل حلو ان شاء الله ماتاخذ دراستك الا شهرين او ثلاث وتاخذ اللغه ترا مو صعبه للدرجه هذي , واذا كنت تبغى طب وانقبلت في علوم صحيه ليه تحطمت ترى في المستقبل انت ماتدري يمكن الاحتاج للعلوم الصحيه اكثر من الطب ؟

    في الاخير ادعي وخل والدتك تدعي لك والله يوفقك ويسهل لك امورك وامورنا
    7 "
  7. المشاركة الأصلية كتبت بواسطة White Pearl
    من جد ياأخوي كلامك مره مؤثر

    ( الخيره فيما اختاره الله )

    ركز ع هذي الجمله والقصه الي كتبتها الأخت

    الله يوفقك ويعطيك ع قد نيتك
    الله يوفقك الجميع امين يارب وتسلمين على المرور العطر والخيره فيما اختاره الله اكيد يا غناتي وان شاءالله انها خيره


    المشاركة الأصلية كتبت بواسطة a-sh
    الله يكونــ بعونكــ

    بما انكــ اخترتــ طريقكــ بنفسكـ لا تناضر ورا ابدا !! وبأذنــ الله ربيــ يعوضكــ

    عسىـ الله يكتبــ لكـ ولنا الخير وينـ ماوجهنا
    امين يارب الله يسمع منك
    وان شاءالله بكمل بطريقي والي يصير يصيرطبعاً بعد الاستخاره كل واحد مكتوب له رزقه وين ما كان لو فوق القمر كله مقدر ومكتوب


    المشاركة الأصلية كتبت بواسطة ساهــ.M.ـر الليــل
    وربي انك فتحت لي الجروح

    آآآآآآآآآآآه

    اخوي مانقدر نقول غير قدر الله وماشاء فعل

    انا كنت مثلك بالضبط طب بهولندا واتحولت ومثلك انقبلت بالجامعات السعودية لكن آآآه

    ضحينا بكل شي عشان البعثة

    الله المستعان اخوي ,,
    ما فيه مخلوق بالدنيا راح يحس بالي نعانيه احنا لكن الشكوى لله
    قـد يـرى الناس الجرح الـذي في رأسـك ولكـنهم لا يشعـرون بالألـم الـذي تعانـيه



    المشاركة الأصلية كتبت بواسطة منعطف خطير
    من قال ان النجاح لايكون الا باابتعاث مليون مرة اقول انا خريجة بكالوريوس من المملكة العربيه السعوديه
    اهلين وسهلين بمشرفتنا الغاليه نورتي موضوعي .. بس فيه نجاح عن نجاح يفرق , وانتي عارف وضع الجامعات عندنا بالسعوديه وخاصه بالجوف .. وضعها مزري للغايه
    المشاركة الأصلية كتبت بواسطة رواء
    الله يوفقك يارب وينورلك طريقك
    وان شاء الله انك طب بعزيمتك...
    الله يسمع منك يارب والله يوفق الجميع ان شاءالله تسلمين يا غلاهم على الدعوه الحلوه
    المشاركة الأصلية كتبت بواسطة I love KAS
    اسمعني يا اخوي ,,,,, لاتشكي لي وابكي لك ......

    لكن اعلم ان الله على كل شي قدير ... وان الله سبحانة يرزق من يشاء بغير حساب ... وقال تعالى ( وفي السماء رزقكم وماتوعدون )
    الله سبحانة تكفل برزق العباد وحدة .... لاتقنطوا من رحمة الله ... كل الاشياء هذة خلها دافع لك ومعزز لطموحك ....
    انا تركت ثلاث وظائف بنوك وتركت كلية الملك فهد الامنية .وتركت وظيفة في الهيئة الملكية في ينبع وتركت ... وتركت وتركت ... ليش لان عندي طموح ابغى اوصل له واحققه .
    شيل من بالك ان تحقيق حلمك بالسهل او بطريق مفروش بورود لا ... لكن اجعل هذة العثرات سلم لك للصعود الى اعلى المراتب بأذن الله
    الله يوفقنا ويوفقك يارب .....
    تحياتي .
    الله الله على الكلام الجميل والمشجع تسلم يالغالي ’’ والله يعوضك ان شاءالله عن ها ثلاث وظايف بالى احسن منها شد حيلك بس وان شاءءالله كل شي يهون .. والله يوفقك ويفق الجميع
    المشاركة الأصلية كتبت بواسطة سهى الحلوة
    موفق خيوي ورزقك مكتوب من يوم انت في بطن ميمتك لاتندم على شئ وانا خيتك اوكي ^_^
    احلا اخت والله ..,
    ايش الي مطمني ؟ ان رزقي مكتوب وشي مكتوب اني اخذه باخذه وشي مو مكتوب اني اخذه والله لو تنطبق السما ع الارض ما اخذته بس الواحد يعمل بالاسباب ويترك الباقي على ربه
    المشاركة الأصلية كتبت بواسطة اباطلحة
    الحال من بعضو ودي افجر مكتب تجسير ****
    المشاركة الأصلية كتبت بواسطة تراتيل الفرح
    مرحبا

    أخوي نايف

    أبغى أطلب منك طلب إذا سمحت لي

    أبغاك تقرأ كلامي كلمة كلمة وحرف حرف ..أبغاك تقرأ ردي بعقلك مو بعاطفتك وأنا متأكدة وقتها حتستوعب الموضوع كله وبإذن الله يكون سبب ف راحتك


    أولاً : كونك انقبلت ف أكثر من جهة فهذا دليل ماشاء الله ع اجتهادك وحرصك لكن طالما إنك اخترت الابتعاث لإنك تبغى

    درراسة صح فشي طبيعي انك تضحي بالعصافير اللي كانت ف يدك عشان شي يستاهل لكن ف شي جداً مهم حابة اسألك عنه

    هل انت استخرت ف موضوع الابتعاث ؟

    اذا كان جوابك نعم فحط ف بالك إنه أمرك بيد الله سبحانه ..وانت طلبت الخيرة منه وسألته بإنه يرشدك وانت الان لسه ف بداية طريقك ..لذلك لا تجزع ولا تبكي ..وارجع استخير مرة ومرتين وألف وحتى لو تسهلت أمورك

    للآن الفرص متاحة لك

    ثانياً : كونك الآن لا ع البر ولا ع البحر فاعتبرها ياأخي استراحة محارب ..وكلنا تعبنا من الزفت تدفيس وتأخرنا بسببه

    لذلك طالما الدكتور ماجد أعطاك الضمان المالي فخلاص مشكلتك انتهت ..كل ماعليك تختار الجامعة المناسبة وقدم فيها


    ثالثاً :أنا أنصحك نصيحة طالما انقبلت ..ادرس سنة اللغة لانك طالما تبغى طب ..فماراح تمشي بدون لغة حتى لو قدمت ف جامعاتنا ومثلك أعرف وبعدين حول

    رابعاً : الآن انت مخير بين انك تروح للابتعاث أو تستنى لحد ماتفتح جامعاتنا أبوابها ..وأنا برضو أنصحك

    طالما الوزارة عملت اللخبطة هذه فأنصحك نصيحة ثانية وهي اللي حابة بجد إنك تركز عليها

    انك تقدم ف جامعاتنا لانه مابقي الا كم شهر اعتقد وينتهي الترم الثاني ..وقتها لو انت متأكد انه جامعة الطب حتقبلك

    والله بجد روح كمل هنا وبعدين فكر ف الابتعاث لما تنتهي من الدراسة ..وهذه الشهور استفيد منها ف تطوير لغتك

    خامساً : جرب تختبر آيلتس بعد مذاكرتك شهر ..بجد أتكلم ..فلو انت جبت الدرجة المطلوبة ..روح للدكتور ماجد وخليه يحولك


    وف النهاية حابة اقولك انه حاسة فيك وف وضعك ويمكن أنا الان عشته لانه ماابغى ادرس هنا ومتأرجحة بين ظروف وأشياء كثيرة

    لكن الحمدلله الفرج قريب


    الله يكرمك اخوي ولا تنسى الصلاة ف جوف الليل والاستغفار ويارب تبشرنا قريب عنك

    شكراً.

    انا قريت كلامك اختي تراتيل كلمه كلمه حرف حرف شبر شبر نقطه نقطه مسافه مسافه نصيحه نصيحه <~ متأثر بالقذافي

    وصراحة كلامك درر والله كلامك عين العقل كلامك هذا كله وربي هو الي فبالي ومن ناحيه استخرت الحمدلله كل ليلة استخير وما فيه صلاة الي ادعي ان ربي يرحيني ويفقني لشي يرحني ويرح بالي ,,

    لكن انا استخرت واستخرت وراح افضل استخير لين ما ارتاح على شي وامضي فيه وما بعد الاستخاره وربي ما بعدها شي تضفي الذهن وتريح القلب ,
    والحمدلله انا الليوم مبصوط كثير عن امس لني الاسبوع الجاي واصل قبولي من مكتب ثاني غير تجسير ..وهذا كله بفضل ربي وبفضل دعائكم لي الله يفرج لك كله هم ان شاءالله ,, والله يالغلا كلام من جد فتح لي مواضيع كثيره فبالي لازم ارسم لها خطط وهذا ان دل دل على طريقة استراتيجيه تفكيريك العظيم والتخطيط للمستقبل وهذي شي راح يميزك بكثر من ناوحي مستقبليه ... اعيد واكرر شكري لك على كل كلمه قلتيها ما اقدر اوصف شكري وتقديري لك ولا اقدر اجازيك الا بادعاء لك بالتوفيق والله يفرج همك وينور طريقك مثل ما نورتيني ,,


    المشاركة الأصلية كتبت بواسطة abo wasan
    اخي وفقك الله وسدد خطاك

    بعد اذنك حاول تتذكر اللي قال لك الكلمة
    آيش آڛۈي ڷڪ آضربهم عشآن مآ جآبۈ قبۈڷڪ

    بالله هدا كلام واحد يقابل جمهور ...اديني اسمه ومالك صلاح لك مني خير بعدها


    امممـ من ستر على مسلم في الدنيا ستره الله يوم القيامه .. خلها الكلمه هذي يارب يشوفها بحياته قبل مماته ..
    7 "
  8. ((الضربه الي ماتكسر الظهر تقويه))
    ان شالله الي صار معك يكون سبب في دفعك دفعه قويه الى الامام ولا تقلل من عزيمتك وطموحك
    يمكن انت شايف ان مافيه احد اصعب من حالتك
    بس تظل شاب ماتتقيد بوضوع مرافق وقلق
    انا تقدر تقول بدا حلمي يتحطم كان حلمي اكمل ماجستير نفس تخصصي واموري تمام بس للاسف المشكله عندي في المرافق
    والحين باقي معلقه ماسويت شي بس خليت موعد دراستي متاخر لين الله يفرجها الي سويته اني سلمت امري لله وانا واثقه انه راح يقدملي الخير وين ماكان
    ان شالله تنفرج امورك وتطلع تكمل حلمك وارضى بالمكتوب لك لانه اكيد الخيره موجوده فيه
    الله يوفقك يارب ويسر امورك
    7 "
  9. المشاركة الأصلية كتبت بواسطة a-moon
    ((الضربه الي ماتكسر الظهر تقويه))
    ان شالله الي صار معك يكون سبب في دفعك دفعه قويه الى الامام ولا تقلل من عزيمتك وطموحك
    يمكن انت شايف ان مافيه احد اصعب من حالتك
    بس تظل شاب ماتتقيد بوضوع مرافق وقلق
    انا تقدر تقول بدا حلمي يتحطم كان حلمي اكمل ماجستير نفس تخصصي واموري تمام بس للاسف المشكله عندي في المرافق
    والحين باقي معلقه ماسويت شي بس خليت موعد دراستي متاخر لين الله يفرجها الي سويته اني سلمت امري لله وانا واثقه انه راح يقدملي الخير وين ماكان
    ان شالله تنفرج امورك وتطلع تكمل حلمك وارضى بالمكتوب لك لانه اكيد الخيره موجوده فيه
    الله يوفقك يارب ويسر امورك
    لا لا لا يتحطم حلمك ولا شي انا بصير مرافقك <~ صادز

    وياك يالغلا يارب ينفرج همك وما تتدري يمكن انا الي اكون السبب بمااني خطبتك

    ترا خلاص العرس بكرا وبعدو معي بالسفاره نطلع فيزه

    <~~ يااارب توافق
    7 "
3 من 5 صفحة 3 من 5 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.