بليز لحد يبخل عليه بمعلومه تفرحني استفسار

السلام عليك

بس عندي كم سؤال اتمنى احد يجاوبني تعبت انا اسوي بحووث في جوجل وما الاقي حل وجواب

انا ودي ادرس طب بس ما ابغى ادرس طب في دولة عربيه ابا ادرس في امريكا
لاني لقيت في المرحلة السادسة في حملة الثانوية الطب بس في البحرين والاردن ومصر
وانا خايفه المرحلة السابعه تكون نفس الشي
لان لقيت انو الشروط تقول انو لازم اجيب فوق ال 90% عشان اروح لاردن
و95% عشان بحرين ومصر
ملاحظة علما بان مصر تحسب النسبة بالمواد العلمة فقط >>كدا كاتبين في الشروط
يعني لو انا جبت في المواد العلميه فوق ال 95 %
بس لو جبت نسبتي العامة تكون مابين 85%و88% هل حتقبلني البعثة

لان امريكا تحسب بالمواد العلمية لان ما يهمهم الدين والعربي
ويااارب يسير انو المرحلة السابعة البعثة بالنسبة للثانوية مو بس دول عربية لدراسة الطب
فهل حتقبلني البعثة على اساس اروح امريكا لان نسبتي في المواد العلمية فوق 90%
وعلما ان الطب في امريكا مو على طول ندخل جامعة الطب
اول شي ندرس بكلريوس في العلوم الطبيعية (كيميا عضوية او احياء و.. )
وجامعات العلوم الطبيعية تقبل اذا كانت النسبة فوق ال 80 %

فهل اضمن ان الشروط حتقبلني
بلييز ردو عليا
انا من اول ما بديت الثانوية العامة يعني 5 اشهر وانا احت وابحث وادور وما الاقي اجوبة
وانا هذي المعلومات عرفتها من هذا الموقع هوا الوحيد الي فادني بصراحة
بلييز ريحووني

بليز ردو عليا :(

حبيت انقلك هادا المووضوع وانشاء الله تستفيدي منه


http://www.mbt3th.us/vb/forum74/thread129625.html


" ولاتتنسيني من دعائك "

ثاانكس يالغالي والله بدعيلك من الصبح وانا استنى احد يرد عليا ^^

المختصر المفيد :)
كل سنة يعلنو عن شروط الإبتعاث .
ازا انطبقت عليك الشروط بالتمام انتا مرشح للبعثة :)
صحيح زي ما قلت دراسة الطب في امريكا لازم يكون معاك بكالوريوس علمي بعدين تدخل في سنة اسمها MCAT وتختبر و على حسب درجتك في هادا الاختبار تقدم على الجامعات لدراسة الطب .
عموما عندك فرصة لدراسة الطب مباشرة في دول اوربا .
تحذير !
قد يتم تغيير الدولة و التخصص اثناء الترشيح !
يعني بالعربي
مافي ضمان لمقعد الطب في الدول الأوربية ..
:)

ثاانكس على المعلومات واتمنى انو انقبل بس انا اخاف انو في البعثه مايحطو دول اروبيا اخاف يحطو عربية زي السنة الي فاتت في المرحلة السادسة

اقتباس:

---

المشاركة الأصلية كتبت بواسطة Atmna

ثاانكس على المعلومات واتمنى انو انقبل بس انا اخاف انو في البعثه مايحطو دول اروبيا اخاف يحطو عربية زي السنة الي فاتت في المرحلة السادسة

---

مين قلك انو فيه دول عربية ؟! :D

أنا مبتعث المرحلة السادسة وما حصلت دولة عربية ضمن الخيارات ..

تنويه : صاحب الرد كان مرشح لتخصص ( طب ) في دولة ( ألمانيا ) :D

اقتباس:

---

المشاركة الأصلية كتبت بواسطة Ahmed vista

مين قلك انو فيه دول عربية ؟! :D

أنا مبتعث المرحلة السادسة وما حصلت دولة عربية ضمن الخيارات ..

تنويه : صاحب الرد كان مرشح لتخصص ( طب ) في دولة ( ألمانيا ) :D

---

كان في تقديم للدول العربيه ( البحرين-الاردن-مصر)
بس تقديمها يختلف عنا
كانو قبلنا بشهرين > قريبي قدم فيها وبعدين بطل
وكمان مو زينا مدلعين الله يعينك تقدم ملفك في الرياض
اما احنا جولنا لحدنا في جده


واختي كلنا من المرحله السادسه لسى ما انتهت في ناس كثير ماطلعوو وانا من ضمنهم رايح شهر 8 ميلادي
يعني في رمضاان > حتوحشني الشوربه والسمبوسك تبعت امي

ادعيلنا اختي

صح صح كلام اختنا

فيه تقديم كل سنه للبعثات تقديمين

الاول الدول العربيه والآسويه

والثاني الاوربيه


انا مثلا نسبي ما كانت تاهلني للاوربيه اضطريت اقدم على العربيه والآسيويه وكانت خياراتي اليابان والصين والبحرين وقبلوني
لكن شطفتهم هع

ربنا يوفقكم يا الغالين


ودي لكم جميعا

اهاا بس ليه كدا تطول والله حرام تضيع سنة كلها بس في التقديم ايش الي يخليها تتاخر .؟.؟ ايش سبب التاخير
كتير يقولو انو الفيزا اطول وهيا السبب في التاخير
انا ابويا طيار وكان لما يطلع فيزا لامريكا كانت تطلع في 15 يوم تقريبا
طيب دحين مين اصعب في التقديم في الدول العربية والاسيوية ولا الاروبيا .؟ وياريت الي يعرف شروطهم يقلي هيا اذا ما عليه امر
والله يوفقكم ويكت الي فيه الخير